MARAKO 12

1Eri 'ba e'yo 'yo yi tia e'yo o'bezasi. Ba alᴜ isi ndra zabibu pati nga alia, eri nga kali to ageinia ci, eri nga 'bile ga efini ma su nzizᴜ. eri nga moro si ageini tezᴜ; eri nga nga nde kᴜ 'ba ageini tepi 'diyi dri, nga di ini mu angᴜ azinia. 2Ewuni ecaria eri nga ati'bo ma ti pe 'ba amvᴜ agei tepi 'diyi vᴜ, eri ma a'i zabibu ma efi 'ba ageini tepi 'diyi dri. 3Te yi nga eri bi ci, nga eri co ra, nga eri ti pe dri be pirini. 4Eri nga ati'bo azini ma ti pe yi vᴜ dika; yi nga eri gba dria, yi nga eri dri drinza fe ambo. 5Eri nga azini ma ti pe, te yi 'di agu nderi ra. 6Ace di erini 'ba alᴜ, mvi erini leleri’i ; vilerisi eri nga eri ti pe yi vᴜ, kini, Yi nga mvi mani inzi ra. 7Te 'ba amvu agei tepi nde 'diyi nga e'yo 'yo yi eselia kini, 'Di 'ba ngapi angᴜ nyapiri'i; emi emu, ama fu eri ra, angᴜ nyazani nga mvi amanirᴜ ani. 8Yi nga eri bi, nga eri fu kai, 'be amvu zabibuni ma aliasi amve. 9Opi amvu zabibuni ma e'ini nga di a'di 'ye ya? Eri nga emu 'ba amvu agei tepi 'diyi ma dri ja ra, eri nga amvᴜ zabibuni fe 'ba azini dri. 10Emi lani ndra e'yo siza 'diri kᴜ ya? kini : Oni 'ba jo sipi 'diyini gale siri, oni 'diri ofᴜ ovᴜzᴜ jo kalati ma oni drirᴜri'i; 11oni drirᴜ nde 'diri enga Opi vᴜ, eri ovᴜ ama milia e'yo osutarᴜni. 12Yi 'ba geri ndru eri bizᴜ, te yi ovᴜ 'ba ongᴜlᴜmᴜrᴜsi urisi, a'disikᴜ yi va ra eri 'yo e'yo o'beza 'diri yi ma e'yosi; yi nga eri kᴜ ra, nga mu ra. 13Yi nga 'ba Farisaini piyi ma azi ti pe 'ba Herodeni ma azi be vᴜnia, eri mbazᴜ e'yo erini 'yolerisi. 14Yi ka eca 'bo, yi nga ‘yotinia kini, Ba 'ba Imbapiri. ama ni ra mi 'ba adani, mi asini 'ba alᴜni ma e'yosi kᴜ; a'disikᴜ mi openi 'ba e'daza yi ma ruanisi kᴜ, te mi 'ba imba geri Mungunisi adarᴜ. Azita a'i 'bani musoro fezᴜ Kaisari dri ra, kani kᴜ ya? 15Ama fe ra, kani ama fe kᴜ? Te erini lokiri yini varia, nga 'yo yi tia kini, Emi ma o'bi 'dini a'disi ya? Emi eji nga ma dri silingi, ma ma ndre ani. 16Yi eji ra. Eri 'yo yi tia kini, 'wura ruania, e'yo Sile drinia 'diri be, eri a'dini ya? Yi 'yo tinia, Kaisarini. 17Yesu nga 'yo yi tia kini, Afa KaiSarini emi ofe Kaisari dri, te afa Munguni Mungu dri. Yi osu tᴜ eri ma e'yosi. 18'Ba Sadukayoni nga emu vᴜnia, 'ba adripi 'yopi engata yo 'diyi ; yi nga zi tinia kini, 19'Ba 'ba Imbapiri, Musa si ndra ama dri kini agu ma adripi ka dra ra, ka okᴜ kᴜ mva kokorᴜ, adripi erini ma omvi okᴜ ndeni, ma oti anzi drinia adripi ma ori idrizᴜ. 20Ndra adripi aziri indi; okori nga okᴜ bi ra, dra ra, kᴜni ori kᴜ; 21iriri nga eri omvi ra, nga dra ra ori kokorᴜ; nari nga 'ye 'dinile indi; 22yi aziri dria kᴜni ori kᴜ. Yi vᴜtia dria okᴜ nga dra indi. 23Etu engatani ma alia, eri nga ovᴜ okᴜ a'dini ya? 'Ba aziri 'diyini eri bile okᴜrᴜrisi. 