2 TESALONIKIA 2

1Te adripi, ama azi emi, emuta Opi amani Yesu Kristonisi, azini okᴜza amani ngazᴜ ama okᴜzᴜ tualᴜ eri vᴜrisi, 2emi asisile ma ya mbele ya ya kᴜ, emi asi ma oti vini kᴜ, kani orindi ma e'yosi, kani e'yo 'yozasi, kani waraga 'bani egale enga ama vᴜrisi, ka 'yo kini o'du Opiniri eca 'bo. 3'Ba alᴜni ma ici emi geri azinisi kᴜ; a'disikᴜ o'du nderi ngani nga eca kᴜ, de nga ewu 'bani asizᴜ vile a'ita kᴜzᴜri ecani nga okorisi raka kᴜ, azini de nga agu e'yo ezapi onzi, dri jaza mvirᴜri, e'dani nga i kᴜ. 4Agu nderi ipi i uru aga afa dria omvele Mungurᴜ, kani inzile inzi 'diyi ogazᴜ, kpere eri ma ngᴜlᴜpini rizᴜ hekalu Munguni ma alia i e'dazᴜ ceni, kini i Mungu'i. 5Emi egani e'yo ndra mani adrile 'yole emi be de ma indi 'diyi kᴜrᴜ? 6Te di, emi ni e'yo eri ogapi curu'dori ra, 'dini eri ma ece i ani ewu inisi beni. 7'Dini e'yo vale kᴜ zizarᴜ e'yo onziniri e'do i 'ye 'bo; te 'ba eri ogapiri eri curu'do oga 'dani, cazᴜ kpere yini eri nzeriaria. 8Vᴜtinia agu e'yo ezapi onziri nga i e'da ndo, eri'i Opi Yesuni ngale fule ava efᴜpi i ma tiliarisi, eri dri jazᴜ e'data ini erini emuriarisiri. 9Agu nderi ma emuta ovᴜ ekile Satanini azi ngalerile, 'yeta okporᴜ pisi dria eceta pie, tali inzorᴜ pie dria, 10azini lokiri e'yo onzinirisi dria 'ba yi dri japi 'diyi dri, a'disikᴜ yini leta e'yo adarᴜ lezᴜri a'ile yini yi pazᴜ ani beni kᴜrisi. 11E'yo 'disi Mungu epe icita 'ba icipi okposiri ma ti yi vᴜ, yi ma a'i e'yo inzorᴜ beni, 12eri ma li di'ba dria e'yo adarᴜ a'ipi kᴜ, te ovᴜpi ayikosi e'yo onzisi 'diyi ma e'yo, yi ndezᴜ ra beni. 13Te le ama ma fe awa'difo Mungu dri emisi etuzu 'dani, adripi Opini lele 'diyi, a'disikᴜ Munguni emi opele ndra okokele pata isuzᴜ, Orindini emi 'bale alatararᴜ azini emini e'yo adarᴜri a'ilerisirisi. 14Eri omve vini emi e'yo 'dirisi e'yo barᴜ amanirisi indi, emi ma isu ani diza Opi amani Yesu Kristoniri beni. 15E'yo 'dirisi, adripi, emi ma so di pa okporᴜ, emi ma bi e'yo idrile emi vᴜ emi imbazᴜ, kani e'yo olᴜzasi kani waraga amanisi 'diyi ci. 16Te Opi amani Yesu Kristo ma ngᴜlᴜpi, azini Mungu Ata amani, ama lepi, asi omiza 'daniri pi fepi ama dri asi teza onyirᴜ 'yeta anzᴜti-risiri beri 17ma omi emi asi, emi 'bazᴜ okporᴜ e'yo 'yeza onyirᴜ pi ma alia e'yo 'yoza pie dria.

will be added

X\