2 YOHANA 1

1Atalaᴜ, okᴜ ovᴜpi pezarᴜri pi vᴜ anzi erini be, mani lele e'yo adarᴜ ma alia 'diyi; ma'i a'dule kᴜ, te 'ba dria e'yo adarᴜ nipi 'bo 'diyi; 2e'yo adarᴜ ovᴜpi ama aliari ma e'yosi, eri nga ovᴜ ama be 'dani 'dani : 3'Yeta anzutiri pi, yiki pie, asi anzurᴜ be, engapi Mungu Ata vᴜ azini Yesu Kristo Mvi Atani vᴜri nga ovᴜ ama be, e'yo adarᴜ azini leta avasiri ma alia. 4Ma ovᴜ ayikosi tᴜ mani anzi mini 'diyi ma azi isule yini aciria e'yo adarᴜ ma aliarisi, ekile amani azita a'ile Ata vᴜrile. 5Te curu'do ma zi mi, okᴜ la, ekile mani azita o'dirᴜ sile mi vᴜrile kᴜ, te azita nde ovᴜpi ama be okokeleri'i, kini, ama ma le ama. 6Leta eri 'di, amani acizᴜ azita erini 'diyi vᴜsiri'i; azita nderi 'di, ekile emini erile okokelerile, 'dini emi ma aci ani eri ma alia. 7A'disikᴜ 'ba 'ba icipi 'diyi efᴜ nyakua kakaᴜ, yi 'ba e'dapi kini Yesᴜ Kristo emuni rua 'bani be kᴜ 'diyi. 'Diri 'ba 'ba icipiri azini ari'bo Kristoni. 8Emi ma ovᴜ mile be emi ngᴜlᴜpi ma agei tezᴜ, afa emini azi ngazᴜ 'bo 'diyi kazᴜ avizᴜ emi dri kᴜ, te emi ma isu oyani dria beni. 9'Ba dria nzᴜpi drile yi drisi, tepi imbata Kristoni ma alia kᴜ 'diyi, ovᴜni Mungu be kᴜ; te 'ba ovᴜpi imbata nde ma alia 'daniri, 'ba 'diri ovᴜ Ata be, Mvi be indi. 10'Ba azini ka eca emi vᴜ, ka imbata 'diri eji kᴜ, emi ma a'i eri jo emini ma alia kᴜ, emi ma fe eri dri i zi mi ci ci kᴜ ; 11a'disikᴜ 'ba i zi mi ci ci fepi eri driri, eri ti eci eri be azi onzi erini 'yele 'diyisi. 12Ma ovᴜ e'yo be kakaᴜ sizᴜ emi vᴜ, te ma leni yi si waraga bi ma dria vinosi kᴜ, te ma le avasi muzᴜ emi vᴜ, e'yo 'yozᴜ emi be milia milia, 'dini ayiko emini ma ga ani tre beni. 13Amvipi mini ovᴜpi pezarᴜri ma anzi zi di mi ci ci.

will be added

X\