YOHANA 3

1Isu agu alᴜ 'ba Farisaini ma eselia, runi Nikodemu'i, eri 'ba amborᴜ 'ba Yahudini ma dri cepiri. 2'Ba 'diri emu Yesu vᴜ inisi, 'yo eri tia, Rabi, ama ni ra mi 'ba 'ba imbapi engapi Mungu vᴜri; te 'ba alᴜni ecopi tali mini 'yele 'diyi 'yepi, Mungu ka ovᴜ eri be kᴜni yo. 3Yesu nga e'yo omvi, 'yo eri tia, Ma 'yo mi tia ndi ndi, 'ba ka ovᴜ osizarᴜ o'dirᴜ kᴜ, econi erini suru Munguni ndrezarᴜ kᴜ. 4Niko-demu nga 'yo eri tia, 'Ba eco ovᴜ osizarᴜ 'ba ka de ra ngoni ngoni ya? Eco erini fizarᴜ andri ma opoa paleko iri, eri ma ovᴜ osizarᴜ ani beni ya? 5Yesu nga e'yo omvi, Ma 'yo mi tia ndi ndi, 'ba ka ovᴜ osizarᴜ yisi azini Orindisi kᴜ, econi erini fizarᴜ suru Munguni ma alia kᴜ. 6Afa osile ruasiri eri ruani, afa osile Orindisiri eri Orindini. 7Mi osu mani 'yole mi tia kini, Mi ma ovᴜ osizarᴜ o'dirᴜrisi kᴜ. 8Olini angᴜ li pari erini lezᴜria, mi o'duko erini eri ra, te mi nini pari erini engazᴜri kᴜ, mi nini vini pari erini muzᴜri kᴜ indi; 'ba dria alᴜ alᴜ osile Orindisiri ovᴜ 'dini. 9Nikodemo nga e'yo omvi 'yo tinia, E'yo 'diyi eco yi 'yezarᴜ ngoni ngoni ya? 10Yesu nga e'yo omvi 'yo eri tia, Mi'i mi 'ba Israelini imbapiri, de mi nini e'yo 'diyi kᴜ ya? 11Ma 'yo mi tia ndi ndi, ama e'yo amani nile rari 'yo'i, ama vini afa amani ndrele 'bori ma e'yo eti nze'i; te emi a'ini e'yo amani etini nzeleri kᴜ. 12Ma ka afa nyakuni ma e'yo olᴜ emi tia, emi a'ini kᴜ 'di; ma ka afa 'buari ma e'yo olᴜ emi tia'i, emi nga a'i ngoni ngoni ya? 13'Ba alᴜni tupi 'buani nga yo, pe kiri 'ba esipi 'buarisi va, Mvi 'bani, ovᴜpi 'buari'i. 14Ekile Musani uri 'dule uru roko driarile, yi ma nga Mvi 'bani 'du uru 'dinile indi, 15'dini 'ba dria alᴜ alᴜ eri a'ipiri ma ovᴜ idri 'dani 'dani be ani. 16Munguni 'ba nyakua 'diyi lele tᴜrisi, eri fe Mvi erini tile alᴜri, 'dini 'ba dria alᴜ alᴜ eri a'ipiri ma ja dri kᴜ, te ma ovᴜ idri 'dani 'dani be. 17Te Mungu epeni Mvi erini ti nyakua e'yo nyakuni lizᴜ kᴜ, te nyaku ma ovᴜ pazarᴜ erisi beni. 18'Ba eri a'ipiri, e'yo lizarᴜ drinia yo; te yi li 'ba a'ipi kᴜri ma e'yo 'bo, erini Mvi Munguni tile alᴜri ma ru a'ile kᴜrisi. 19E'yo lizani eri 'di, diza emu nyakua 'bo, te 'ba le ini aga diza ra, azi yinini ovᴜle onzirisi. 20'Ba dria alᴜ alᴜ e'yo dri fupi kᴜri 'yepiri ngu diza onzi, eri emuni diza vᴜ kᴜ, kazᴜ azi erini ma e'yo a'dazᴜ kᴜ. 21'Ba e'yo adarᴜ 'ye-piri emu diza vᴜ, 'yeta ini ma ece yi ani kini yi ovᴜ 'yezarᴜ Mungusi beni. 22E'yo 'diyi ma vᴜtia Yesu nga emu 'ba erini imbale 'diyi be angᴜ Yudiaria; eri ovᴜ yi be 'daa, fe baputizi indi. 23Yohana alᴜ indi, eri ovᴜ baputizi feria Ainonia Salimu vᴜ ogogo, yini egale 'dale trerisi; 'ba emu vᴜmia, a'i baputizi ra. 24Isu de yi 'beni nga Yohanani arujoa kᴜ. 25'Ba Yohanani imbale 'diyi nga 'ba e'yo ozi yi ma eselia 'ba Yahudini alᴜ be, rua 'baza alarᴜri ma e'yosi. 26Yi emu Yohana vᴜ, 'yo eri tia kini, Rabi, 'ba mini ovᴜzᴜ eri be Yoridania 'aa'dasi, mini e'yo erini ma eti nzeleri, mi ndre, 'ba 'diri eri baputizi fe, azini 'ba dria yi mu eri vᴜ. 27Yohana nga e'yo omvi, 'yo kini, Afa ka ovᴜ fezarᴜ agu dri ibizᴜ 'bua kᴜ, econi isuzarᴜ inirᴜ alᴜni kᴜ. 28Emi ma ngᴜlᴜpiri e'yo eti nze masi kini ma 'yo ndra, Ma Kristo'i yo, te kini, Yi pe bani ma ti eri ma drilia. 29'Ba aliria bipiri eri izioni; te izio ma agyi, pa sopi e'yo erini eripiri, eri ovᴜ ayikosi tᴜ erini izio ma o'duko erilerisi; te ayiko mani 'diri eca i paria 'bo. 30'Ba 'dari ma e'yo ma zo uru, te maniri ma emvi ele. 31'Ba ibipi engapi ururi eri afa dria ma drilia; 'ba nyakuari eri 'ba nyakuni, eri nyaku ma e'yo 'yo'i; 'ba ibipi engapi 'buari eri afa dria ma drilia. 32Eri nze e'yo erini ndrele 'bori pi ma eti e'yo erini erileri be, te 'ba alᴜni a'ini eri ma e'yo eti nzeza 'di kᴜ; 33'ba eri ma e'yo eti nzeza a'ipiri ti i dri afa ecetarᴜ inisi, kini Munguni adarᴜni. 34Te 'ba Munguni tini epeleniri eri e'yo 'yoza Munguni 'diyi 'yo'i, te Mungu feni Orindi o'bizarᴜ afa o'bizasi kᴜ; 35Ata le Mvini ra, fe afa dria dria eri dri. 36'Ba Mvi a'ipiri ovᴜ idri 'dani 'dani be; te 'ba Mvini gapi siri ngani idri ndre kᴜ, te adra Munguni ovᴜ eri ruaa 'dani.

will be added

X\