2 TESALONIKIA 4

1E'yo acepiri 'di, adripi, ama matᴜ 'ba emi vᴜ emi asi omizᴜ Opi Yesu ma alia, kini, ekile emini ndra e'yo a'ile ama vᴜ acizᴜ ani onyirᴜ azini ayiko fezᴜ Mungu dririle, ada ekile emini acilerile, emi ma ere emi drile drile. 2Te emi ni e'yo amani azile emi dri Opi Yesusiri ra. 3Te e'yo Munguni leleri 'di, 'baza emini alatararᴜri: emini emi onazᴜ ali 'bazasi; 4emi dria alᴜ alᴜ ma ni ovᴜzᴜ rᴜa ini ma opirᴜ alata pi ma alia inzita be, 5li ava ruanirini ma alia ekile 'ba jururᴜ Mungu nipi kᴜ 'diyile kᴜ; 6'dini 'ba alᴜni ma eza kᴜ, adripi ini 'yezᴜ onzi e'yo 'diri ma alia, Opini ovᴜle 'ba arioti ofepiri'i e'yo 'diyi ma alia drianirisi, ekile amani emi bilendu lile drio, e'yo eti nzezᴜ emi tia okorile. 7Te Mungu omveni ndra ama e'yo onzikanyarᴜsi kᴜ, te alata ma alia. 8E'yo 'dirisi 'ba e'yo gapiri gani 'ba'i kᴜ, te Mungu Orindi Alatararᴜ fepi emi driri'i. 9Te leta adripi lezᴜri ma e'yosi, leni ma ma si e'yo azini emi vᴜ kᴜ, emi ma ngᴜlᴜpini ovᴜle imbazarᴜ Mungu dri emi lezᴜ emi eseliarisi; 10te adarᴜ emi le adripi ovᴜpi Makedonia dria ma alia 'diyi dria ra. Te ama emi asi omi, adripi, emi ma aga drile drile, 11emi 'ye asi driasi ovᴜzᴜ e'yere, emi ma 'ye azi emi ngᴜlᴜpiniri, azi ngazᴜ dri eminisi, ekile amani emi azilerile; 12acita eminiri ma e'da'i kililirᴜ 'ba ovᴜpi amvelerᴜ 'diyi vᴜ beni, alio afa azinini ma fu vini emi kᴜ indi. 13Te adripi, ama leni emi ma ovᴜ nita kokorᴜ 'ba o'dua 'diyi ma e'yosi kᴜ, emi kazᴜ ovᴜzᴜ imvosi 'ba azini asi 'bapi e'yo tezᴜ kᴜ 'diyile kᴜ. 14A'disikᴜ ama ka a'i kini Yesu dra ra, enga vini ra, 'dinile indi Yesusi, Munguni nga 'ba o'dua 'diyi eji eri be indi. 15Te ama 'yo e'yo 'diri emi tia e'yo 'yoza Opinisi, kini, ama'i acepi nga idrirᴜ kpere emviza Opini vᴜ 'diyi, ama ngani mu 'ba o'dua 'diyi ma drilia oko kᴜ. 16A'disikᴜ Opi ma ngᴜlᴜpini nga esi va ibizᴜ 'bua, e'yo oyᴜza be, o'duko malaika drilerᴜrini be, guka Munguni pie. Te 'ba drapi Kristo ma alia 'diyi yi nga enga okonini; 17vᴜtinia ama'i 'ba acepi idrirᴜ 'diyi, ama nga ovᴜ o'duzarᴜ mbele-kocici yi be tualᴜ iriti ma alia, dri fuzᴜ Opi be angᴜ 'buari ma eselia agadua; 'dini ama nga ovᴜ Opi be tualᴜ 'dani. 18E'yo 'disi emi ma omi emi asi emi eselia e'yo 'diyisi.

will be added

X\