KOLOSAIA 3

1Ka'dini emi ka ovᴜ engazarᴜ 'ba draza ma eselia tualᴜ Kristo be 'bo, emi ma nda e'yo ovᴜpi urulerᴜ, pari Kristoni ovᴜzᴜ erini rizᴜ Mungu ma dri ndiaria 'diyi. 2Emi ma dro asisile emini e'yo ovᴜpi urulerᴜ 'diyi ma dria, e'yo ovᴜpi nyakua 'diyi ma dria kᴜ. 3Emi odra 'bo, te idri emini ovᴜ zizarᴜ Kristo be tualᴜ Mungu ma alia 'bo. 4Te Kristo ovᴜpi idri amaniri ka nga i e'da ra, emi nga di e'da tualᴜ eri be diza ma alia indi. 5Emi ma fᴜ ani rua emini ma esele ovᴜpi nyakunirᴜ 'diyi: ali 'bazᴜ pi, e'yo saarᴜ onzikanyarᴜri pie, ava ruani pie, li onziri pie, li 'bazᴜ afasiri pie, 'di ekile mungu andini inzizᴜrile. 6E'yo 'diyisi adra Munguni emu anzi e'yo eripi kᴜ 'diyi ma dria. 7Emi aci ndra e'yo 'diyi ma alia, emini de ndra adriria e'yo 'diyi ma alia. 8Te curu'do emi ma o'be e'yo 'diyi dria emI vᴜsi ziri indi . aoko pi, adra pie, asi onzI pie, o'data pie, e'yo drinzani efᴜpi emi tiliari pie. 9Emi ma li inzo emi eselia kᴜ, a'disikᴜ emi trᴜ 'ba okuri emi ruaa 'yeta erini be 'bo, 10azini emi su 'ba o'dirᴜ, ovᴜpi 'bazarᴜ o'dirᴜ zozᴜ ani e'yo vazasi ovᴜzᴜ tro tro 'ba eri 'bapiri ma wurani ovᴜlerileri 'bo indi. 11Eri ma alia 'ba ovᴜni 'ba Yunaninirᴜ, kani 'ba Yahudinirᴜ, 'ba agele liza be, kani 'ba agele liza kokorᴜ, 'ba jururᴜ, 'ba Sikutinirᴜ, ati'borᴜ, kani karimvarᴜ, 'dini kᴜ, te Kristo ovᴜ afa dria, azini e'yo dria ma alia. 12Emi 'ba Munguni opele alatararᴜ, lele tᴜ 'diyi, e'yo 'disi emi ma su ani asi ndriza yiki beri pi, asi onyirᴜri pie, asi afᴜ kokorᴜri pie, asi e'yere pie, asi teza ande kokorᴜri pie, 13e'yo 'yezᴜ emi eselia asi ndrizasi, e'yo onzi kᴜzᴜ emi eselia, 'ba azini ka ovᴜ e'yo be yi eselia; ekile Opini e'yo onzi emini kᴜlerile, emi 'ye 'dinile indi. 14Te e'yo 'diyi ma dria dria emi ma su leta avasiri, 'di afa ombeza e'yo 'bani dri fuzᴜ ciriniri’i. 15Asi anzurᴜ Kristoni yini emi omvezᴜ vᴜnia rua alᴜ ma aliari ma adri e'yo lizᴜ emi asia; azini emi ma ovᴜ awa'difo be. 16E'yo Kristoni ma adri emi alia lonyi be tre ondᴜa driasi, emini emi imbazᴜ azini emi asi omizᴜ emi eselia; zaburi piyisi, ongo pie, ongo Orindini inibale 'diyi pie, emini ongo ngoria Mungu vᴜ asi emini ma alia 'yeta anzutirisi. 17E'yo dria emini 'yele, kani e'yosi kani 'yetasi 'diyi, emi ma 'ye e'yo dria Opi Yesu ma rᴜsi, awa'difo 'yozᴜ Mungu Ata vᴜ erisi. 18Okᴜ, emi ma inzi agupi emini, te onyirᴜ Opi ma aliarile. 19Agu-pi, emi ma le okᴜ emini avasi, azini emi ma ovᴜ asi okarᴜ be yi vᴜ kᴜ. 20Anzi, emi ma inzi 'ba emi tipi 'diyi e'yo dria ma alia, a'disikᴜ e'yo 'diri ayiko fe Opi dri tᴜ. 21Ata, emi ma ecandi anzi emini kᴜ, yi ma ava kazᴜ otizᴜ kᴜ. 22Ati'ba, emi ma inzi 'ba ovᴜpi opi eminirᴜ nyaku 'dori ma dria ruasi 'diyi e'yo dria ma alia, 'yezᴜ kiri yi ma milia a'dule ekile 'ba ayiko fepi 'ba dri 'diyile 'dini kᴜ, te asi alᴜsi, Opini rᴜzᴜ. 23Te e'yo dria alᴜ alᴜ emini 'yeleri, emi ma 'ye asi driasi, Opi dri te 'ba dri kᴜ, 24a'disikᴜ emi ni ra emi nga awᴜrᴜso isu oya eminirᴜ Opi dri ; te emi azi ati'boni nga Opi Kristo dri. 25Te 'ba e'yo onzi 'yepiri nga panga onzi isu e'yo onzi erini 'yeleri vᴜsi, yi openi 'ba kᴜ.

will be added

X\