MARAKO 1

1E'yo bari Yesu Kristo Mungu Mvini ma e'dozani. 2Yini sile nabi Isaya ma alia 'borile, kini, Mi ndre, ma ojio mani ma ti pe mi drilia, eri nga geri mini ede; 3o'duko 'ba e'yo oyᴜpi roko driarini, kini: Emi ede geri Opini ngonde, emi ofa leti erini 'diyi kililirᴜ— 4Yohana 'ba baputizi fepi angᴜ roko driari emu ra, olᴜ baputizi asi ojazani e'yo onzi wuzᴜ aniri ma e'yo. 5'Ba angᴜ Yahudinia 'diyi pi dria, 'ba dria Yerusalemua 'diyi be, nga efᴜ eri vᴜ; eri nga baputizi fe yi dri yi ara Yoridania, yini e'yo onzi yini e'daria. 6Yohana su ndra i ruaa ngamia ma 'biko cale bongorᴜri, eri ma opilia enyi kafarᴜ indi. Eri adri ombi pi nya anyusu aseari be. 7Eri olᴜ e'yo, kini, 'Ba azini ovᴜpi okpo be ma agapi rari nga emu ma vᴜtia, ma funi dri ani avuzᴜ enyi eri ma paari ma baka ayuzarᴜ kᴜ. 8Ma fe mani baputizi emi dri yisi; te eri nga baputizi fe emi dri Orindi Alatararᴜsi. 9Eri nga ovᴜ 'dini o'du 'dayisi, Yesu nga efᴜ Nazareti Galiliniriasi, Yohana fe baputizi eri dri Yoridani ma alia. 10Coti erini efᴜria yia, eri ndre 'bu asi i mgborᴜ, azini Orindi Alatararᴜ esi ri i ma dria kile a'balaᴜle; 11o'duko enga 'bua, kini, Mi Mvi mani lele tᴜri'i, mi ayiko fe ma dri tᴜ. 12Coti Orindi nga eri dro angᴜ roko driaria. 13Eri ovᴜ roko dria 'dale o'du kali su, obezarᴜ Satani dri; eri ovᴜ anyapa asea 'diyi be; malaika nga azi nga eri dri. 14De yini Yohanani 'baria arurᴜ 'boria, Yesu nga emu Galilia, e'yo bari Munguni olᴜzᴜ kini, 15Ewu eca 'bo, suru Munguniri ovᴜ va ogogo; emi oja emi asi, emi a'i e'yo bari'i. 16Erini agaria miri Galilini ma tiarisi, eri nga Simonini ndre, azini Simoni ma adripi Andarea'i, yini emba 'beria miri ma alia; te yi ovᴜ 'ba e'bi okᴜpi 'diyi. 17Yesu nga 'yo yi tia kini, Emi bi ma vᴜti, ma nga emi 'ba ovᴜzᴜ 'ba 'ba okᴜpi 'diyirᴜ. 18Yi nga emba yini kᴜ coti, nga mu eri vᴜtisi. 19Eri ka mu drile were, eri ndre Yakobo Zebedayo mvi pi adripi erini Yohana be; yi ovᴜ o'bo ma alia emba yini ederia. 20Eri nga yi omve coti; yi nga yi ati Zebedayoni kᴜ o'bo alia 'ba azi ngapi oyasi 'diyi be ra, yi nga mu vᴜtinia. 21Yi nga fi Kaperinaumua ; sabatosi coti eri nga fi pari 'bani yi okᴜzᴜria, nga 'ba imba. 22Yi nga osu tᴜ eri ma imbatasi, a'disikᴜ eri imba yi 'ba 'ba ayᴜpi okposirile, te ekile karanini adrile imbalerile kᴜ. 23'Ba azini indi, pari yini yi okᴜzᴜria, orindi onzi be eri ma alia; eri nga oyᴜ uru coti 24kini, E'yo amani mi be ngoni ya? Mi Yesu Nazaretiari, mi di emu ama dri ja ya? Ma ni mi ra, mi 'Ba Alatararᴜ Munguniri'i! 25Yesu nga ega drinia, kini, Mi adri ciri, mi efᴜ eri ma aliasi! 