2 KORINTOA 7

1Amani ovᴜle aziza 'diyi berisi, 'ba mani lele 'diyi, ama ma oji ama ngᴜlᴜpi ondi rua pini orindi berisi dria, e'yo alatararᴜ 'yezᴜ dria fu dri ci rᴜta Mungu rᴜzᴜri ma alia. 2Emi fe pari ama dri emi asia; ama 'yeni 'ba alᴜni onzi kᴜ, ama ezani 'ba alᴜni kᴜ, ama nyani 'ba alᴜni ma afa lokirisi kᴜ. 3Ma 'yoni e'yo 'diri emi ma e'yo lizᴜ onzi kᴜ, te ma 'yo ndra emi tia okorisi 'bo kini emi ovᴜ ama asia, amani drazᴜ emi be azini ovᴜzᴜ idrirᴜ emi be tualᴜ. 4Ma olᴜ emi tia mgborᴜ, ma enya ma e'yo eminisi tᴜ; ma ga tre asi omizasi. Inzata amani ma alia dria, ayiko ga ma asia tre tre. 5Te ama ka eca Makedoniaa ti, ama rua lini ava kᴜ, inza ama pari dri dria—amve omba indi, alenia uri indi. 6Te Mungu 'ba e'yere 'diyi ma asi omipiri omi ama asi Titoni ecalerisi; 7te erini ecalerisi a'dule kᴜ, te omi vini ama asi indi asi omiza nde emini eri ma asi omizᴜrisi, eri ka ava eminiri pi ma e'yo olᴜ ama tia, candi emini pie, asi avarᴜ emini masiri be, 'dini ma ovᴜ ani ayikosi aga ra. 8Ma ka ndra candi fe emi dri waraga manisi, ma ojani di ani ma asi e'yo 'dirisi kᴜ, ma ka ndra ovᴜ candi be okorisi ti, a'disikᴜ ma ndre waraga nde 'dari fe ndra candi emi dri, ka tro o'du were a'dule ti. 9Te curu'do ma ovᴜ ayikosi, emini ovᴜle candi berisi kᴜ, te candi eminini emi jile kpere cazᴜ asi ojaza vᴜrisi; a'disikᴜ candi emini ovᴜ candi Munguni feleniri'i, ka'dini ama 'yeni emi onzi alᴜni kᴜ. 10'Dini candi Munguni feleniri 'ba asi oja pata 'bani ani yi asi ojazᴜ vile dika kᴜri vᴜ; te candi nyakuni fele-niri eri dra fe. 11'Dini mi lu, e'yo nde candi emini Munguni feleniri, eri 'ye emi asia ava amborᴜ 'dopi 'doni ya, e'yo e'daza pie, asi veza pie, uri pie, asi 'baza avasiri pie^ ava e'yo 'yezᴜri pie, e'yo liza pie dria! Geri driasi emi o'bi ndra emi ecezᴜ ovᴜzᴜ alarᴜ e'yo 'diri ma alia. 12'Dini ma si ndra waraga emi vᴜ ra 'bo, te ma sini e'yo nde 'ba onzi 'yepiri ma e'yosi kᴜ, kani 'ba yini e'yo onzi 'yele vᴜniari ma e'yosi kᴜ indi, te leta emini ama vᴜri ma ovᴜ ecezarᴜ emi vᴜ Mungu ma milia ani beni. 13E'yo 'disi ama isu asi omiza ra. Azini asi omiza amani ma alia. ayiko Titoniri fe vini ayikoni ama fuzᴜ aga ra indi, a'disikᴜ eri ma orindini okpo o'dirᴜ isule emi dri driarisi. 14'Dini ma ka ndra ma enya eri ma milia emi ma e'yosi, ma ovᴜni ani drinzasi kᴜ; te ekile ndra amani e'yo dria 'yole emi tia adarᴜ-rile, 'dinile enyaza amani ama enyazᴜ Tito ma miliari eca adarᴜ indi. 15Azini leta avasi eriniri aga tᴜ emi vᴜ, erini e'yo eriza emi driani emini eri a'izᴜ urisi azini rua yaza beri ma e'yo egaria. 16Ma ovᴜ ayikosi a'disikᴜ e'yo dria ma alia ma asi otini emi e'yosi kᴜ.

will be added

X\