2 TESALONIKIA 3

1Te ama ka eco ama asi imbazarᴜ tezᴜ 'dani kᴜ, ama ega onyirᴜ 'ba ma kᴜ ama vile a'dule Atenea, 2azini ama pe adripi amani Timo-teo, 'ba azi ngapi Mungu be e'yo barᴜ Kristoniri ma aliari ma ti, emi 'bazᴜ okporᴜ, asi emini omizᴜ a'ita emini ma alia, 3'ba alᴜni ma asi ma oti inzata 'diyi ma e'yosi kᴜ. Te emi ngᴜlᴜpi ni ra ama ovᴜ pezarᴜ e'yo 'diri isuzᴜ. 4Adarᴜ amani ovᴜria ndra emi be, ama olᴜ emi tia kililirᴜ oko kini yi nga ama ecandi inzatasi; emi ni ra e'yoni 'ye i 'dinile ra. 5E'yo 'disi ma'i mani ecoria ma asi imbazᴜ tezᴜ 'dani kᴜ, ma pe ani 'ba ti a'ita emini ma e'yo nizᴜ, kani 'ba 'ba obepiri obe emi ra, ka'dini azi amani eri de di toko yani. 6Te Timoteoni engaria emi vᴜ emvizᴜ ama vᴜ curu'do 'boria, azini erini e'yo kuza onyirᴜ a'ita emini pi ma e'yosi leta avasi emini beri ejiria ama vᴜ, kini emi e'yo amani ega onyirᴜ etuzu 'dani, lezᴜ ama ndrezᴜ avasi, ekile ama'i indi amani lele emi ndrele avasirile— 7e'yo 'disi, adripi, emi omi di ama asi a'ita eminisi 'bo, candi amaniri pi ma alia inzata be dria; 8a'disikᴜ ama curu’do idri-rᴜ, emini pa sole kirikiri Opi ma aliarisi. 9Te ama eco awa'difo ngonini omvizarᴜ Mungu dri emisi, ayiko dria amani ovᴜzᴜ ayiko be emisi Mungu amani ma miliarisi ka ya? 10Amani Mungu ziria asi driasi inisi etusi 'dani, lezᴜ emi mile ndrezᴜ, e'yo nga dri fupi a'ita emini ma alia kᴜri 'bazᴜ kililirᴜ beni. 11Te Mungu Ata amani ma ngᴜlᴜpi, azini Opi amani Yesu, ma ede geri amani muzᴜ emi vᴜ fo; 12Opi ma fe vini emini zozᴜ azini agazᴜ drile drile emini emi lezᴜ emi eselia, azini 'ba dria vᴜ, ekile ama'i indi amani 'yele emi vᴜrile, 13eri ma 'ba asi emini okporᴜ e'yo onzi kokorᴜ alata ma alia Mungu Ata amani ma milia, ewu Opi amani Yesuni emvizᴜ 'ba alatararᴜ erini 'diyi be driarisi.

will be added

X\