1 TIMOTEO 2

1E'yo 'dirisi ma azi okorisi, matᴜ 'baza pi 'yozᴜ 'ba driasi, zita pie, Mungu ziza pie, awa'difo feza pie, 2opi piyisi, 'ba dria ovᴜpi 'ba drilia 'diyi pie, kini ama ma adri ani idri e'yererᴜ be azini asi anzurᴜ alia, adriza 'bani ani Mungu inzizᴜrisi inzita be dria. 3'Diri ovᴜ onyirᴜ azini a'izarᴜ Mungu ama Papiri ma milia, 4lepi 'ba dria ma ovᴜ pazarᴜ, azini yi ma eca e'yo adarᴜ nizᴜri. 5A'disikᴜ Mungu ovᴜ alᴜ, azini 'ba 'ba ecipi Mungu be tualᴜri eri alᴜ indi, eri'i eri 'bani, Kristo Yesu'i, 6eri i ngᴜlᴜpi fepi arotirᴜ 'ba dria onzezᴜri; e'yo eti nzezaniri ovᴜ kuzarᴜ ewunini dri furia. 7'Ba ma e'yo 'diri olᴜzᴜ ojioᴜrᴜ azini 'ba ti pelerirᴜ (ma 'yo e'yo adarᴜ, ma lini inzo kᴜ), 'ba 'ba Jururᴜ 'diyi imbapi a'ita ma alia azini e'yo adarᴜ ma aliarirᴜ. 8E'yo 'dirisi ma le 'ba agupirᴜ 'diyi ma zi Mungu pari dri dria, dri alatararᴜ ejᴜzᴜ uru, adra kokorᴜ azini agata gaza kokorᴜ; 9'dinile okᴜ ma ede yi rua afa suza 'yekerisi, drinza onyirᴜ pisi asi e'yereri be; dri'bi cazasi kᴜ, kani melesi, kani nyorosi, kani bongo aje nyapi ambo-rᴜrisi kᴜ indi, 10te 'yeta onyirᴜ 'diyisi, a'disikᴜ e'yo 'diyi si okᴜ e'dapi yi 'ba Mungu inzipi 'diyirᴜ 'diyi si si. 11Okᴜ ma oni e'yo asi e'yeresi inzita dria ma alia. 12Te ma a'ini okᴜ ma imba 'ba kᴜ, eri ma ce agupi ma dri kᴜ; te eri ma ovᴜ e'yere. 13'Ba ndra Adamuni oko, vilerisi Eva'i; 14icini ndra Adamuni kᴜ, te okᴜ nde ovᴜpi icizarᴜri e'de ezata ma aliani. 15Te eri nga ovᴜ pazarᴜ e'yo mva osizanisi, yi ka ovᴜ a'ita pi ma alia 'dani, leta pie, asi alatararᴜ pie, asi e'yeresi.

will be added

X\