EBRANIANI 10

1Te azitani ovᴜle kiri afa onyirᴜ ngapi emupi 'diyi ma endrile-ndri be, te ovᴜle afa nde ma wura mgbari be kᴜrisi, eri econi 'ba esipi ogogo 'diyi 'bazarᴜ ovᴜzᴜ fudri ci, edeta edele eli vᴜsi eli vᴜsi 'dani 'dani 'diyisi alᴜni kᴜ. 2Ka ndra eco ra, te'do yi kᴜni ndra edeta edeko ja kᴜ ya? A'disikᴜ 'ba inzipi, 'bale alarᴜ pale alᴜ iriti 'bo 'diyi, ngani te egata yini e'yo onzi nizᴜri ega dika kᴜ. 3Te edeta 'diyi ma alia yi e'yo onzi ega eli vᴜsi eli vᴜsi. 4A'disikᴜ econi ari monioniri kani ndriniri azi onzi wuzarᴜ kᴜ. 5E'yo 'dirisi erini emuria nyakua, eri 'yo, Mi leni edeta pi afa feza be kᴜ, te mi ede rua ngonde ma dri ra; 6mi ovᴜni ayikosi edeta evele rᴜa be pi 'diyi pisi, edeta e'yo onzi edezᴜ 'diyi be kᴜ. 7Ma nga di ‘yora, Mi ndre, ma eca ra (e'yo ovᴜ sizarᴜ 'dini buku trazari ma alia masi) e'yo mini leleri 'yezᴜ, Mungu la. 8Urulerᴜ 'dia, eri 'yo te kini, Mi leni edeta pi, afa feza pie, edeta evele rua be pi 'diyi pie, edeta e'yo onzi edezᴜ 'diyi pie dria kᴜ, azini ayiko mini yi ma e'yosini yo (yi edeta edele ekile azitani 'yolerile 'diyi), 9te vᴜtinia eri nga di ‘yora, Mi ndre, ma eca ra e'yo mini leleri 'yezᴜ. Eri wu e'yo okori, eri ma 'ba ani e'yo iririni pa sozᴜ ci beni. 10E'yo nde Munguni lelerisi, ama ovᴜ 'bazarᴜ alarᴜ Yesu Kristoni i rua fele edetarᴜ pale alᴜ iriti 'borisi. 11Adarᴜ atalaᴜ edeta edepi 'diyi dria alᴜ alᴜ adri pa so o'du vᴜsi o'du vᴜsi azi ngazᴜ, edeta ecopi azi onzi wupi alᴜni kᴜ 'diyi edezᴜ pale kakaᴜ dika dika. 12Te eri'i, eri ka edeta alᴜ e'yo onzi edezᴜri ede fudri ewu driasi 'bo, eri ri va Mungu ma dri ndiria ra; 13engazᴜ ewu 'dasi eri te de nga yi 'bani ari'ba erini ovᴜzᴜ afa i pa 'bazᴜ drinia ogᴜŋarᴜ kᴜ. 14A'disikᴜ edeta alᴜsi eri 'ba 'ba ovᴜpi 'bazarᴜ alarᴜ 'diyi ovᴜzᴜ fudri ci ewu driasi 'bo. 15Orindi Ala-tararᴜ nze vini e'yo ma eti ama tia indi; ka de 'yozᴜ kini, 16Aziza mani ngale azile yi beri o'du 'dayi ma vᴜriari 'di, Opi 'yo ra: Ma nga azita mani 'diyi 'ba yi ma asia, ma nga yi si asisile yini ma alia indi; 17vᴜtinia eri ‘yora, Te e'yo onzi yini ezata yini be, ma ngani e'yoni ega dika alᴜni kᴜ. 18Te pari wuta e'yo 'diyi wuzᴜrini ovᴜzᴜ ciria, 'daa edeta e'yo onzi edezᴜri ovᴜni dika kᴜ. 19E'yo 'dirisi, adripi, amani ovᴜria asi okporᴜ be fizᴜ pari alatararᴜria ari Yesunisi, 20geri o'dirᴜ azini idrirᴜ erini edele amasi, bongo