E'YO ECEZA 10

1Ma ndre malaika azini okpo berini esiria 'buarisi va, su iriti i ma ruaa bongole, gari ago i eri ma dria urulerᴜ, andretini etule, pani ekile aci pa sopi pirirᴜ 'diyile. 2Eri ma dria buku gaarᴜ ovᴜ zizarᴜ. Eri 'ba i pa dri ndiari miri dria, dri ejiari nyaku dria, 3eri tre o'duko urusi ekile kamini onolerile; ka tre 'bo, angᴜ liza aziri 'diyi oli yi ma o'dukosi oli oli. 4Angᴜ liza aziri 'diyi ka li 'bo, ma 'ye e'yoni si si, te ma eri o'duko engazᴜ 'bua 'yozᴜ kini, Mi ma 'ba eceta afa ma ti opizᴜri e'yo angᴜ liza aziri 'diyini olᴜleri ma dria ci, mi si yi kᴜ. 5Malaika mani ndrele pa sopi miri ma dria nyaku beri ejᴜ i dri ndiari urᴜ 'bua, 6nga oyo so 'ba ovᴜpi idrirᴜ kpere 'dani 'dani, 'bu pi 'bapi afa alenia 'diyi be, nyaku pie afa alenia 'diyi be, miri pie afa alenia 'diyi beri ma rᴜsi, kini ewu tezᴜri 'ye asi 'di, 7te o'du o'duko malaika aziririnirisi, erini 'yeria vᴜria, e'yo zizarᴜ Munguniri de i ra ekile e'yo bari erini olᴜle ati'ba ini 'ba nabirᴜ 'diyi ma tiarile. 8Ma eri o'duko teka mani erile 'buarini e'yo 'yoria ma be dika kini, Mi mu, mi 'du buku ovᴜpi zizarᴜri malaika pa sopi miri ma dria nyaku beri ma dria. 9Ma mu di malaika vᴜ ani, ma 'yo eri tia eri ma fe ma dri buku gaarᴜ nderi. Eri 'yo ma tia, Mi 'du eri, nya; eri nga asi mini 'ba drazarᴜ, te mi tilia eri nga ovᴜ aluzarᴜ anyule. 10Ma nga di buku gaarᴜ nderi 'du malaika ma dria, ma nya eri ra; eri ovᴜ ma tilia aluzarᴜ anyule, te ma ka eri nya 'bo, eri 'ba ma asi drazarᴜ. 11Yi 'yo ma tia, Mi ma ondri e'yo dika 'ba kakaᴜ ma dria, suru pie, ti 'yoza pie, opi pie dria.

will be added

X\