2 KORINTOA 8

1Te adripi, ama fe emini 'yeta anzutiri Munguni ovᴜpi fezarᴜ kanisa Makedoniaa 'diyi ma aliari ma e'yo nizᴜ, 2kini yini ndra ovᴜria o'bizarᴜ inzata kakaᴜsi, ayiko yini agapi tᴜri pi alio yini nyanyari be ere i drile cazᴜ kpere yini afa feza lonyirᴜ tᴜ feria asi alᴜsi. 3Ma 'ba e'yo yini ma eti nzepiri, yi fe afa feza yini ceni yini ecolerile, azini aga yini ecole feleri ra indi, 4ama zizᴜ matᴜsi tᴜ 'yeta anzutiri 'diri pi ma e'yosi, ti ecita 'ba alatararᴜ 'diyi ma aza kozᴜri be— 5te yi 'ye 'dini ekile amani ndra egalerile kᴜ, te okorisi yi fe yi ngᴜlᴜpi Opi dri azini ama dri Munguni lelerile. 6Ka'dini ama azi e'yo Tito tia kini ekile erini e'yo 'diri e'dole okorisirile, 'dini eri ma fe vini 'yeta anzutiri 'dirini i 'yezᴜ i paria 'yeke emi alia indi. 7Te ekile emini agale drile e'yo driasirile—a'ita pisi, e'yo 'yoza pie, nita pie, asi avarᴜ dria pie, leta avasi emini ama vᴜri pie—emi ne onyirᴜ emi ma aga drile 'yeta anzutiri 'dirisi indi. 8Ma 'yoni azitasi kᴜ, te 'ba azini ma ava ma e'yosi ma le leta emini o'bi, kani eri adarᴜ yani. 9Te emi ni 'yeta anzutiri Opi amani Yesu Kristoniri, erini ovᴜria afa e'irᴜri ti, e'yo eminisi eri eca ndra aliorᴜ, 'dini alio erinisi emi ma eca afa e'ipirᴜ beni. 10Te e'yo 'diri ma alia ma fe egata mani 'di: e'yo 'diri si emi onyirᴜ, te emi e'do oko eli ajerisi e'yo 'diri 'yezᴜ a'dule kᴜ, te lezᴜ 'yezᴜ indi. 11Te curu'do emi ma de e'yo nde 'yezᴜ ra, 'dini ekile emini ovᴜle ava be e'yo 'diri lezᴜrile, 'dinile emi ma de 'yezaniri ra, ekile afani ovᴜle emi vᴜ cirile. 12A’disikᴜ ava ka ovᴜ 'ba asia indi, eri ovᴜ a'izarᴜ ekile afani ovᴜle 'ba nde vᴜ indirile, te ekile afani ovᴜle eri vᴜ yorile kᴜ. 13Ovᴜni kini 'ba azini ma li yini ava, de emi emini emi ecandiria, 'dini kᴜ; 14te afani ovᴜzᴜ tro tro, afa emini ovᴜzᴜ yi be tre 'diyi ma ko alio yini ma aza ewu curu’dorisi, 'dini afa yini ovᴜzᴜ yi be tre 'diyi ma nga di alio emini ma aza ko beni, e'yo ma ovᴜ ani tro tro. 15Ekile erini ovᴜle sizarᴜrile, 'Ba afa okᴜpi amborᴜri kᴜni jolokoni kᴜ, te 'ba afa okᴜpi wereri, afa erini eceni kᴜ. 16Te awa'difo Mungu vᴜ erini ava nde alᴜ e'yo eminisi 'diri 'bale Tito ma asiarisi. 17'Dini eri a'i e'yo aziza amani ra, te erini ovᴜle ava be tᴜ aga rarisi, eri fᴜ mu emi vᴜ ceni. 18Ama pe adripi 'bani inzile e'yo bari ma alia kanisa dria vᴜsiri ma ti eri be indi; 19te 'disi a'dule kᴜ, te kanisa pe eri acizᴜ ama be tualᴜ 'yeta anzutiri amani azini ngale inzita fezᴜ Opi dri, azini ava ama asiari ecezᴜ 'diri ma alia. 20E'yo amani lele kᴜri 'di, 'ba azini ma sᴜ ani asᴜ ama ruaa afa feza fele alesi amani azini ngalerisi kᴜ, 21te 'dini ama le e'yo ovᴜpi kililirᴜ 'diyi 'ye Opi ma milia a'dule kᴜ, te 'ba ma milia indi. 22Azini ama pe vini adripi amani, amani isule ava be pale kakaᴜ e'yo kakaᴜ ma aliari ma ti yi be tualᴜ, te curu'do eri ovᴜ avarᴜ tᴜ aga dria a'disikᴜ erini ovᴜle a'ita be amborᴜ emi vᴜrisi. 23'Ba alᴜ ka e'yo Titoni zi, eri ovᴜ 'ba ti ecipi ma beri, azini 'ba azi ngapi ma be tualᴜ emi driri; 'ba ka e'yo adripi amani 'diyini zi, yi ovᴜ 'ba kanisani tini opeleni 'diyirᴜ, yi diza Kristoni. 24E'yo 'dirisi emi ma fe yi dri eceta leta avasi eminiri pi ecezᴜ, enyaza amani ama enyazᴜ e'yo eminisiri be, kanisa 'diyi ma milia.

will be added

X\