2 TIMOTEO 1

1Paulo, 'ba Kristo Yesuni tini peleri, ekile e'yo Munguni lele-rile ekile aziza idrini ovᴜpi Kristo Yesu ma aliarile, 2Timoteo, mva mani leleri vᴜ: 'Yeta anzutiri pi, yiki pie. asi anzurᴜ be, engazᴜ Mungu Ata vᴜ azini Kristo Yesu Opi amaniri vᴜ. 3Ma 'yo awa'difo Mungu dri, mani azi ngazᴜ vᴜnia asisile alarᴜsi engazᴜ ma a'bipi vᴜri'i, mani e'yo mini egaria Mungu ziza mani ma alia inisi etusi 'dani. 4Ma le mi ndre avasi, mani mindre mini ma e'yo egaria, ayiko ma ga ma asia tre ani. 5Ma ega a'ita lokiri kokorᴜ ma e'yo ovᴜpi mi alia, te ovᴜpi ndra okorisi mi idi Loisi ma alia azini mi andri Eunike ma aliari, te ma ni adarᴜ a'ita nde 'diri ovᴜ mi alia indi. 6E'yo 'dirisi ma fe di egata mi dri. mi ma fe ani feta Munguni ovᴜpi mi alia mani ndra ma dri 'bale mi driarisiri ma enga dizᴜ acile dika; 7a'disikᴜ Mungu feni ama dri orindi asi urioᴜrᴜrini kᴜ, te orindi asi okpo beri pini, leta avasiri pie, asi e'yere-rᴜri pie. 8E'yo 'dirisi mi ma ovᴜ drinzasi e'yo eti nzeza Opi amanirini ma e'yosi kᴜ, kani ma'i 'ba arurᴜ eriniri ma e'yosi kᴜ indi, te mi ma a'i candi isuzᴜ e'yo barisi okpo Munguni felerisi, 9eri ama papi, ama omvepi omveta alatararᴜsiri’i, omveni ama 'yeta amanisi kᴜ, te e'yo eri ma ngᴜlᴜpini lelerisi, azini 'yeta anzutiri erinirisi, 'yeta anzutiri nde erini fele ama dri Kristo Yesu ma alia engazᴜ ewu driorisi, 10te ecele curu'do e'data 'Ba ama Papiri Kristo Yesu-nisiri’i, te eri fu dra ma okpo ra, fe idri pini i e'dazᴜ e'yo 'bani dri jazᴜ kᴜri be e'yo barisi. 11Te yi 'ba ma ovᴜzᴜ 'ba e'yo nde bari olᴜpirirᴜ, azini 'ba ti pelerirᴜ, azini 'ba 'ba imbapirirᴜ; 12e'yo 'dirisi ma ovᴜ ani ecandizarᴜ 'dini. Te ma ovᴜni drinzasi kᴜ, a'disikᴜ ma ni 'ba mani alile 'bori ra, azini ma ovᴜ a'itasi nizᴜ eri eco afa mani kᴜle tani mbazᴜ eri vᴜri ma agei tezarᴜ cazᴜ kpere o'du 'darini ecaria. 13Mi bi eceta e'yo 'yoza onyirᴜ 'diyi ecepi, mini erile ma vᴜri ci, aitasi azini leta avasi ovᴜpi Kristo Yesu ma aliarisi; 14mi ma te e'yo onyirᴜ kᴜle mi dri tani mbazᴜri ma agei, Orindi Alatararᴜ ovᴜpi ama aliarisi. 15Mi ni e'yo 'ba dria ovᴜpi Asiaa 'diyini ma kᴜzᴜri ra; Figelo pi ovᴜ 'ba 'diyi ma eselia Heremogene be. 16Opi ma ovᴜ yikisi 'ba Onesiforo vile joa 'diyi vᴜ, a'disikᴜ eri fe ava o'dirᴜ ma dri pale kakaᴜ; eri ovᴜni drinzasi anzirikᴜ mani ma e'yosi kᴜ, 17te eri ka ovᴜ Rumia eri ndru ma asi driasi, eri isu ma ra— 18Opi ma fe erini yiki isuzᴜ Opi ma milia o'du 'darisi—te e'yo kakaᴜ erini 'yele Efesoa 'ba ma aza kozᴜ 'diyi, mi ni e'yoni onyirᴜ tᴜ mi'i.

will be added

X\