EBRANIANI 6

1E'yo 'dirisi ama ma kᴜ imbata oko e'yo Kristonirini, ama ma aga drile drile cazᴜ mbazᴜ dri fuzᴜ ci; ama ma 'ba jo eti dika dika kᴜ, efini e'yo asi ojaza azi dratani kᴜzᴜri pi, ovᴜzᴜ a'itasi Mungu vᴜri pie, 2imbata e'yo baputiziniri pie, e'yo dri tiza 'ba driarini pie, engata 'ba draza ma eseliari pie, e'yo liza 'dani 'daniri pie. 3Te ama nga e'yo 'diri 'ye ra, Mungu ka le ra. 4A'disikᴜ 'ba ndra fipi diza ma alia 'bo, afa feza 'buari ma aji o'bipi 'bo, ecapi 'ba Orindi Alatararᴜ isupi 'bo 'diyirᴜ, 5e'yo onyirᴜ Munguni 'yoleri pi ma aji o'bipi raka okpo ewu ngapi eca-pirini be, 6mupi e'depi ndo 'diyi, econi 'ba 'dinile 'diyi omvizᴜ o'dirᴜ asi ojaza vᴜ dika kᴜ; yini Mvi Munguni dile pari ruaa dika yi ma ngᴜlᴜpisi, azini yini drinza fele eri dri 'ba dria ma miliarisi. 7Te angᴜ nde ozoo 'dipi pale kakaᴜ driniari mvupi, nyaka kapi onyirᴜ 'ba angᴜ nde 'yapi 'diyi driri eri asi ndriza engapi Mungu vᴜri isu. 8Te eri ka oci pi ka avaefi be, 'ba yi nga eri ga si, ace were yi nga eri otri ra; asizaniri vezᴜ acisiri'i. 9Te 'ba amani lele 'diyi la, ama ka tro 'yo 'dinile ti, ama ovᴜ a'itasi emisi, e'yo emini ovᴜ onyirᴜ aga 'di ra, yi e'yo patani 'diyi. 10Te Mungu ovᴜni onyi kokorᴜ, erini ani azi emini pi ma e'yo avizᴜ, leta avasi emini ecele ru erinisiri be, 'dini kᴜ, emini ndra azi ngaria 'ba alatararᴜ 'diyi dri, azini emini azi ngaria kpere curu'do 'dani. 11Te ama le 'ba dria alᴜ alᴜ emi eseliari ma ece asi avarᴜ trotro 'dinile, e'yo tezᴜ asi tezasi cazᴜ kpere ewu asizᴜria, 12emi ma ovᴜ ani ondᴜa kokorᴜ ovᴜsi kᴜ, te emi ma bi 'ba e'yo aziza isupi awitarᴜ a'itasi asi teza be 'diyi ma vᴜti, ovᴜzᴜ ani yile. 13Te Mungu ka aziza azi Iburahimu tia, eri so oyo i ma ngᴜlᴜpi ma rusi, 'ba alᴜni eri agapi ra erini ani oyo sozᴜ eri ma rusirini ovᴜle yorisi, 14kini, Mani asi ndriza feria ma nga asi ndriza fe mi dri ra ndi ndi, mani feria mini ezᴜzᴜria ma nga fe mi ezᴜ tre ndi ndi. 15'Dini erini teria asi tezasi 'boria, eri isu aziza nderi ra. 16Te 'ba yi adri oyo so 'ba yi agapi rari ma rusi, azini oyo soza fe agata gaza yini dria ma tini asizᴜ, e'yoni 'bazᴜ okporᴜni. 17E'yo 'diri ma alia Mungu ka ndra le tᴜ e'yo ecezᴜ aga ra 'ba aziza isupi awitarᴜ 'diyi dri, kini i ojani e'yo amaza ini kᴜ, eri ece e'yoni oyo sozasi, 18'dini e'yo yi ojapi kᴜ iri, Munguni ani ecozᴜ inzo lizarᴜ alenia kᴜ 'diyisi, ama 'ba apapi 'bo nzᴜpi asi teza ovᴜpi 'bazarᴜ ama driliari bizᴜ 'diyi ma isu ani asi omiza okporᴜ. 19Asi teza 'diri ovᴜ ama dri aya nangarᴜ oguruni pa sozᴜ anirile ama asi bizᴜ, eri ojakokorᴜ, okporᴜ, fipi pari bongo jo ale alizᴜri ma kala alialerᴜria ; 20Yesu fi pari nde ma alia amasi, ekile 'ba nzᴜpi 'ba ma driliarile, ovᴜpi 'bazarᴜ 'bo atalaᴜ edeta edepi agapi ra 'dani 'danirirᴜ, ekile peza Melekizedekini pezᴜrile.

will be added

X\