EBRANIANI 5

1Yi 'ba atalaᴜ dria alᴜ alᴜ edeta edepi agapi ra, pele 'ba ma eseliari azi ngazᴜ 'ba ma e'yosi e'yo Munguni ma alia, eri ma fe ani afa feza piyi edeta be e'yo onzisi. 2Eri eco ovᴜzarᴜ asi e'yeresi 'ba e'yo nipi kᴜ 'diyi pi vᴜ 'ba avipi gerisi ra 'diyi be, a'disikᴜ eri ma ngᴜlᴜpini ovᴜle okpo kokorᴜ indirisi. 3Te e'yo 'dirisi eri ma fe edeta e'yo onzi i ma ngᴜlᴜpini edezᴜ indi, ekile erini 'ba azini ma e'yo onzi edelerile. 4'Ba alᴜni 'duni azi inzitarᴜ 'diri i drisi kᴜ, te Mungu ma omve erini ka, ekile erini Aronini omvelerile. 5'Dinile Kristo inzini i ngᴜlᴜpi i 'bazᴜ atalaᴜ edeta edepi agapi rarirᴜ kᴜ, te 'ba 'yopi eri tia kini, Mi ma Mvi'i, andrᴜ ma ti mi ra-ri 'ba erini; 6azini ekile erini 'yole pari azinia-rile, Mi ovᴜ atalaᴜ edeta edepirirᴜ 'dani 'dani ekile peza Melekizedekini pezᴜ-rile. 7Te Kristo, ewu erini ovᴜzᴜ rua beria, fe ndra zita pi, matᴜ 'baza pie, wᴜta okporᴜri pie, mindre pie, 'ba ecopi eri papi dra ma aliari vᴜ, ovᴜ erizarᴜ ani erini Mungu rᴜlerisi. 8Eri ka tro ovᴜ Mvi'i ti, eri oni ndra erita erizᴜ e'yo eri ecandipi 'diyisi; 9eri ka e'yo 'diri de ofᴜzᴜ kililirᴜ 'bo, eri eca ovᴜzᴜ 'ba pata 'dani 'daniri fepirirᴜ 'ba dria eri eripi inzitasi 'diyi dri; 10eri 'ba Munguni e'dale ovᴜzᴜ atalaᴜ edeta edepi agapi rarirᴜ ekile peza Melekizede-kini pezᴜrileri'i. 11Ama ovᴜ e'yo be kakaᴜ 'yozᴜ eri ma dria, te yi ewarᴜ ecezᴜ, emini ovᴜle ondᴜa kokorᴜ e'yoni fizᴜ emi bilia mbele kᴜrisi. 12A'disikᴜlete emi ma ovᴜ curu'do 'ba 'ba imbapi 'diyirᴜ, ewuni agale 'dopirisi, te emi le 'ba azini ma imba emi imbata oko e'yo Mungunirisi dika. Emi eca ovᴜzᴜ 'ba lesu lepi 'diyirᴜ, emi ovᴜni 'ba nyaka okporᴜrini sile 'diyi kᴜ; 13'dini 'ba dria alᴜ alᴜ lesu ndrᴜpiri vani nga e'yo olᴜza e'yo kililirᴜri ma driari kᴜ, erini ovᴜle odekᴜarᴜrisi. 14Te nyaka okporᴜri ovᴜ 'ba mbapi 'bo 'diyi dri, ovᴜpi egata be fudri ci e'yo onyirᴜ pi ma esele cozᴜ e'yo onzi be, yini asisile drole etuzurisi 'diyi.

will be added

X\