YETA 26

1Agiripa 'yo Paulo tia, Mi eco e'yo mi ma ngᴜlᴜpini nzezᴜ. Paulo ejᴜ i ma dri, 'ba e'yo ini nze kini: 2Ma drileba, mani emule e'yo nzele andrᴜ mi drilia, Opi ambo Agiripa, e'yo dria 'ba Yahudinini ma esᴜlerisi, 3agapiri mini adriza 'ba Yahudini zita yini 'diyi be nile rarisi; e'yo 'disi ma matᴜ 'ba mi vᴜ mi eri nga ma asi e'yeresi. 4Adriza mani engazᴜ trᴜa mvaasi suru mani eselia Yerusalemuari, 'ba Yahudini dria ni ra. 5Yi ni e'yo mani gbudrio, yi ka le e'yo mani ma eti nze, kini, ma Farisaioᴜni, suru inzita amani Mungu inzizᴜri ma vᴜti dropi asi driasiri'i. 6Curu'do ma pa so 'doa emini e'yo mani lizᴜ, mani ovᴜle asi teza be e'yo Munguni azile ama a'bipi vᴜri a'ile rarisi. 7Suru amani mᴜdri drini iri yi ovᴜ asi teza be aziza 'diri tezᴜ, azi ngazᴜ Mungu dri inisi etusi dria okposi. Opi la, 'ba Yahudini yi esᴜ ma curu'do asi teza nderisi! 8E'yo Munguni 'ba draza engazᴜri ovᴜ emi dri ewarᴜ a'izᴜ a'di e'yosi ya? 9Adarᴜ, ma ngᴜlᴜpi ega ndra ma ma 'ye e'yo kakaᴜ Yesu Nazaretiari ma ru ezazᴜ. 10Ma 'ye 'dini indi Yerᴜsalemua; ma obi 'ba alatararᴜ 'diyi ma azi kakaᴜ ofizᴜ arᴜjoa, 'ba kuhani amborᴜ 'diyini ma dri okpo felerisi, te 'bani yi o'diria ma a'i yi o'dizᴜ indi. 11Ma inza yi pale kakaᴜ jo 'ba Yahudinini yi okᴜzᴜ 'diyia dria, ma omi yi okposi Munguni o'dazᴜ; azini mani yi ngule onzi asi drazasirisi ma inza yi cazᴜ kpere aku ambo ambo amve 'diyia indi. 12'Dini ma mu ndra Damasikia kuhani amborᴜni okpo fele ma dririsi, azini yini azi nde kᴜle ma dririsi. 13Opi la, mani ovᴜria geria etu agaa, ma ne diza etu agapiri dizᴜ ma ageia, azini 'ba acipi ma be 'diyi ma ageia indi. 14Amani ama ecoria dria va nyakua 'bo, ma eri o'duko 'yozᴜ ma be Ebrania tisi 'dini kini, Saulo, Saulo, mi ma inza a'disi ya? Eri ewarᴜ mini afa pa osopiri ma si otᴜzᴜ mi pasi. 15Ma ‘yora, Opi, mi a'di'i ya? Opi ‘yora, Ma Yesu mini inzaleri'i. 16Te mi nga, mi so pa urᴜ; te ma ece ma ngᴜlᴜpi mi dri, a'disikᴜ ma pe mi azi ngazᴜ ma dri, azini ojioᴜ manirᴜ e'yo mini nele azini e'yo mani ngale ecele mi dri 'diyi ma eti nzezᴜ. 17Ma nga mi pa 'ba Yahudini dri, azini 'ba Jururᴜ mani mi ti pele vᴜnia 'diyi dri indi. 18Ma pe mi ma ti yi ma mile zizᴜ, 'dini yi ma enga ini aliasi ma oja yi diza vᴜ, azini engazᴜ okpo Satanini ma alia cazᴜ Mungu vᴜ, yi ma isu ani e'yo onzi wuza, azini awᴜafa ma nyaza 'ba ovᴜpi alatararᴜ yini ma alilerisi 'diyi ma eselia. 19'Dini, Opi ambo Agiripa, ma gani eceta nde engapi 'bua efᴜpi ma miliari kᴜ, 20te ma e'do e'yo olᴜzᴜ Damasikia, azini Yerusalemua, vᴜtinia angᴜ Yudiaaria dria, azini 'ba Jururᴜ 'diyi vᴜ indi, kini, yi ma kᴜ e'yo onzi yi ojazᴜ Mungu vᴜ, ma 'ye 'yeta yi sipi 'ba asi ojapi 'bo 'diyisi 'diyi. 21E'yo 'disi 'ba Yahudini yi bi ma hekalua, o'bi ma 'dizᴜ indi. 22Mani aza koza engapi Mungu vᴜri isule rarisi, ma pa so ani ecazᴜ kpere andrᴜ 'do, e'yo mani ma eti nzezᴜ 'ba were 'diyi dri azini 'ba ambo 'diyi dri indi. Ma 'yoni e'yo alᴜni kᴜ pe e'yo nde nabi pini ndra 'yole Musa be, eri nga eca rari: 23kini Kristo ma nya candi, azini eri'i engapi 'ba draza ma eselia okori nga e'yo dizani olᴜ suru nde dri, azini 'ba Jururᴜ dri indi. 24Erini e'yo i ma ngᴜlᴜpini nzeria 'dini, Fesito 'yo o'duko urᴜsi, Paulo, mi aza aza; e'yo mini onile kakaᴜ 'diyi fe mi dri azani! 25Te Paulo kini, Ma azani kᴜ fo, Fesito inzile tᴜri, te ma 'yo e'yo adadarᴜ ovᴜpi ondᴜa kililirᴜ beri'i. 26Opi ambo mani e'yo 'yozᴜ drilenia uri kokorᴜri ni e'yo 'diyi ra; a'disikᴜ ma ni ra e'yo 'diyi dria e'da yi eri ma milia 'bo peni alᴜni kᴜ, e'yo 'diyini ovᴜle 'yezarᴜ zizarᴜ kᴜrisi. 27Opi ambo Agiripa, mi a'i e'yo nabini sileri ra ya? Ma ni ra mi a'i ra. 28Te Agiripa 'yo Paulo tia, E'yo weresi mi le ma ojazᴜ 'ba Kristonirᴜ ka! 29Te Paulo 'yo, Ka ovᴜ e'yo wereasi kani kakaᴜsi ti, ma Munguni zi kini mi'i a'dule kᴜ, te 'ba e'yo mani eripi andrᴜ 'diyi dria, ma ovᴜ tro tro male—kᴜni bani anzirikᴜ 'diyi kokorᴜ. 30Opi ambo nderi nga di enga ra, gavena pi, Berinike pie, 'ba dria ripi tualᴜ yi be 'diyi pie; 31yi ka fᴜ 'bo, yi 'yo yi ma eselia kini, 'Ba 'dori 'yeni e'yo erini ecozᴜ drazᴜ, kani eri 'izᴜ kᴜ. 32Te Agiripa 'yo Fesito tia, Agu 'dori ka ndra 'yo i le mu Kaisari vᴜ kᴜni, te'do ama trᴜ eri 'bo.

will be added

X\