2 TIMOTEO 4

1Ma azita fe mi dri Mungu ma milia, azini vini Kristo Yesu ngapi 'ba draza pi ma e'yo lipi 'ba idrirᴜ 'diyi beri ma milia, e'data erini i e'dazᴜri pi ma e'yosi opi nyaza erini be: 2mi ma olᴜ e'yo, mi ma olᴜ 'dani ewu 'bani lele raria azini ewu 'bani lele kᴜria ti, mi ma ece e'yo adari, mi ma ega 'ba dria, mi ma omi 'ba asi, asi teza pisi imbata be dria. 3Te ewu yini ngazᴜ imbata alarᴜri a'izᴜ kᴜri nga eca ra, te yi ma bileni ngale fole forisi yi nga yi dri 'ba yi imbapi 'diyi okᴜ yini lelerile, 4yi nga yi ma bile oja yi kazᴜ e'yo adarᴜri erizᴜ kᴜ, yi nga yi oja e'yo 'yoza toko toko o'dᴜkorᴜ 'diyi erizᴜ. 5Te mi'i, mi ma te mi agei e'yo driasi, mi ma a'i candi isuzᴜ, mi ma 'ye azi 'ba e'yo bari olᴜpiriniri ra, mi ma 'ye azi yini fele mi driri dria. 6A'disikᴜ yi 'ye ma fe edetarᴜ curᴜ'do; etu mani drazᴜri eca 'bo 7Ma 'di a'di onyirᴜri 'bo, ma de nzᴜta ongu nzᴜzᴜri 'bo, ma mba a'ita ma ta 'bo. 8Engazᴜ curu’do yi mba ekilaza e'yo kililirᴜrini ma ta ma dri, Opi 'ba ma e'yo lipi kililirᴜ-rini ngale fele ma dri o'du 'darisiri; te ma dri a'dule kᴜ, te 'ba dria e'data erini i e'dazᴜri lepi 'bo 'diyi dri indi. 9Mi ma o'bi asi driasi emuzᴜ ma vᴜ mbele. 10A'disikᴜ Dema kᴜ ma ra, erini e'yo nyaku 'dorini lele-risi, eri mu Tesalonikia 'bo; Kere-seke mu Galatiaa, Tito mu Dalama-tiaa. 11Lukani a'dule ovᴜ ma beni. Mi e'du Marakoni, ejizᴜ mi be indi; erini dri fule onyirᴜ ma aza kozᴜrisi. 12Te ma pe Tukiko ma ti Efesoa 'bo. 13Bongo 'beza mani kᴜle Troaa Karipo vᴜri mi eji indi mini emuria, azini buku 'diyi, te agapiri mi eji enyi edele karatasirᴜ waraga sizᴜ 'diyi. 14Alegezanda 'ba mola dipiri 'ye ndra ma vᴜ e'yo onzi kakaᴜ; Opini nga eri ofe 'yeta erini 'yele 'diyi vᴜsi. 15Mi ma ovᴜ mile be eri ma e'yosi indi, a'disikᴜ eri aru ama dri tᴜ e'yo amani 'yolerisi. 16Mani e'yo mani ma eti nzeria 'ba e'yo lipiri ma milia pale okoria, 'ba alᴜni pa sopi ma beni yo ; te yi dria kᴜ ma ra. Ma la e'yo 'diri yi ma dria e'yo onzi yinirᴜ kᴜ fo! 17Te Opi so ndra pa ma beni, eri fe okpo ma dri e'yo bari olᴜzᴜ ani kililirᴜ fudri ci, 'ba Jururᴜ 'diyi dria ma eri e'yoni beni. Te eri pa ma kami tilia ra. 18Opini nga ma pa 'yeta onzi dria ma alia, azini eri nga ma ta mba cazᴜ suru ini 'buaria. Diza ma ovᴜ eri vᴜ 'dani 'dani ewule ewule. Amena. 19Mi zi Pirisika pi Akula be ci ci, 'ba ovᴜpi Onesiforo vile joa 'diyi pie. 20Erasito awi ndra Korintoa ; ma kᴜ ndra Turofimoni azorᴜ Miletoa 'dale. 21Mi ma o'bi asi driasi emuzᴜ de nga ewu anguni ambizᴜri ecani kᴜ. Eubulo pi zi mi ci ci, Pudente pie, Lino pie, Kilaudia pie, adripi pie dria. 22Opi ma ovᴜ orindi mini be. 'Yeta anzutiri ma ovᴜ mi be.

will be added

X\