2 PETERO 1

1Simoni Petero, ati'bo Yesu Kristoni azini 'ba erini tini peleri, 'Ba a'ita arikarirᴜ trotro ama-nirileri isupi e'yo kililirᴜ Mungu amanirinisi, azini Yesu Kristo ama Papirinisi 'diyi vᴜ: 2'Yeta anzutiri pi ma ere yi drile drile emi vᴜ asi anzurᴜ be, Mungu pi nizᴜ Yesu Opi amaniri be. 3A'disikᴜ okpo erini Mungu rᴜri fe ama dri e'yo dria capi idri pisi 'yeke, adriza 'bani ani Mungu inzi zᴜri be 'diyi, nita 'ba ama omvepi diza i ma ngᴜlᴜpini pisi onyi ini beri nizᴜrisi; 4e'yo 'diyisi eri fe ama dri aziza erini ambo ambo arikarirᴜ 'diyi ra, emi ma ovᴜ ani aziza ndesi adriza Munguniri be emi pazᴜ e'yo 'ba ezapi ava onzisi nyakuarisi 5E'yo nde 'disi emi ma fe emi asi dria onyi o'bazᴜ a'ita eminiri ma dria, te onyi ma dria nitani, 6nita ma dria asi e'yo ruani gazᴜri'i, asi e'yo rᴜani gazᴜri ma dria asi tezani, asi teza ma dria adriza Mungu inzizᴜri'i, 7adriza Mungu inzizᴜri ma dria leta adripi lezᴜri'i, te leta adripi lezᴜri ma dria ale 'ba dria vᴜri'i. 8E'yo 'diyi ka ovᴜ emini, yi ka ga emi alia tre, yi nga fe emini ovᴜzᴜ ovᴜ kokorᴜ, efi 'yazᴜ 'dani, nita Opi amani Yesu Kristoni ma alia. 9Te 'ba ovᴜpi e'yo 'diyi be kᴜri eri mileko'i, afa ogogori ndrezᴜ a'dule'i, eri ma drini avi ojita azi onzi erini oku 'diyi wuzᴜri ma e'yosi ra. 10E'yo 'disi, ma adripi, emi ma fe emi asi aga ra omveta eminiri pi 'bazᴜ okporᴜ opeza eminiri be, te emi ka e'yo 'diyi 'ye ra kᴜmᴜ ngani emi si alᴜni kᴜ; 11te 'dinile yi nga geri fe emi dri avasi fizᴜ suru i depi kᴜ Opi amani Yesu Kristo ama Papiriniri ma alia. 12Awa'dini, ma nga ovᴜ ci ngonde 'dani fezᴜ emini e'yo 'diyi egazᴜ, emi ka tro yi ni ra, ka tro ovᴜ okporᴜ e'yo adarᴜ ovᴜpi emi beri ma alia ti. 13Te ma kini eri 'yeke, mani nga ovᴜria rua borokorᴜ 'dori ma alia, ma ma fe emi ma enga e'yoni egazᴜ dika, 14mani nile ma 'ye rᴜa mani borokorᴜ 'dori anzᴜ anzᴜrisi, ekile Opi amani Yesu Kristoni ecele ma dri 'borile. 15Te ma nga ma asi 'ba fezᴜ mini e'yo 'diyi egazᴜ ewu vᴜsi dria, mani drazᴜ 'bori ma vᴜtia. 16Te ama bini o'dᴜko olᴜle ondᴜa 'banisi 'diyi ma vᴜti kᴜ, amani okpo Opi amani Yesu Kristoni pi ma e'yo eceria emi dri emviza erini be, te ama ngᴜlᴜpi ndre ambo erini inzitarᴜri ama milesi. 17Te eri isu inzita pi diza be engazᴜ Mungu Ata vᴜ, o'duko ibipi engapi diza inzitarᴜ tᴜri ma aliari ka eca eri vᴜ, kini, 'Di Mvi mani lele tᴜ ayiko fepi ma dri tᴜri'i. 18Te ama eri o'duko ibipi engapi 'bua 'diri ama'i, amani ovᴜria eri be oni alatararᴜ ma dria. 19E'yo nabirᴜri so pa ama dri ani okporᴜ aga okori ra. Emi ka emi asi 'ba drinia, emi 'ye onyirᴜ, si ekile tala dipi angᴜ bizarᴜriarile, de nga angᴜ tra ecani kᴜ, azini leleᴜ efᴜni dizᴜ emi asia kᴜ. 20Te emi ma ni e'yo 'diri okorisi, kini e'yo siza nabirᴜri ma efi ovᴜni ekile 'ba alᴜ alᴜni egale yi ma ngᴜlᴜpisirile 'dini kᴜ. 21Te e'yo nabirᴜri ma alᴜni ecani ndra 'bani lelenirisi kᴜ, te 'ba yi 'yo ndra Mungusi, Orindi Alatararᴜni yi dri celerisi.

will be added

X\