2 TESALONIKIA 1

1Paulo pi, Silivano pie, Timoteo pie, Kanisa 'ba Tesalonikia 'diyini, ovᴜpi Mungu Ata pi ma alia Opi Yesu Kristo beri vᴜ: 'Yeta anzutiri ma ovᴜ emi vᴜ asi anzurᴜ be. 2Ama awadifo fe Mungu dri etuzu 'dani emi e'yosi dria, emi egazᴜ Mungu ziza amani ma alia ; 3ama kᴜni azi emini 'yele a itasiri. pi ma e'yo egazᴜ Mungu Ata amani ma milia, azi okporᴜ emini 'yele letasiri pie, asi teza emini Opi Yesu Kristo tezᴜri pie kᴜ. 4Adripi Munguni lele 'diyi, ama ni opeza eminiri ra; 5te e'yo barᴜ amaniri ecani ndra emi vᴜ e'yo 'yozasi a'dule kᴜ, te okpo be, Orindi Alatararᴜ ma alia, azini e'yo a'iza adarᴜ asiari be tᴜ; ekile emini e'yo amani ovᴜzᴜ ndra emi eselia emi e'yosi ngoni yari nilerile. 6Te emi eca ndra 'ba ripi e'yo amani o'bipi e'yo driasi Opiniri be 'diyirᴜ, emini ndra e'yo nde a'iria inzata amborᴜ ma alia, te ayiko Orindi Alatararᴜnisi; 7'dini emi ofᴜ ndra ecetarᴜ 'ba e'yo a'ipi Makedoniaa 'diyi azini Akayaa 'diyi dri dria. 8A'disikᴜ engazᴜ emi vᴜ e'yo Opini ku wakaka 'bo, Makedo-niaa azini Akayaa a'dule kᴜ, te e'yo emini ovᴜzᴜ a'itasi Mungu vᴜri ere i pari dri dria, 'dini e'yo azini ama dri 'yozarᴜ anini yo. 9Te 'ba nde 'diyi yi e'yo amani efizᴜ ndra emi eseliari olᴜni, azini e'yo emini emi ojazᴜ Mungu vᴜ, wura inzile inzi 'diyi kᴜzᴜ, emini azi ngazᴜ Mungu idrirᴜ adarᴜri dri, 10emini Mvi erini, erini engale 'ba draza ma eselia, Yesu ama opapi aoko ngapi ecapiri ma aliari ma emviza 'buarisiri tezᴜri'i.

will be added

X\