2 TESALONIKIA 5

1Te e'yo o'du pinisi ewu be, adripi, leni ma ma si e'yo azini emi vᴜ kᴜ. 2Te emi ma ngᴜlᴜpi ni kilili kini o'du Opiniri nga emu ekile oguoᴜni emule ini berile. 3'Bani de 'yoria, E'yo 'yaa pi asi anzurᴜ be, coti dri jazani nga emu yi ma dria rugbu, ekile mvaazoni okporovᴜ e'dulerile, te yi ngani yi pa alᴜni kᴜ. 4Te emi'i, adripi, emi ovᴜni angᴜ biza ma alia, o'du nderini emi isuzᴜ ani oguoᴜle 'dini kᴜ. 5Emi dria anzi dizani, emi anzi etuni; ama ovᴜni ini pini angᴜ biza be kᴜ. 6Ka'dini ama ma ko o'du ekile 'ba azi 'diyile kᴜ, te ama ma te mile be azini asisile be. 7A'disikᴜ 'ba o'du kopi 'diyi yi o'du ko inisi, azini 'ba trapi ewasi 'diyi yi tra inisi. 8Te ama'i ovᴜpi etuni 'diyi, ama ma te asisile be, gombere a'ita pini leta beri suzᴜ, azini biri paria asi 'baza pata tezᴜri'i. 9Mungu peni ama aoko isuzᴜ kᴜ, te pe ama pata a'izᴜ Opi amani Yesu Kristo 10drapi amasirisi, 'dini ama ka ovᴜ mile be, kani ama ka o'du ko, ama ma ovᴜ ani idrirᴜ tualᴜ eri be. 11Ka'dini emi omi emi asi emi eselia, emi otᴜzᴜ emi eselia emi agyi be, ekile emini 'yelerile. 12Te ama matᴜ 'ba emi vᴜ, adripi, emi ma ama 'ba azi ngapi emi eselia, ovᴜpi emi drilia Opi ma alia, emi imbapi 'diyi ma e'yo, 13azini emi ma inzi yi tᴜ aga ra leta avasirisi azi yini ma e'yosi. Emi ma ovᴜ asi anzurᴜ be emi eselia. 14Te ama emi imba, adripi, emi ma ega 'ba 'yepi saarᴜ 'diyi ma dria, emi ma omvi 'ba asi tepi kᴜ 'diyi ma asi, emi ko 'ba okpo kokorᴜ 'diyi ma aza, emi ovᴜ asi teza be 'ba dria vᴜ. 15Emi ovᴜ mile be 'ba alᴜni ma omvi e'yo onzi e'yo onzi ma paria agyi ini vᴜ kᴜ, te emi ma bi e'yo onyirᴜri ma vᴜti etuzu 'dani emi ma eselia azini 'ba dria vᴜ. 16Emi ovᴜ ayikosi etuzu 'dani, 17emi ma kᴜ Mungu zizᴜ kᴜ, 18emi fe awa'difo e'yo driasi; te 'diri e'yo Munguni lele emi vᴜ Kristo Yesu ma aliari'i. 19Emi ma inyu Orindi kᴜ, 20emi 'ba e'yo ondriza aparakarᴜ kᴜ, 21te emi o'bi e'yo dria; emi bi e'yo ovᴜpi onyirᴜri ci, 22emi ona emi e'yo onzi ma suruti driasi. 23Mungu asi anzurᴜniri ma ngᴜlᴜpi ma 'ba emi alatararᴜ teke-teke ; eri ma mba emi ma ngᴜlᴜpi ma orindi pi ma ta, asi pie, rua pie dria, emi isuzᴜ e'yo kokorᴜ o'du Opi ama-ni Yesu Kristoni emvizᴜrisi. 24'Ba emi omvepiri ovᴜ asi ada be, eri nga 'ye ra. 25Adripi, emi zi Mungu ama dri indi. 26Emi zi adripi dria ci ci o'deza ava alatararᴜsirisi. 27Ma emi azi oyo sozasi Opi ma rusi, emi ma la waraga 'diri adripi dria dri. 28'Yeta anzutiri Opi amani Yesu Kristoniri ma ovᴜ emi be.

will be added

X\