26Orindi onzini eri rua aseria, oyᴜria o'duko urusi, eri nga efᴜ eri ma aliasi ra. 27Yi dria nga osu tᴜ, yi nga ani e'yo zi yi agyi tia kini, 'Di a'di ya? 'Di imbata o'dini fo! Ka tro orindi onzini ti, eri nga yi ayᴜ okposi, te yi eri e'yo erini ra. 28Ru erini nga ku wakaka coti, kpere angᴜ Galilini ma ageiasi dria. 29Yi ka fᴜ pari 'bani yi okᴜzᴜriasi amve, yi mu perepere fi jo Simoni pini Andarea beri ma alia, Yakobo pie Yohana be. 30Simoni vile okᴜ ma andri la rua driza be valesi; yi nga perepere e'yo erini olᴜ tinia. 31Eri nga mu vᴜnia, nga drini bi, nga eri enga urulesi; rᴜa driza erini nga ati ra, eri nga azi nga yi dri. 32Ondresi, etu ka 'de 'bo, yi nga 'ba dria azo be 'diyi eji vᴜnia, 'ba orindi onzi be 'diyi be dria. 33'Ba akᴜ ndea 'diyi okᴜ yi dria tualᴜ jotilia. 34Eri nga 'ba rua azorᴜ azo ndᴜ ndᴜ be 'diyi ati kakaᴜ, eri nga orindi onzi ofᴜ karakaraᴜ indi; te eri a'ini orindi onzini e'yo 'yozᴜ kᴜ, yini eri nilerisi. 35O'bitisi de angᴜ atiza ace ambo indi, eri nga enga urᴜ, fᴜ amve, mu angᴜ roko driaria, eri nga a’i Mungu tia 'dale. 36Simoni pi mu eri ma vᴜtia 'ba ovᴜpi eri be 'diyi be; 37yi nga eri isu ra, nga 'yo tinia kini, 'Ba dria yi mi ndru. 38Eri 'yo yi tia kini, Ama mu angᴜ andinia aku azini ma alia, ma ma olᴜ e'yo 'dale indi ani; te ma efᴜ bani e'yo 'disi. 39Eri nga fi pari 'bani yi okᴜzᴜria angᴜ Galilini ma alesi dria e'yo olᴜzᴜ, orindi onzi odrozᴜ indi. 40'Ba alᴜ ofᴜ beri nga emu vᴜnia matᴜ 'bazᴜ vᴜnia, kᴜmᴜti osizᴜ vᴜnia, nga 'yo tinia kini, Mi ka le ra, eco mini ma rᴜa 'bazarᴜ alarᴜ. 41Asi erini nga ndri ndri, eri nga i dri ejᴜ, nga ruani elo, nga 'yo tinia kini, Ma le ra; mi rua ma ovᴜ di alarᴜ. 42Coti ofᴜ nga eri rua kᴜ ra, eri nga ovᴜ alarᴜ ani. 43Eri nga eri azi okposi, eri nga eri ti pe coti, kini, 44Mi ndre onyirᴜ mi ma 'yo e'yo 'diri 'ba azini ma tia kᴜ fo! Te mi mu mi rᴜa ece kuhani dri, mi ji eri vᴜ, mi rᴜa 'bale alarᴜri ma e'yosi, afa feza ndra Musani azileri, e'yo eti nzezᴜ yi dri. 45Te eri ka fᴜ ra, eri 'ba e'yo olᴜ wakaka, e'yonini kuzᴜ saarᴜ; econi ani Yesuni fizarᴜ aku alesi mgborᴜ kᴜ, te eri ovᴜ amvesi angᴜ roko dria. 'Ba nga efᴜ vᴜnia angᴜ drisi dria.

will be added

X\