2 KORINTOA 13

1'Diri pale na mani muzᴜ emi vᴜri. E'yo driani nga pa so e'yo efᴜpi 'ba e'yo eti nzepi iri kani na 'diyi ma tiliarisi. 2Ma li ndra 'ba e'yo ezapi 'bo 'diyi pi ma bilendu 'ba acepi 'diyi be dria, ma vini yi ma bilendu li curu'do mani ovᴜria yi ma eselia yoria, ekile mani 'yele ndra o'du mani ovᴜzᴜ yi ma eselia pale iri 'dasirile, kini ma ka nga mu dika, ma ngani yi kᴜ asi ndrizasi kᴜ— 3a'disi-kᴜ emi le Kristo e'yo 'yopi ma aliari ma eceta ni. Eri ovᴜni emi vᴜ okpo kokoro kᴜ, te eri okporᴜ emi alia. 4Di ndra eri pati rᴜaa okpoakosi, te eri ovᴜ di idrirᴜ okpo Mungunisi. 'Dini ama ovᴜ okpo kokorᴜ eri alia, te ama nga ovᴜ idrirᴜ eri be okpo Mungunisi kpere emi vᴜ. 5Emi o'bi emi ngᴜlᴜpi, kani emi ovᴜ a'ita ma alia ya. Emi o'bi emi ngᴜlᴜpi ceni. Kani emi nini emi ngᴜlᴜpi ma e'yo, kini Yesu Kristo ovᴜ emi alia indiri kᴜ ya?—ka'dini kᴜ, emi 'ba agapi o'bitasi kᴜ 'diyirᴜ! 6Te ma 'ba asi, emi nga ni kini ama ovᴜni 'ba agapi o'bitasi kᴜ 'diyirᴜ kᴜ. 7Te ama adri Mungu zi kini emi ma 'ye onzi alᴜni kᴜ—amani lezᴜ ama e'dazᴜ ekile 'ba agapi o'bitasi ra 'diyile 'dini kᴜ, te emi ma 'ye ani e'yo ovᴜpi onyirᴜri, ama ka e'da ekile 'ba agapi o'bitasi kᴜ 'diyile ti. 8A'disikᴜ ama ovᴜni okpo be e'yo alᴜni 'yezᴜ e'yo adarᴜri fᴜzᴜ kᴜ, te e'yo adarᴜri ma aza kozᴜ. 9'Dini ama ovᴜ ayikosi, ama ka ovᴜ amani okpo kokorᴜ, te emi emini okpo be. E'yo amani zile Mungu tiari eri 'di'i, emini cazᴜ kililirᴜ kpere tiniari'i 10E'yo 'disi ma si e'yo 'diyi, mani de ovᴜria emi eselia yoria, 'dini mani ngaria ovᴜria emi be indiria, ma ma 'ye okposi okpo Opini fele ma dri emi sizᴜ urᴜ te anzᴜzᴜ va kᴜrisi kᴜ. 11E'yo asizᴜri 'di, ma adripi, ma zi di emi ci ci. Emi ma ede di e'yo emini kililirᴜ, emi ma a'i asi omiza 'diri fo, emi ma ovᴜ asi alᴜsi, emi ma ovᴜ asi anzurᴜ be, te Mungu leta avasirini azini asi anzurᴜniri nga ovᴜ emi be. 12Emi zi emi emi eselia o'deza ava alatararᴜnisi. 13'Ba alatararᴜ dria zi emi ci ci. 14'Yeta anzutiri Opi Yesu Kristoni pi, ale Munguni pie, ti ecita Orindi Alatararᴜni pie, ma ovᴜ emi be dria.

will be added

X\