GALATIAA 5

1Trᴜzarᴜni, Kristo trᴜ ama 'bo; emi so pa okporᴜ ani, emi fe yi ma ombe emi kulumbu e'yo ati'bo-nirisi dika kᴜ. 2Mi ndre, ma'i Paulo, ma 'yo emi tia kini emi ka agele li ra, Kristo ngani ovᴜ emi dri azakomarᴜ kᴜ. 3Ma nze e'yo eti dika 'ba dria alᴜ alᴜ agele lile ra 'diyi ma tia, kini yi mari be azita dria 'yezᴜ. 4Emi lepi 'ba ma la emi kililirᴜ azitasi 'diyi, emi co esele Kristo be 'bo; emi e'de ra, emi kᴜ 'yeta anzutiri 'bo. 5Te ama'i, Orindisi ama asi 'baza e'yo kililirᴜri ma driari ma mile ga a'itasi. 6A'disikᴜ Kristo Yesu ma alia agele liza 'yeni afa kᴜ, ovᴜzᴜ agele liza kokorᴜri 'yeni vini afa kᴜ indi, te a'ita azi 'yepi letasiri'i. 7Emi nzᴜ ndra onyirᴜ; a'di oga emi dri geri, emini ani e'yo adarᴜ kᴜzᴜ inzikoko-rᴜni ya? 8Imbata emi bile imbazᴜ 'diri engani 'ba emi omvepiri vᴜ kᴜ. 9Akufi wereni fe mikate yini etile etirini pizᴜ dria. 10Te ma imba ma asi emisi Opi ma alia 'bo, kini emi ngani e'yo andini ega alᴜni kᴜ; te 'ba fepi emi asini otizᴜri nga e'yo lile driari isu ra, ka tro 'ba ngonini ti. 11Te ma'i, adripi, ma ka e'yo agele lizaniri olᴜ 'dani'i, yi ma inza nga kiri 'dani a'disi ya? Ka ovᴜ 'dini kᴜmᴜ pati alazaniri nze di i 'bo. 12Ma le te adani 'ba fepi emi asini otizᴜ 'diyi ma oli yi kai kai! 13Adripi, omve emi emi otrᴜzᴜ; te trᴜni emi geri fezᴜ emi dri ava ruani 'yezᴜ kᴜ, te emi ma nga azi emi eselia ati'bale leta avasirisi. 14A'disikᴜ azita dria alᴜ alᴜ de yi yi 'yezᴜ 'yeke e'yo alᴜ 'di ma alia. kini, Mi le mi agyini mini mi ngᴜlᴜpi lelerile. 15Te emi ka emi oci, emi ka emi nya sisi, emi ne emi ba emi kazᴜ emi dri jazᴜ ceni ceni kᴜ. 16Te ma ‘yora, Emi ma aci Orindisi, emi ma 'ye li ruani'i alᴜni kᴜ. 17Te rᴜa eri li be omba 'bazᴜ Orindi be, Orindi pi rua be; a'disikᴜ afa 'diyi ovᴜ ari'barᴜ, dri aruzᴜ yi eselia, emi econi ani e'yo 'yezarᴜ emini lelerile kᴜ. 18Te Orindi ka emi dri ceni, emi ovᴜni di azita ma palaa kᴜ. 19'Yeta ruani e'da yi 'di: e'yo awurᴜri pi, onzikanyarᴜri pi, ava ruani pi, 20inzita siri'ba inzizᴜri pi, ole pi, nguta pi, omba pi, ma'yala pi, adra pi, awata pi, esele coza pi, imbata inzorᴜri pi, 21a'ya pi, atizᴜ ewasiri pi, e'yo saarᴜ 'yezᴜri pi, e'yo yi sipi 'diyile 'diyi pie dria. Ma e'yoni a'da emi tia oko 'di, ekile ndra mani a'dale oko 'borile, kini 'ba dria e'yo 'dinile 'diyi 'yepi 'diyi ngani suru Munguni a'i awᴜrᴜsorᴜ alᴜani kᴜ. 22Te efi Orindini 'yaleri eri leta avasiri pi, ayiko pi, asi anzuru pi, asi teza e'yereri pi, asi ndriza pi, onyi pi, a'ita pi, 23asi e'yereri pi, asi teza e'yo ruani gazᴜri pie; e'yo 'dinile 'diyi ma dria azita alᴜni yo. 24'Ba Kristo Yesuni 'diyi di e'yo ruani pati alaza ma rᴜaa 'bo, tualᴜ rua nde ma ava onziri pi, lini pie dria. 25Ama ka ovᴜ idrirᴜ Orindisi, ama ma aci vini Orindisi indi. 26Ama ma ovᴜ afᴜ be toko, ama agyi ma asi engazᴜ, ovᴜzᴜ ma'yalasi ama agyi vᴜ indi 'dini kᴜ.

will be added

X\