EFESOA 4

1E'yo 'disi ma'i 'ba arurᴜ Opi ma aliari, ma matᴜ 'ba emi vᴜ emi ma aci onyirᴜ ekile omveta emi omvezᴜrile, 2asi afᴜ kokorᴜri pisi dria asi e'yere pie, asi teza ande kokorᴜri pie, ovᴜzᴜ asi ndriza be emi eselia leta avasirisi, 3o'bizᴜ asi driasi asi alᴜ Orindiniri ma ta mbazᴜ, emini ovᴜle ombezarᴜ tualᴜ asi anzurᴜsirisi. 4Rua eri alᴜ, azini Orindi eri alᴜ, ekile yini emi omvele omveta emi omvezᴜri ma asi teza alᴜsirile; 5Opi alᴜ, a'ita alᴜ, baputizi alᴜ; 6Mungu alᴜ 'ba dria ma Atarᴜri, eri'i ovᴜpi afa dria ma drilia, azi ngapi e'yo dria ma aliasini, ovᴜpi afa dria ma aliari'i. 7Fe 'yeta anzutiri ama dri alᴜ alᴜ o'bizarᴜ 'dipi ekile afa feza Kristonirile. 8Eri 'yo ani, Eri ka tu uru 'bo, eri obi 'ba obile ati'barᴜ 'diyi ra, eri fe afa feza 'ba dri. 9(E'yo 'diri, kini, Eri tu 'bo, efini ngoni ya? Eceni kini eri si va oko raka kpere nyaku ma esele valerᴜ tᴜria kᴜ ya? 10'Ba sipi vari eri 'ba tupi uru 'bu agapi dria rari'i, eri ma fe afa driani gazᴜ erisi tre beni.) 11Eri fe 'ba azini 'diyini ovᴜzᴜ 'ba ti opele 'diyirᴜ, azi 'diyi nabirᴜ, azi 'diyi 'ba e'yo bari olᴜpi 'diyirᴜ, azi 'diyi 'ba 'ba ocepi 'diyirᴜ, kani 'ba 'ba imbapi 'diyirᴜ, 12'ba alatararᴜ 'diyi edezᴜ afa dria be, dri fuzᴜ ani azi kanisa ma aza kozᴜri 'yezᴜ, rua Kristoni ezozᴜ, 13kpere ama dria-ni ngaria caria ovᴜzᴜ asi alᴜ a'ita pini nita Mvi Munguni nizᴜri berisi, ovᴜzᴜ 'ba zopi dri fupi 'borirᴜ, cazᴜ ovᴜzᴜ 'dopi ekile Kristoni 'ba etole trerile; 14'dini ama ma ovᴜ anzi nyirirᴜ 'dani kᴜ, ojizarᴜ 'dile 'dole olini yi mile ojilerile, drozarᴜ oli imbata ndᴜ ndunisi, imbata nde 'bani imbale lokiri pisi asi onzi be, geri ndazᴜ 'ba icizᴜri'i. 15Te ama ma 'yo e'yo adarᴜ leta avasirisi, zozᴜ Kristo ovᴜpi drirᴜri ma alia e'yo driasi; 16Kristosi rua dria emᴜ i tualᴜ 'yeke, i ecizᴜ okpo isuti driani felerisi, ekile rᴜa ma esele alᴜ alᴜ driani azi ngalerile, fezᴜ ruani zozᴜ, eri ma ngᴜlᴜpini i ezoria leta avasirisi 17E'yo 'disi ma 'yo emi tia, azini ma e'yo eti nze Opi ma alia, emi ma aci dika ekile 'ba jururᴜ 'diyini acilerile kᴜ, te yi ma asisile ovᴜ toko ; 18yi ma e'yo vaza bi inicicirᴜ, yi co yi esele idri Munguniri be ziri ziri, nitaako ovᴜpi yi ma aliarisi azini asi mbaza yinirisi; 19te yini e'yoni etᴜmᴜle kᴜrisi, yi fe yi pi e'yo drinzarᴜ vᴜ, e'yo onzikanyarᴜ 'diyi 'yezᴜ dria avasi. 20Te imbani ndra emi e'yo Kristonisi 'dinile kᴜ! — 21e'yo emini eri erizᴜri ka adarᴜ, ka emi imba eri ma alia ekile e'yo adarᴜni ovule Yesu ma aliarile: 22kini emi ma trᴜ agu oku i ezapi teketeke li lokirirᴜrisiri ra, eri ofᴜzᴜ amve adriza okuri be; 23orindi asisile eminiri ma aliari ma ovᴜ 'bazarᴜ o'dirᴜ, 24emi ma su agu o'dirᴜ Munguni 'bale i ma wurasi e'yo kililirᴜri pisi alatara e'yo adaniri beri. 25E'yo 'disi emi ma kᴜ e'yo inzorᴜri ja, emi alᴜ alᴜ ma 'yo e'yo adarᴜ 'ba emi jo ejeleari be, a'disikᴜ ama alᴜ alᴜni ovᴜle rua esele ama agyi pierisi. 26Emini adra 'baria emi ma 'ye e'yo onzi kᴜ; etu ma 'de emini ovᴜria nga kiri adrasi 'dani kᴜ, 27emi ma fe vini pari Satani dri kᴜ. 28'Ba afa ogupiri ma ogu dika kᴜ, t.e bani eri ma nga azi onyirᴜ okposi i ma ngᴜlᴜpi ma drisi, eri ma ovᴜ ani afa be ecozᴜ fezᴜ 'ba alioni ndele rari dri beni. 29Emi fe e'yo onzika-nyarᴜri ma efᴜ emi tilia alᴜni kᴜ, te lᴜ e'yo ovᴜpi onyirᴜ dri fupi e'yoni-siri'i, eri ma fe ani 'yeta anzutiri 'ba eripi 'diyi dri. 30Emi ma ecandi Orindi Alatararᴜ Munguniri kᴜ, Orindi ndesi yi ebi eceta emi ruaa emi ta mbazᴜ cazᴜ o'du onzetaniri ma tia. 31Te emi ma kᴜ asi okarᴜri pi emi eseliasi dria ja, aoko pie, adra pie, awata pie, o'data pie, asi onzi pie dria, 32te emi ma ovᴜ asi basi, asi ndriza be emi eselia, e'yo onzi kᴜzᴜ emi eselia ja, ekile Munguni e'yo onzi emini kᴜle Kristosirile.

will be added

X\