2 PETERO 2

1Te nabi inzorᴜ enga ndra 'ba ma eselia, 'dinile 'ba 'ba imbapi inzorᴜ 'diyi nga ovᴜ emi eselia indi, ngapi imbata inzorᴜ dri jazaniri ofipi lokirisi 'diyi, kpere yini Opi yi jepiri gazᴜ, yini dri jata mbeleri fezᴜ ecazᴜ yi ma ngᴜlᴜpi ma dria. 2Te 'ba kakaᴜ nga 'yeta yini onzikanyarᴜ 'diyi ma vᴜri bi; e'yo yinirisi 'ba yi nga geri e'yo adarᴜniri o'da o'da. 3Te yini asi 'bale afa ma dria tᴜrisi, yi nga emi 'ba afa ozizale, afa yini erezᴜ e'yo 'yoza lokirirᴜrisi ; te e'yo lile yi ma driari icini i dri engazᴜ drio kᴜ, dri jaza yini koni o'du kᴜ. 4Te Mungu ka ndra malaika e'yo ezapi 'diyi kᴜ kᴜ, te ka ndra vini yi 'be 'bile inicicirᴜ ma alia, yi ta mbazᴜ arurᴜ e'yo liza tezᴜ; 5eri ka ndra wudrikuru okuri kᴜ toko kᴜ, te mba kiri Noa 'ba e'yo kililirᴜri olᴜpiri pi ma ta 'ba azini aziri 'diyi be, erini feria yini tizᴜ angᴜ a'bᴜzᴜ 'ba alatara kokorᴜ 'diyi ma dria; 6eri li ndra vini aku ambo ambo Sodomu pi ma e'yo Gomora be, yi ovezᴜ kicikici ofᴜtarᴜ, yi dri jazᴜ teketeke, yi 'bazᴜ ecetarᴜ 'ba ngapi ovᴜpi alatara kokorᴜ 'diyi dri; 7eri pa Loti 'ba kililirᴜ i ecandipi tᴜ adriza onzikanyarᴜ 'ba e'yo onzi 'yepi 'diyinisiri ra 8('ba kililirᴜ 'diri, erini adriria yi ma eselia e'yo ndreria azini e'yo eriria, asi erini alarᴜri i ecandi etuzu etuzu 'yeta yini 'yele azitani lele kᴜ 'diyisi), 9ka'dini Opi ni 'ba Mungu inzipi 'diyi opazᴜ obeta ma alia, ni vini 'ba e'yo onzi 'yepi 'diyi ma ta mbazᴜ e'yo be yi dria, cazᴜ kpere o'du e'yo lizᴜria; 10tᴜni 'ba acipi e'yo rᴜani ma vᴜtia li onzikanyarᴜ 'ba ezapiri be, dri ceza anguni ma e'yo edepi ede 'diyi. 'Ba 'dinile 'diyi ovᴜ asi mbaza be, yi 'ye yini lelerile, yi 'yeni urisi 'ba dizarᴜ 'diyi o'dazᴜ kᴜ, 11te malaika yi agapi okposi azini okpo e'yo 'yezᴜrisi ra 'diyi esᴜni yi a'dataasi Mungu vᴜ kᴜ. 12Te 'ba 'diyi, ekile anyapa asisile kokorᴜ, otile anyaparᴜ 'bani ani yi obizᴜ yi ofuzᴜ ofᴜ 'diyile, e'yo yini nile kᴜri o'dapi 'diyi, yi nga vini dri ja indi 'ba 'dayini dri jalerila; 13yi nga panga onzi isu yini e'yo onzi 'yelerisi. Yi ega 'yezᴜ saarᴜ etusiri eri ayikoni. Yi afa ondirᴜ, ezata drinzarᴜ, 'yezᴜ saarᴜ lokin yinirisi yini de nyaka nyaria emi be. 14Yi ma mile aci tᴜ ali o'bazasi, yi kᴜni e'yo onzi 'yezᴜ kᴜ. Yi 'ba asi be pa sopi okporᴜ kᴜ 'diyi ewi. Li 'baza afasiri si yi ma asi tᴜ, yini 'yele 'danirisi. Yi anzi tritani! 15Yi kᴜ geri piriri, yi aba ra; yini Balamu Beori mvi, lepi oya isupi e'yo onzisiri ma geri ma vᴜti bilerisi, 16te ega drinia e'yo onzi erini 'yele 'darisi; akanya ecopi e'yo 'yopi kᴜri 'yo ndra e'yo o'duko 'banisi, nabi nderi ma e'yo azazari ogazᴜ. 17'Ba 'diyi ovᴜ yi a'di yi kokorᴜ 'diyile, yi afᴜrᴜsa akulukuni drole rile; te mba angᴜ bizarᴜ iniciciri ma ta yi tezᴜ 18Te yi e'yo ambo ambo toko toko 'diyi 'yo afᴜsi, yi 'ba yi papi ewasi 'ba abapi aba 'diyi ma dria 'diyi ma bile ewi, li onzikanyarᴜ ruanisi. 19Yi azi yi tia yi trᴜzᴜ kᴜzᴜ ya, de yi ma ngᴜlᴜpini ovᴜria ati'ba e'yo onzikanyarᴜni; te 'ba ka ovᴜ ndezarᴜ e'yo azinisi, eri ovᴜ e'yo nde ma ati'boni. 20Te 'ba ka yi pa e'yo alatara kokorᴜ nyakuni ma alia, yini Opi 'Ba 'ba Papiri Yesu Kristoni nilerisi, te vᴜtinia ka vini yi fe a'i e'yo nde 'diyisi dika, ka ovᴜ ndezarᴜ, e'yo yini vileri oja i onzi aga e'yo yini okori ra. 21A'disikᴜ yini geri e'yo kililirᴜrini nizᴜ kᴜri te ndra ovᴜ onyirᴜ yi dri aga yini nizᴜ raka, yini vini yi ojazᴜ vile azita nde alatararᴜ ovᴜpi fezarᴜ yi driri kᴜzᴜ ndori ra. 22Te e'yo 'ye i yi vᴜ trotro ekile e'yo o'beza adarᴜ 'dirile, kini, Oce mvi ogbe ini vᴜ, azini ezoandri ojile 'bori mvi i ogᴜzᴜ orita alia dika.

will be added

X\