EBRANIANI 1

1Mungu ndra e'yo ndᴜ ndᴜ 'yopi drio geri ndᴜsi ndᴜsi ama a'bipi ma tia geri nabi vᴜrisiri, 2eri 'yo ama tia ewu vile asizᴜ 'dori ma alia geri Mvi ini vᴜrisi, erini 'bale afa dria nyazᴜ erinirᴜ, Munguni vini afa dria 'bazᴜ erisiri'i. 3Eri ovᴜ diza alatara Munguni e'dapiri, azini wura eri ma ada ecepiri indi, eri afa dria ta mba e'yo 'yoza erini okpo berisi. Eri ka e'yo onzi ede alarᴜ 'bo, eri ri va Mungu ovᴜpi Ambo Inzizarᴜ angᴜ urᴜ 'buariari ma dri ndiria, 4aga malaika onyisi ra, ekile erini ru yi agapi onyisi rari isulerile. 5Te eri 'yo ndra malaika ngori ma tia ya, kini, Mi ma Mvi'i, andrᴜ ma ti mi ra? Azini dika, Ma nga ovᴜ eri ma atarᴜ, azini eri nga ovᴜ mvi manirᴜ? 6Azini dika, eri ka mva tile okori eji nyakua, eri 'yo kini, Malaika Munguni dria ma inzi eri. 7Te e'yo malaikanisi eri 'yo kini, Eri o'ba malaika erini 'diyi ovᴜzᴜ olile, azini ati'ba erini 'diyi aci ma andredrilele. 8Te e'yo Mvinisi eri 'yo, Mungu la, ogᴜŋa mini opiniri ovᴜ 'dani 'dani, azini kali mini suru dri cezᴜri eri kali e'yo kililirᴜrini. 9Mi le e'yo kililirᴜri ra, mi ngu e'yo onzi onzi ; e'yo 'dirisi Mungu, Mungu miniri, osᴜ odᴜ ayikoniri mi dria agyi mini 'diyi agazᴜ. 10Azini, Opi la, okokele mi 'ba nyaku eti mi'i, 'bu ovᴜ azi mi drini 'yeleniri'i; 11yi nga dri ja ra, te mi ovᴜ 'dani 'dani; yi dria nga de afa suzale, 12mi nga yi tra bongo 'bezale, yi nga yi oja ndᴜ afa suzale. Te mi ovᴜ ojakokorᴜ 'dani, eli mini ngani asi kᴜ. 13Te eri 'yo ndra malaika ngori ma tia ya, kini, Mi ri ma dri ndiria, de nga ma 'bani ari'ba mini ovᴜzᴜ afa mi pa 'bazᴜ driniarirᴜ kᴜ. 14Yi ovᴜni dria orindi ti opele azi 'yezᴜ 'ba 'yepi pata isupi awitarᴜ 'diyi ma aza kopi 'diyirᴜ kᴜ ya?

will be added

X\