E'YO ECEZA 13

1Ma ndre nguruni efᴜria miri alia, eri o'yᴜ be mᴜdri, dri erini 'diyi aziri, o'yᴜ erini 'diyi ma dria oku opini mᴜdri indi, dri erini 'diyi ma dria rᴜ Mungu o'dazᴜ 'diyi indi. 2Ngurᴜ mani ndreleri si i o'dᴜle, paniri ngurᴜ dubarᴜ ma pale, tileniri kami ma tilele. Uri fe okpo ini pi eri dri, ogᴜŋa iniri pie, okpo amborᴜ opini pie. 3Ma ndre so dri erini ma azi alᴜ ekile kaile, te bele erini 'yezᴜ drazᴜri ati ra, te wudrikuru dria osu tᴜ nguru ma e'yosi, vᴜtini bizᴜ. 4Yi nga uri inzi, erini okpo opiniri fele nguru dririsi, nga vini nguruni inzi indi kini, A'dini ovᴜ nguruleni ya? A'di eco omba 'bazarᴜ eri beni ya? 5Fe eri dri ti e'yo amborᴜ 'diyi pi 'yozᴜ, o'data Mungu o'dazᴜri be ; yi fe okpo eri dri e'yo 'yezᴜ mba kali su drini iri. 6Eri zi i ma tile Mungu o'dazᴜ, rᴜ erini pi o'dazᴜ pari erini adrizᴜri pie, 'ba ovᴜpi 'bua 'diyi pie. 7Fe eri dri omba 'bazᴜ 'ba alatararᴜ be, yi agazᴜ. Fe vini okpo opiniri eri dri enyati pi ma dria, 'ba pie, ti 'yoza pie, suru pie dria. 8'Ba dria ovᴜpi nyakua 'diyi nga eri inzi, yi 'ba dria alᴜ aIᴜ yini yi ma ru sile Kabilomva ovᴜpi fuzarᴜ engazᴜ ewu nyaku ma eti 'bazᴜriari vile buku idriniri ma alia kᴜ 'diyi. 9'Ba azini ka ovᴜ bile be, eri ma eri ra: 10Yi ka e'yo li 'ba 'bazu arurᴜ, yi nga eri 'ba arurᴜ; 'ba azini ka 'ba fu seisi, ma fu eri seisi. E'yo teza 'ba alatararᴜ 'diyini, a'ita yini be eri 'do'i. 11Ma ndre nguru azinini efᴜria nyakuarisi; eri ovᴜ o'yᴜ be iri ekile kabilomvale, eri 'yo e'yo ekile urile. 12Eri 'ye e'yo okpo dria nguru okorinirisi eri ma milia. Eri fe nyaku 'ba ovᴜpi alenia 'diyi be ma inzi nguru okori, eri'i bele erini ndra 'yezᴜ drazᴜrini atizᴜ rari. 13Eri 'ye eceta amborᴜ ndᴜ ndᴜ, ecazᴜ kpere erini aci feria esizᴜ 'buarisi va nyakua 'ba ma milia. 14Eri ici 'ba ovᴜpi nyakua 'diyi eceta yini fele eri dri 'yezᴜ ngurᴜ ma milia 'diyisi, 'yozᴜ 'ba ovᴜpi nyakua 'diyi ma tia kini yi ma ede nguru yini sole seisi te ovᴜpi idrirᴜri ma wura. 15Fe erini ava fezᴜ wura nguruni dri, 'dini wura nde nguruniri ma 'yo e'yo ani, ma fe vini 'ba dria wura nguruni inzipi kᴜ 'diyi ma ovᴜ fuzarᴜ kai ra. 16Eri fe yi ma 'ba eceta 'ba dria ma dri ndiria kani yi ma andretia, 'ba wererᴜ 'diyi pi 'ba 'wara be, 'ba afa e'irᴜ 'diyi pi 'ba aliorᴜ be, 'ba kari-'barᴜ 'diyi pi 'ba ati'barᴜ 'diyi be dria, 17'dini 'ba alᴜni econi afa jezarᴜ kani afa ozizarᴜ kᴜ, pe kiri 'ba ovᴜpi eceta nderi beri a'dule, eceta nderi ovᴜ rᴜ nguruni kani rᴜ erini ma namba. 18Ondᴜa 'do'i. 'ba ovᴜpi ondᴜa beri ma la nguru nde ma namba ; eri 'ba ma namba ra, namba erini ovᴜ tᴜrᴜ azia drini kali azia drini azia.

will be added

X\