24Yesu nga 'yo yi tia kini, E'yo emini abazᴜri eri bani 'di'i kᴜ ya? emini e'yo siza pi nile okpo Munguni be kᴜrisi. 25'Bani engazᴜ 'ba draza eseliarisi yi ngani okᴜ je 'de kᴜ, muni agupia kᴜ indi, te yi nga ovᴜ malaika 'bua 'diyile. 26'Ba draza ma e'yo, yini engazᴜ rari, emi lani ndra buku Musani, esele pati jererᴜri ma e'yo ecezᴜri ma alia, e'yo Munguni 'yole eri tia kini, Ma Mungu Iburahimuni, ma Mungu Isakani, ma Mungu Yakoboni-ri kᴜ ya? 27Eri Mungu 'ba draza 'diyini yo, te 'ba idrirᴜ 'diyini; emi aba tᴜ. 28'Ba karanini ma azi alᴜ nga emu ra, ka eri yini e'yo oziria 'bo, ka ni ra eri e'yo omvi yi tia 'yeke, eri nga zi tinia kini, Azita dria ma eselia, ngori okonini ya? 29Yesu nga omvi tinia kini, Okori 'di'i, Mi eri, Israeli la: Opi Mungu amani, Opini alᴜ; 30azini mi nga Opi Mungu mini le mi asi driasi, mi idri driasi, mi asisile driasi, mi okpo driasi. 31Iriri 'di'i, Mi nga mi agyi le mi ngᴜlᴜpile. Azita azini 'diyi agapini yo. 32Karani nga 'yo tinia, Yeke, 'Ba 'ba Imbapiri; mi 'yo e'yo adarᴜ kini eri ovᴜ alᴜ, andini yo lᴜ eri'i; 33eri lezᴜ asi driasi, e'yo vaza driasi, okpo driasi, azini aguni i agyi lezᴜ i ngᴜlᴜpile, 'diri aga afa dria vele pi Mungu dri 'diyi pi edeta be ra. 34Yesu ka ndre ra eri omvi e'yo ondᴜarᴜ, eri 'yo tinia kini, Mi ovᴜni suru Munguni be re kᴜ 'vᴜtinia 'ba azini ma asi mbani e'yo zizᴜ eri tia dika kᴜ. 35Yesu nga e'yo omvi, erini 'ba imbaria hekalua, eri nga 'yo kini, Karani 'yo kini Kristo eri mvi Daudini ngoni ya? 36Daudi ma ngᴜlᴜpi 'yo Orindi Alatararᴜsi, kini, Opi 'yo Opi mani ma tia, Mi ri ma dri ndiria, de nga ma 'bani ari'ba mini mi pa agelea kᴜ. 37Daudi ma ngᴜlᴜpi omve eri Opi, 'dini; eri di ovᴜ mvi erinirᴜ ngoni ya? Ba ongᴜlᴜmᴜrᴜ kakaᴜ nga e'yo erini eri ayikosi. 38Erini 'ba imbaria, eri 'yo ra kini, Emi ma ovᴜ mile be karani piyisi, lepi acipi bongo suza izᴜrᴜ be, zita lepi cuua, 39kiti dridrilerᴜ lepi pari 'bani yi okᴜzᴜria, azini pari dridrilerᴜ lepi omua 'diyi ; 40yi di awᴜzi ma aku nya pirini, yi Mungu zi izᴜrᴜ yi ma e'da benisi. 'Ba 'diyi nga e'yo liza amborᴜ agapiri isu yi rᴜaa. 41Yesu nga ri va sanduku sente yizᴜ aleniari be otizarᴜ, eri nga ri 'ba o'birᴜ ni, yini sente yiria sanduku alia. 'Ba afa e'irᴜ kakaᴜ nga sente yi alenia kakaᴜ. 42Awᴜzi alᴜ aliorᴜ nga emu ra, eri nga sente nyiri nyiri yi iri, yi ecipi afa amborᴜ alᴜri. 43Eri nga 'ba erini imbale 'diyi omve i vᴜ, eri nga 'yo yi tia kini, Ma 'yo emi tia ndi ndi, awᴜzio aliorᴜ 'diri yi afa kakaᴜ aga ‘ba afa yipi sanduku alia 'diyi dria ra. 44Te yi dria yi yini afa acepi yi dri tᴜ 'diyi ma azi, te eri'i, alio erini ma alia, eri yi afa erini ovᴜzᴜ yi be 'diyi dria, ada afa erini adrizᴜri dria.

will be added

X\