YETA 22

1Ma adripi, ma atapi, emi eri e'yo eti nzeza mani nzele emi ma drilia curu'dori. 2Yi ka eri erini 'yoria Ebrania tisi, yi ovᴜ ciri aga ra. Eri 'yo ra: 3Ma Yahudioᴜni, osi ma Tariso angᴜ Kilikiaaria, ezo ma aku 'doria Gamalieli ma palaa, imba ma azita ama a'bipinisi kililirᴜ, ma asi ovᴜ ndra ma'yalasi Mungusi ekile emi driani ovᴜle andrᴜrile. 4Ma inza ndra 'ba Geri 'doria 'diyi onzi yi ofuzᴜ, agupi okᴜyi be, ma ombe yi fezᴜ arujoa; 5kuhani ambo agapi-ri 'ba 'wara be dria eco e'yo mani ma eti nzezarᴜ ra. Te ma isu ndra waraga yini jizᴜ adripi 'daa 'diyi vᴜ, ma mu ani Damasikia 'ba ovᴜpi 'dale 'diyi ejizᴜ o'izarᴜ Yerusalemua inzata fezᴜ yi dri. 6Eri eca 'dinile, mani aciria geria mani ecaria Damasikia ogogo, ekile etu agaale, coti diza amborᴜ engapi 'buari di ma ageia. 7Ma eco ma va nyakua, ma eri o'duko 'yozᴜ ma be kini, Saulo, Saulo, mi ma inza a'disi ya? 8Ma omvi e'yo, Opi, mi a'di'i ya? Eri 'yo ma tia, Ma Yesu Nazaretia mini inzaleri'i. 9'Ba ovᴜpi ma be 'diyi ndre diza nderi, te yi erini 'ba e'yo 'yopi ma beri ma o'duko kᴜ. 10Ma ‘yora, Ma nga 'ye ngoni ya, Opi la? Opi 'yo ma tia, Mi nga, mi mu Damasikia, yi nga e'yo dria ovᴜpi pezarᴜ mi dri 'yezᴜ 'diyi 'yo mi tia 'dale. 11Te ma ka eco angᴜ ndrezᴜ kᴜ diza nderini dile tᴜrisi, 'ba ovᴜpi ma be 'diyi yi se ma drisi, ma ca Damasikia. 12Agu alᴜ runi Anania, eri 'ba Mungu inzipi ekile azitani 'yolerile, 'ba Yahudini dria ovᴜpi 'dale 'diyini adrile runi dule duri, 13eri emu ma vᴜ, erini pa soria ma ageia eri 'yo ma tia, Adripi mani Saulo, mi ma ndre angᴜ. Etu nderisi mbelekocici ma ndre angᴜ, ma ndre eri. 14Eri ‘yora, Mungu ama a'bipini pe mi e'yo ini leleri nizᴜ, 'Ba Kililirᴜ nde eriniri nezᴜ, azini o'duko efᴜpi eri tiliari erizᴜ; 15te mi nga e'yo mini neleri azini erileri ma eti :nze 'ba dria vᴜ. 16Curu'do mi te 'doa a'disi ya? Mi enga, bi baputizi, mi oji e'yo onzi miniri, mini rᴜ erini omveria. 17Eri eca 'dini, ma ka mvi Yerusalemua 'bo, mani Mungu ziria hekalua, ma ava oti ra, 18ma ne eri erini e'yo 'yoria ma tia kini, Mi nga mbelekocici, mi fᴜ Yerusale-muasi, a'disikᴜ yi ngani e'yo mini etini nzele masiri eri kᴜ. 19Te ma 'yo, Opi, yi ma ngᴜlᴜpi ni ra kini ma adri ndra 'ba mi a'ipi 'diyi obi 'ba jo arunia yi cozᴜ, jo 'ba Yahudini yi okᴜzᴜ 'diyi vᴜsi dria. 20Azini yini Setefano 'ba e'yo mini ma eti nzepiri ma ari adaria, ma'i ma ngᴜlᴜpi so de pa 'daa indi e'yoni a'izᴜ, 'ba eri fupi 'diyi ma bongo ta mbazᴜ. 21Eri 'yo ma tia, Mi mu, a'disikᴜ ma nga mi ti pe ziri 'ba Jururᴜ vᴜ. 22Yi eri e'yo erini 'yoleri ecazᴜ e'yo 'diri tia; 'di ma vᴜtia coti yi oyᴜ o'duko urusi kini, Ma ja 'ba 'dini 'di ma dri nyakuasi ra! Econi erini ovᴜzᴜ idrirᴜ kᴜ! 23Yi ka otre o'duko urusi, ka bongo yini otrᴜ o'be uru, ka irifᴜra omvᴜ uru indi, 24opi asikarini azi yi ma ofi eri kali asikarinia, 'yozᴜ ma zi eri kalisi, eri ma ni e'yo 'ba ongᴜlᴜmᴜ-rᴜni otrezᴜ eri dria 'diniri ma efi ani. 25Yi ka eri ombe enyiriko baasi 'bo, Paulo 'yo 'ba asikari tᴜrᴜ alᴜ drilia pa sopi ogogori ma tia kini, Kani azita a'i emini 'ba Rumini cozᴜ kalisi e'yo likokorᴜ ra ya? 26'Ba asikari tᴜrᴜ alᴜ driliari ka e'yo nderi eri ra, eri mu 'yo opi asikarini tia kini, Mi le a'di 'ye ya? 'Ba 'dori eri 'ba Rumini. 27Te opi nderi mu eri vᴜ, 'yo eri be, Mi 'yo ma tia, mi 'ba Rumini ya? Eri ‘yora, E. 28Opi asikarini omvi e'yo 'yozᴜ, Mani ma ojazᴜ 'ba Ruminirᴜ, ma je aje ambosi. Te Paulo ‘yora, Te ma'i, ti mani ma ti ti. 29'Dini coti 'ba 'yepi Pauloni zipi 'diyi se yi vile, kᴜ eri ra; opi asikarini indi eri ovᴜ urisi, a'disikᴜ eri ni Paulo ovᴜ 'ba Rumini, azini erini eri 'ilerisi. 30Drusi 'dini, erini leria e'yo 'ba Yahudini eri esᴜzᴜ ma efi adari nizᴜ, eri trᴜ eri ra, azi kuhani amborᴜ 'diyi 'ba 'wara e'yo amapi 'diyi be dria yi okᴜzᴜ tualᴜ. Eri eji Pauloni, 'ba eri yi drilia.

will be added

X\