YAKOBO 5

1Emi eri curu’do, emi 'ba afa e'irᴜ 'diyi, emi ma owᴜ, emi ma ga lulu candi ngapi ecapi emi vᴜ 'diyisi. 2Lonyi emini ma ra, odudu mbe bongo suza emini 'bo. 3Mele emini pi dahabu emini be yi oja yi urizarᴜ 'bo; urizaniri nga e'yo eti nze emi dria, eri nga emi rᴜa nya acile. 4Mi ndre, 'ba azi ngapi angᴜ emini vopi 'diyi ma oya, emini gale feko yi dri lokirisiri eri oyᴜ uru; azini otreta 'ba anya lopi 'diyini fi Opi asikari ongᴜlᴜmᴜrᴜniri ma bilia 'bo. 5Emi ovᴜ ndra afa onyirᴜ nyakuni 'diyi be tre tre, emi 'ye ndra e'yo dria ava emi ruaarini lelerile ; emi fe emi asini trazᴜ o'du afa lizᴜrisi. 6Emi li 'ba kililirᴜri ma e'yo eri ndezᴜ, emi fu eri 'bo; eri ogani emi kᴜ. 7Awa'dini, adripi, emi ma ovᴜ asi teza be kpere Opini ecaria. Mi ndre, 'ba nga 'yapiri adri efi kaza nyakuni aje ambosiri ma mile ga, eri tezᴜ asi tezasi de ozoo ayini pi ozoo wadrini be 'dini nga drinia kᴜ. 8Emi ma ovᴜ asi teza be alᴜ indi. Emi 'ba emi asi okporᴜ, o'du Opini ecazᴜrini ovᴜle ogogorisi. 9Adripi, emi ono emi agyi ma dria emi eselia kᴜ, yi kazᴜ e'yo emini lizᴜ kᴜ; mi ndre, 'Ba e'yo Lipiri so pa jotilea 'bo. 10Adripi, emi bi nabi e'yo 'yopi Opi ma rusi 'diyi ma e'yo ecetarᴜ candi nyaza pi ma e'yo ecezᴜ asi teza be. 11Mi ndre, ama adri 'ba candi nyapi asi tezasi 'diyi omve 'ba drilebarᴜ. Emi eri asi teza Yobuni ma e’yo ra, emi ndre e'yo Opini 'yeleri ma asiza 'bo indi, kini Opini ovᴜ asi ndriza be tre azini yiki be tᴜ. 12Te agapi driari, adripi mani, emi ma so oyo kᴜ, kani 'ba ma rusi kani nyaku ma rusi kᴜ, kani oyo azini e'yo ndᴜ ndᴜ 'diyisi kᴜ indi, te e'yo emini awa'diniri ma adri awa'dini, 'dini yori ma adri 'dini yo ; emi kazᴜ 'dezᴜ e'yo lizᴜri ma alia kᴜ. 13'Ba azini emi eselia eandi be ya? Eri ma zi Mungu. 'Ba azini ovᴜ ayiko be ya? Eri ma ngo ongo inzitani. 14'Ba azini emi eselia azo be ya? Eri ma omve 'ba 'wara kanisani, yi ma zi Mungu eri dria, yini odᴜ osᴜria eri ruaa Opi ma rᴜsi ; 15Mungu ziza a'itasiri nga 'ba azo beri pa ra, Opini nga eri enga ra; eri ka tro ndra e'yo eza ra ti, eri nga e'yo nderi wu ra. 16Awa'dini, emi e'da ezata emini emi eselia, azini emi ma zi Mungu emi alᴜ alᴜ dri, emi rua ma ovᴜ atizarᴜ beni. Zita 'ba kililirᴜni Mungu zizᴜri ovᴜ okpo be tᴜ e'yo 'yezᴜ. 17Eliya eri ovᴜ ndra 'ba ekile amale, te eri zi Mungu okposi kini ozoo ma 'di kᴜ; ozoo 'dini ani nyakua kᴜ trᴜa eli na drinia mba azia. 18Vᴜtinia eri zi Mungu dika; 'bu nga di ozoo fe, nyaku nga efi ini ka ani. 19Adripi mani, 'ba azini emi eseliari ka aba e'yo adarᴜ kᴜzᴜ, te 'ba azini ka eri omvi ra, 20emi ma ni kini 'ba 'ba onzi omvipi geri erini abazᴜriari nga orindi 'bani pa dra ma alia, eri nga ezata kakaᴜ ma dri a'bᴜ ra.

will be added

X\