YAKOBO 4

1A'di enga ngoa, azini omba emi eseliari enga ngole ya? Engani ava ruani omba 'bapi emi rua ma esele 'diyi ma aliarisi kᴜ ya? 2Emi li 'ba afasi ra, te emi ovᴜni afa nde be kᴜ; emi 'ba fu ani. Emi ma'yala 'ba tᴜ, te emi econi isuzarᴜ kᴜ; emi awa awa, emi omba 'ba ra. Te emi ovᴜni afa nde be kᴜ, emini zita zile kᴜrisi. 3Emi zi, te emi isuni afa kᴜ a'disikᴜ emini zile onzi, emini lezᴜ ava ruani 'yezᴜ anirisi. 4Emi okᴜ awuoᴜrᴜ 'diyi, emi nini kini agyi 'bazᴜ nyaku beri eri 'ba 'ba ovᴜzᴜ ari'barᴜ Mungu be kᴜ ya? Ka'dini 'ba azini ka le ovᴜ agyi nyakunirᴜ, agu nderi 'ba i ovᴜzᴜ ari'ba Mungunirᴜ. 5Kani emi ega emi asia e'yo e'yo sizani 'yoleri 'yo toko ya, 'yozᴜ kini, Orindi erini 'bale ovᴜzᴜ ama aliari eri ovᴜ ava be kpere a'ya 'bazᴜ ama e'yosi? 6Te eri fe 'yeta anzutiri ama dri aga ra; e'yo 'disi e'yo siza kini, Munguni 'ba ovᴜpi asi afᴜ be 'diyi ma dri aru, te eri adri 'yeta anzutiri fe 'ba ovᴜpi asi e'yeresi 'diyi dri. 7Awa'dini emi ma ovᴜ inzitasi Mungu ma palaa ; emi ma oga 'ba asᴜ sᴜpiri, eri nga apa emi vᴜrisi ani. 8Emi ma esi emi ogogo Mungu vᴜ, Munguni nga ani i esi emi vᴜ ogogo. Emi ma oji emi dri, emi 'ba ezapi 'diyi; emi ma 'ba emi asi alarᴜ, emi 'ba ovᴜpi asi iri be 'diyi. 9Emi ma inza emi, emi ma ota eandisi, emi ma owᴜ awᴜ. Oguta emini ma oja i asi otazarᴜ, ayiko emini ma oja i asi nzizarᴜ. 10Emi ma 'ba emi va asi e'yeresi Opi ma milia, eri nga emi 'ba uru. 11Emi ma 'yo emi agyi ma ru onzi emi eselia kᴜ, adripi. 'Ba ka i adri ma ru 'yo onzi, kani ka i adri ma e'yo li onzi, eri azita ma ru 'yo onzi, eri e'yo azitani li indi. Te mi ka e'yo azitani li, mi ovᴜni 'ba azita 'yepiri'i kᴜ, te 'ba azita ma e'yo lipiri’i. 12'Ba azita fepiri azini 'ba e'yo lipiri eri alᴜ, ecopi 'ba papi azini 'ba dri japiri'i. Te mi'i, mi agyi mini ma e'yo lipiri, mi a'di'i ya? 13Emi eri curu’do, emi 'ba e'yo 'yopi 'dini 'diyi, kini, Andrᴜ kani drusi ama nga mu aku amborᴜa 'dale, ama nga ovᴜ 'dale eli alᴜ afa oziria orodri isuzᴜ; 14te di emi nini e'yo druni 'de kᴜ. Idri emini a'dini ya? A'disikᴜ emi afᴜrᴜsa i e'dapi etu were, vᴜtinia afipi rari'i. 15Te le emi ma 'yo 'dini, Opi ka le ra ama nga ovᴜ idrirᴜ, azini ama nga e'yo 'diri 'ye, kani 'dari. 16Te curu' do emi emi enya afᴜ eminirisi. Enyaza awa'dinile 'diyi dria onzi. 17Ka'dini 'ba ka ni e'yo onyirᴜ 'yezᴜ ra, te eri ka 'ye kᴜ, e'yo 'diri ezataro eri dri.

will be added

X\