FILIPIA 3

1Te e'yo acepiri 'di, ma adripi, emi ma ovᴜ ayikosi Opi ma alia. Ma'i ma andeni mani e'yo alᴜ sile emi vᴜ dika dikarisi kᴜ, te emi'i, e'yo nderi nga emi ta mbani. 2Emi ma ovᴜ mile be ocesi, emi ma ovᴜ mile be 'ba azi onzi 'yepi 'diyisi, emi ma ovᴜ vini mile be 'ba 'ba rua olipi 'diyisi. 3Te 'ba agele liza adarᴜ beri ama'i, ama 'ba Mungu inzipi Orindisi, ama enyapi Kristo Yesusi, ovᴜpi afᴜ be rᴜa ma e'yosi kᴜ 'diyi. 4Te ma'irᴜni, ma eco te ovᴜzarᴜ afᴜsi e'yo ruanisi ra. Ba azini ka ega i eco te ovᴜzarᴜ afᴜsi e'yo ruanisi ra ti, te ma aga yi ra : 5yi li ma agele o'du arorisi, ma 'ba suru Israelini, ma a'bini Benya-mini'i, ma 'ba Ebraniani 'ba Ebra-nianini tileniri'i; azitanisi ma 'ba Farisaini; 6e'yo asi vezanisi, ma inza ndra 'ba kanisani 'diyi; te e'yo kililirᴜ azitasirisi ma ovᴜ e'yo kokorᴜ. 7Te e'yo dria ndra ovᴜpi ma dri orodrirᴜ 'diyi, ma la yi ekile afa avipi tokorᴜrile Kristo ma e'yosi 'bo. 8Ada, ma la afa dria ekile afa avipi tokorᴜrile, nita mani Kristo Yesu Opi mani nizᴜrini agale tᴜ onyisi rarisi. Afa mani dria avi eri ma e'yosi, te ma la afa 'diyi ekile afa ngupi onzirile, eco mani ani Kristo isuzarᴜ orodri manirᴜ beni, 9ma ma ovᴜ isuzarᴜ eri ma alia, ovᴜzᴜ e'yo kililirᴜ ma ngᴜlᴜpini azitasiri be kᴜ, te e'yo kililirᴜ isule a'ita 'bani Kristo a'izᴜrisiri be, Munguni 'ba lazᴜ kililirᴜ a'itasiri'i; 10ma ma ni eri ani, okpo erini engazᴜ ani 'ba draza ma eseliari pi, ti eciza candi erini ma aliari pie, mani ma sizᴜ erile ekile erini dralerile, 11'dini ma ma eco ani cazarᴜ engata 'ba draza ma eselia-ri vᴜ beni. 12Ovᴜni kini ma isu 'bo, kani ma fu dri 'bo, 'dini kᴜ; te ma nzᴜ drile okposi 'dani, ma ma isu e'yo nde Kristo Yesuni ma bizᴜ aniri beni. 13Adripi, ma egani ma isu e'yo nderi 'bo, 'dini kᴜ; te ma 'ye e'yo alᴜ 'di, e'yo ma ma vᴜtia 'diyisi avizᴜ ra azini ma rua fezᴜ okposi e'yo ma drilia 'diyi vᴜ, 14ma nzᴜ drile baka vᴜ, afa azile fezarᴜri isuzᴜ, 'di omveta Munguni ama omvezᴜ uru Kristo Yesu ma aliari'i. 15E'yo 'disi ama 'ba ecopi dri fupi ci 'diyi ama ma ega 'dinile; te di e'yo azinisi emi ka ovᴜ asisile be ndᴜ, Munguni nga e'yo 'diri ece emi dri indi. 16Te di ama ma aci e'yo nde amani ecazᴜ 'bori ma alia. 17Adripi, emi ma 'ye tualᴜ mani 'yelerile, azini emi ma lu 'ba acipi tro tro ekile eceta amani ecele ndra emi dririle 'diyi. 18A'disikᴜ 'ba kakaᴜ mani yi ma e'yo olᴜle emi tia pale kakaᴜ, azini curu'do mani olᴜle emi tia mindre be 'diyi, yi aci onzi, yi ari'ba pati alaza Kristonirini. 19Asiza yini eri dri jazani, mungu yiniri eri yi ma anyajoni, azini afᴜ yini yini yi enyazᴜri eri e'yo drinzarᴜ yiniri'i, yi e'yo nyakuni ega'i. 20Te ama'i, ama 'ba suru 'buarini 'diyi, ama 'Ba 'ba Papiri Opi Yesu Kristo ngapi emupi 'buari ma mile ga; 21eri nga rua amani inzita kokorᴜri oja o'dirᴜ eri 'bazᴜ ovᴜzᴜ ekile rᴜa dizarᴜ inirile, okpo erini erini ecozᴜ ani afa dria 'bazᴜ i ma palaarisi.

will be added

X\