jo ale alizᴜri ma alesirisi, 'di rua eriniri'i; 21azini amani ovᴜria atalaᴜ amborᴜ edeta edepi jo Munguni ma driliari be; 22ama ma esi ogogo asi adarᴜsi a'ita gapi treri be, de oya ari asi amani ma dria, asisile amani e'yo onzi nizᴜri 'bazᴜ alarᴜ 'bo, oji vini ama rua yi alarosi 'bo indi. 23Ama ma bi e'yo e'daza asi teza amani e'dazᴜri ci ojakokorᴜ, a'disikᴜ 'ba aziza azipiri ovᴜ asi adarᴜ be; 24azini ama alᴜ alᴜ ma dro asisile ama agyi ma e'yo dria, fezᴜ leta pini zozᴜ azi onyirᴜ 'diyi be; 25ama ma kᴜ okᴜza amani ama okᴜzᴜ tᴜalᴜri ja kᴜ 'ba azinini kᴜlerile, ama asi omizᴜ ama eselia ama agyi be; emi ma 'ye 'dini aga ra emini ndrele O'du nderi eca ogogo-risi. 26Te ama ka e'yo onzi 'ye aka ceni, amani nita e'yo adarᴜ nizᴜri a'izᴜ 'bori ma vᴜtia, edeta e'yo onzi edezᴜri aceni dika kᴜ, 27te e'yo teza uriurirᴜ e'yo liza tezᴜri pi ace, aci adrarᴜ ngapi ari'ba nyapiri beni. 28'Ba azita Musani 'bapi tokori adri dra yiki kokorᴜ 'ba e'yo eti nzepi iri kani na 'diyi ma e'yosi. 29Emi osu yi nga e'yo liza ambo agapi ra ngopi yari li 'ba Mvi Munguni otᴜpi pasi, ari e'yo azizani eri 'bapi alarᴜri lapi ekile afa alatara kokorᴜrile, Orindi 'yeta anzutirini edepi ambosiri ma dria ya? 30Te ama ni eri'i 'yopi kini, Arioti omvizᴜri e'yoni mani, ma nga panga ofe ma'i; azini dika, Opini nga 'ba erini ma e'yo li ra, 'diniri ra. 31E'dezᴜ Mungu idrirᴜri ma dri aliari ovᴜ e'yo uriurirᴜ tᴜri'i. 32Te emi ma ega ewu drio emini diza ndrezᴜ 'bori ma vᴜtia, emini obeta amborᴜ ma candi agazᴜ asi tezasiri ma e'yo; 33pale azinisi yi fe ndra drinza emi dri inzata be 'ba dria ma milia mgborᴜ, pale azinisi emi ovᴜ ti ecizᴜ 'ba yini 'yele 'dinile 'diyi be. 34Te emi ovᴜ ndra yikisi 'ba ovᴜpi ombezarᴜ arujoa 'diyi vᴜ, azini vini 'bani afa emini oparia emi a'i e'yo nde ayikosi, emini nile emi ovᴜ afa agapi ra ovᴜpi 'daniri be cirisi. 35E'yo 'dirisi emi ma kᴜ asi okporᴜ emini ovᴜpi orodri amborᴜ beri kᴜ. 36Te le emi ma ovᴜ asi teza be, 'dini emi ka e'yo Munguni leleri 'ye 'bo, emi ma a'i ani e'yo aziza beni. 37Te ace nga etu werea tᴜ 'ba ecapiri nga eca ra, ngani i dri ici 'dasi kᴜ; 38te 'ba mani kililirᴜri nga ovᴜ idrirᴜ a'itasi, te eri ka si vile, ma asi ovᴜni ayikosi eri ma e'yosi kᴜ. 39Te ama'i ama ovᴜni 'ba sipi vile dri jaza vᴜ 'diyi kᴜ, te ama 'ba ovᴜpi a'ita be orindi amani opazᴜ 'diyi.

will be added

X\