E'YO ECEZA 1

1E'yo eceza Yesu Kristoni, Munguni fele eri dri e'yo ngapi yi 'yepi mbele ndo 'diyi ecezᴜ ati'ba erini ma tiari; eri pe tini malaika erini vᴜrisi, e'yo nde ecezᴜ ati'bo erini Yohana ma tia ; 2eri'i eri nze e'yo Munguni pi ma eti, e'yo nzeza Yesu Kristoni be, ada afa dria erini ndrele 'diyi. 3'Ba e'yo 'diri lapiri pi yi drilebarᴜ, 'ba e'yo ondriza eripi, e'yo sile aleniari ta mbapi 'diyi be; a'disikᴜ ewuniri ogogo. 4Yohana si kanisa aziri ovᴜpi Asiaa 'diyi vᴜ : 'Yeta anzutiri pi ma ovᴜ emi vᴜ asi anzurᴜ be, engazᴜ 'ba ovᴜpi curu'do indi, azini ovᴜpi andra, azini emupi ndori pi vᴜ, orindi azIri ovᴜpi ogᴜŋa erini ma drilia 'diyi pie, 5Yesu Kristo pie, eri 'ba e'yo eti nzepi adarᴜri, 'ba tile oko 'ba draza ma eseliari, 'ba opi a'birᴜ nyakua 'diyi ma dri cepiri. 'Ba ama lepi avasi, ama trᴜpi e'yo onzi amanisi i ma arisiri vᴜ; 6eri'i ama 'bapi ovᴜzᴜ opi nyazanirᴜ azini atalaᴜ edeta edepi Mungu i ma Atarᴜri dri 'diyirᴜri'i; diza pi ma ovᴜ eri vᴜ 'dani 'dani e'yo dri cezaniri be. Amena. 7Mi ne, eri emu iriti be; 'ba dria yi nga eri ndre yi milesi, 'ba ndra eri sopi 'diyi nga eri ndre indi ; suru dria nyakua 'diyi nga owᴜ owᴜ eri dri. Ma ovᴜ 'dini. Amena. 8Ma Alifani azini Omegani, Opi Mungu ‘yora, 'ba ovᴜpi curu'do indi, azini ovᴜpi andra, azini ngapi emupiri, okpo dria ma e'i'i. 9Ma Yohana, emi adri, inzata isupi emi be tualᴜ Yesusi, suru pie, asi teza pieri'i, ma ndra angᴜ i lipi yi ma alia omvele Patamo'iria, e'yo Mungunisi azini e'yo eti nzeza Yesunisi. 10Ma ndra Orindi alia o'du Opinisi, te ma eri o'duko amborᴜ ma ngᴜkᴜa, ekile gᴜkanirile 11'yozᴜ kini, E'yo mini ndreleri mi si buku alia, mi pe tini kanisa aziri 'diyi vᴜ; Efeso pi vᴜ, Simurina pie, Peregamo pie, Tuatira pie, Saridisi pie, Filadelefia pie, Laodikia pie. 12Ma oja di ma, o'duko e'yo 'yopi ma beri ndrezᴜ. Ma ka ma oja 'bo, ma ndre talapati melerᴜ aziri, 13te talapati nde 'diyi ma eselia ma ndre 'ba alᴜ ekile Mvi 'banile, afa suza supi i ruaa kpere paari, anzuzarᴜ baka melerᴜsi eri ma agatia. 14Drini pi dribi be yi ovᴜ emverᴜ pambale, sile ; mileni di aci ma andre drilele, 15pani ekile mola trile tri 'bale alarᴜ aci droza ma aliarile, o'dukoni ekile yi kakaᴜ ma o'dukole. 16Eri 'du 'bi'bio aziri i ma dri ndisi; sei cizarᴜ si be irileirileri efᴜ eri ma tilia; andretini di ekile etu dipi okposirile. 17Ma ka eri ndre ra, ma eco ma va eri ma palaa ekile 'ba avᴜle. Te eri 'ba i dri ndiri ma dria, kini, Mi rᴜ kᴜ, ma 'ba okori'i azini asizᴜri'i indi, 18ma vini 'ba Idrirᴜri'i; ma dra ndra ra, te mi ne, ma ovᴜ di idrirᴜ kpere 'dani 'dani, azini ma ovᴜ fungua drata pini Pari 'ba drazaniri be 'diyi be. 19E'yo 'disi mi si ani e'yo mini te ndrele 'diyi pi, e'yo ovᴜpi curu'do indi 'diyi pie, e'yo ngapi yi 'yepi ndo 'diyi pie. 20E'yo vale kᴜ 'bi'bio aziri mini ndrele ma dri ndiri ma alia 'diyi pini, talapati melerᴜ aziri 'diyi beri eri 'di: 'bi'bio aziri yi malaika kanisa aziri 'diyini, azini talapati aziri yi kanisa aziri 'diyi.

will be added

X\