E'YO ECEZA 11

1Fe ma dri ozᴜ ekile kalile, 'yo kini: Mi enga, mi o'bi hekalu Munguni pi, pari edeta edezᴜri be, 'ba inzipi alenia 'diyi pie, 2te mi kᴜ irii ovᴜpi hekalu ma ageia amveri ; mi o'bi eri kᴜ, yini eri fele 'ba jururᴜ 'diyi dri 'borisi, yi nga aku alatararᴜ otᴜ yi pa agelesi va mba kali su drini iri. 3Ma nga okpo fe 'ba mani e'yo eti nzepi iri 'diyi dri, yi nga e'yo ondri o'du alifᴜ alᴜ drini tᴜrᴜ iri drini kali azia, koliba be yi ma rᴜaa. 4'Ba 'diyi ovᴜ mizeitu pati iri azini talapati iri, pa osopi Opi nyaku driliari ma milia 'diyi. 5'Ba azini ka le yi 'yezᴜ onzi, aci efᴜ yi ma tilia ari'ba yini dri jazᴜ; 'ba azini ka le yi 'ye onzi, eri ma nga ovᴜ fuzarᴜ 'dinile. 6Yi ovᴜ okpo be 'bu ma ti opizᴜ ci, ozoo ma 'di o'du yini ondrizᴜrisi kᴜ beni, azini yi ovᴜ okpo be yi ara ojazᴜ arirᴜ, azini nyaku ezazᴜ dra ndᴜ ndᴜ driasi, etu yini leleri vᴜsi dria. 7Yi ka nga e'yo eti nzeza yini de ra, nguru efᴜpi 'bile asi-kokorᴜriari nga omba 'ba yi be, nga yi aga okposi ra, nga yi ofu ra, 8avᴜ yini la geria aku amborᴜ 'bani omvele ti orindirᴜrisi Sodomu'i azini Misiri’i, pari 'bani Opi yini 'dizᴜ pati alaza ma rᴜaari ma alia. 9'Ba efᴜpi 'ba piyi ma eselia, suruti pie, ti 'yoza pie, suru pie 'diyi ma azi ndre avᴜ yini o'du na ali be ra, te yi a'ini avᴜ yini sazᴜ 'bilia kᴜ. 10'Ba ovᴜpi nyakua 'diyi ovᴜ ani ayikosi yi ma e'yosi, yi 'ye e'yo ayikorᴜ, afa feza fezᴜ yi ma eselia, nabi iri 'diyini ndra 'ba ovᴜpi nyakua 'diyi inzale rarisi. 11O'du na ali be ma vᴜtia orindi idrini engapi Mungu vᴜri fi yi alia, yi oso pa urᴜlesi; azini uri amborᴜ bi 'ba nde yi ndrepi 'diyi ra. 12Yi eri o'duko amborᴜ engapi 'buarini 'yoria yi tia, 'dini, Emi etu urᴜ 'dole! Yi tu di uru 'bua iriti ma alia, de ari'ba yini ji yi ndre si. 13Etu 'dasi oyakia amborᴜ nga angᴜ oya ra, aku nderi ma esele mᴜdri ma azi alᴜri asᴜ i va; 'ba alifᴜ aziri odra oyakia nderisi, 'ba acepi 'diyi ovᴜ ani urisi, nga diza fe Mungu 'buari dri. 14Candi iriri de i ra; mi ne, candi nari emu mbele. 15Malaika aziriri vᴜ gᴜka ra, o'duko amborᴜ ovᴜ 'bua kini, Opi nyaza wudrikuruni oja i opi nyaza Opi amanirinirᴜ, azini Kristo erini-rinirᴜ, eri nga opi nya 'dani 'dani. 16'Ba 'wara kali iri drini su ripi ogᴜŋa yini dria Mungu drilia 'diyi eco yi va o'bukurᴜ Mungu inzizᴜ, 17kini, Ama 'yo awa'difo mi tia, Opi Mungu, Okpo E'ini, ovᴜpi curu’do indi azini ndrari, mini okpo mini amborᴜ 'dule opi nyazᴜrisi. 18Suru yi ovᴜ ndra adrasi, te adra miniri pi emu ra, ewu mini 'ba draza 'diyi ma e'yo lizᴜri be, mini ani oya ofezᴜ ati'ba mini 'ba nabirᴜ 'diyi pi dri 'ba alatararᴜ 'diyi pie, 'ba mi rᴜ rᴜpi 'diyi pie, 'ba nyiri 'diyi pie 'ba 'wara 'diyi pie dria, mini vini 'ba nyaku dri japi 'diyi ma dri jazᴜri'i. 19Zi hekalu Munguni ovᴜpi 'buari mgborᴜ, yi ndre sanduku e'yo aziza erinirini hekalua; ovi gaza pi nga ovᴜ indi o'duko pie, angᴜ liza pie, oyakia pie, ozoo si amborᴜ beri pie dria.

will be added

X\