2 TESALONIKIA 2

1Te adripi, emi ma ngᴜlᴜpi ni ama fini ndra emi eselia oye kᴜ ; 2te yini tro ndra ama ecandizᴜ oko, azini ama 'yezᴜ onzi Filipia rari ti, ekile emini nilerile, ama ovᴜ uri kokorᴜ Mungu amani ma alia e'yo barᴜ Munguniri olᴜzᴜ emi tia agata gaza okporᴜ ma eselesi. 3Ama olᴜni asi omiza amani inzo ma e'yosi kᴜ, kani e'yo alatara kokorᴜrisi, kani lokirisi, 'dini kᴜ; 4te ekile Munguni ama o'bile lale onyirᴜ erini ani e'yo bari kᴜzᴜ ama dri olᴜzᴜ 'borile, 'dinile ama olᴜ ra, ayiko fezᴜ 'ba dri kᴜ, te Mungu asi amani o'bipiri dri. 5Te engazᴜ drio ama 'yoni e'yo inzita lokirirᴜri be kᴜ, ekile emini nilerile, kani li 'baza afasiri ma dri a'bᴜzᴜ inzosi, 'dini kᴜ, Munguni e'yo 'diri ma eti nipiri; 6ama ndani inzita 'ba vᴜ, kani emi vᴜ, kani 'ba azini vᴜ alᴜni kᴜ, ama ka tro eco ovᴜzᴜ nzizarᴜ emi dri ekile 'ba Kristoni ti opele 'diyile ti. 7Te ama ovᴜ e'yere emi eselia, ekile endriani anzi ma ta mbalerile. 8'Dini, ava eminini ama vale tᴜrisi, ama ega ndra eri onyirᴜ kiri e'yo barᴜ Munguniri fezᴜ emi dri a'dule kᴜ, te asi amani fezᴜ indi, emini ovᴜle 'ba ama asini lele tᴜ 'diyi'irisi. 9Te emi ega, adripi, azi okporᴜ azini matᴜrᴜ amani ngale ndrari; ama adri ndra azi nga inisi etusi, ama ma ovᴜ nzizarᴜ 'ba alᴜni emi eseliari dri kᴜ beni, amani ndra riria e'yo barᴜ Munguniri olᴜria emi tiaria. 10Emi ovᴜ 'ba e'yo amani ma eti nzepi 'diyi, azini Mungu'i indi, kini ama ri ndra ovᴜ emi 'ba e'yo a'ipi 'diyi ma eselia asi alarᴜsi e'yo kililirᴜri be, asᴜ sᴜza ama ruaani ndra yo; 11te emini nilerile, ama ri 'ye emi vᴜsi emi vᴜsi dria alᴜ alᴜ, ekile atani 'yele anzi ini vᴜrile, emi asi omizᴜ azini omvizᴜ, e'yo eti nzezᴜ emi dri, 12emi ma aci ani onyirᴜ ekile Mungu emi omvepi fizᴜ suru ini pi ma alia diza ini berini lelerile. 13E'yo 'disi ama kᴜni awa'difo 'yozᴜ Mungu dri kᴜ, a'disikᴜ emini e'yo Munguni 'diri eriria ama vᴜ, emi a'ini eri ekile e'yo 'banirile kᴜ, te ekile erini ovᴜle adadarᴜrile, ekile e'yo Munguni, azi ngapi emi 'ba a'ipi 'diyi ma aliarile. 14'Dini, adripi, emi ofᴜ ndra ovᴜzᴜ 'ba kanisa Munguni ovᴜpi Yudiaa Kristo ma alia 'diyi ma pamvᴜ o'bipi 'diyirᴜ; a'disikᴜ emi ma ngᴜlᴜpi isu ndra candi emi ori'ba dri trotro ekile yini isule 'ba Yahudini dririle. 15'Ba Yahudini 'diyi ofu ndra Opi Yesu pi nabi pie, inza ndra ama ama drozᴜ ra, te yi feni ayiko Mungu dri kᴜ, yi 'ba dria be ari'barᴜ, 16ama ogazᴜ e'yo olᴜko 'ba Jururᴜ 'diyi dri si yini yi pazᴜ ani—'dini yi fe e'yo onzi yinini ezᴜzᴜ tre etuzu 'dani. Te aoko eca yi ma dria kpere etu asizani-ria 'bo! 17Te ama'i, adripi, ovᴜpi esele cozarᴜ emi be ewu weresi, milesi te asi ma alia kᴜ 'diyi, ama 'ba asi tᴜ lezᴜ emi mile ndrezᴜ ava amborᴜsi; 18a'disikᴜ ama le te ndra 'ye mu emi vᴜ—ma'i Paulo pale alᴜ azini pale iri—te Satani oga ndra ama si. 19Te asi teza amani.. kani ayiko amani, kani ekilaza amani afᴜ 'bazᴜ Opi amani Yesu ma milia, ewu erini emvizᴜri ngarerisiri a'di'i ya? Eri emi'i kᴜ ya? 20Te emi diza amani azini ayiko amaniri emi'i.

will be added

X\