1 PETERO 5

1Ma matᴜ 'ba 'ba atalaᴜrᴜ emi eselia 'diyi vᴜ, ma'i atalaᴜni indi, ma 'ba ecandiza Kristoni ma e'yo eti nzepi, azini 'ba ti ecipi diza ngapi i e'dapiri ma aliari'i. 2Emi ma oce kabilo Munguni ovᴜpi emi eselia 'diyi, yi ma e'yo nezᴜ, 'bani emi omilerisi kᴜ te emi asini lelerisi, Munguni lelerile; yi ocezᴜ silingisi kᴜ te asi avarᴜsi; 3emi ma ovᴜ opirᴜ 'ba fele emi dri 'diyi ma drilia kᴜ, te emi ma ovᴜ ecetarᴜ kabilo nde 'diyi ma milia. 4'Dini, 'Ba kabilo Ocepi agapi rari ka nga e'da ra, emi nga ekilaza dizani onyupi kᴜri isu ra. 5'Dinile, emi karilerᴜ 'diyi, emi ma inzi 'ba atalaᴜrᴜ 'diyi. Emi dria ma su asi e'yere, ovᴜzᴜ ani emi eselia asi afᴜ kokorᴜsi, a'disikᴜ Munguni 'ba asi afᴜ be 'diyi ma dri aru, te eri 'yeta anzutiri fe 'ba asi afᴜ kokorᴜ 'diyi dri. 6Emi ma ovᴜ ani asi afᴜ kokorᴜri be dri okporo Munguniri ma etia, eri ma 'ba ani emi uru ewunirini ecaria. 7Emi ma kᴜ e'yo asi otiza fepi emi dri 'diyi dria eri ma dria, a'disikᴜ eri ma asini e'yo emini egale amborᴜrisi. 8Emi ma ovᴜ asisile e'yere be, emi ma ovᴜ mile be. Ari'bo emini 'ba asᴜ sᴜpiri eri aci kamile, awᴜ be 'ba ndazᴜ nyazᴜ. 9Te emi ma oga eri, emi ma so pa kirikiri a'ita emini ma alia, a'disikᴜ emi ni ra candi eminile trotro 'diyi adri emi adripi wudrikurua 'diyi ecandi indi. 10Emi ka ovᴜ ecandizarᴜ were 'bo, Mungu 'yeta anzutiri driani, emi omvepi fizᴜ diza erini 'dani 'dani Kristo ma aliari vᴜri ma ngᴜlᴜpini nga emi ede fudri ci, fezᴜ emini pa sozᴜ kirikiri, emi 'bazᴜ okporᴜ. 11Okpo opirᴜ ma ovᴜ eri vᴜ 'dani 'dani. Amena. 12Ma ega Silivano ovᴜ adripi asi adarᴜ beri; ma si ani waraga were emi dri eri ma dria, matᴜ 'bazᴜ, e'yo eti nzezᴜ kini 'diri 'yeta anzutiri Munguni adarᴜri'i ; emi ma so pa eri ma alia kirikiri. 13'Ba ovᴜpi Babulonia ovᴜpi pezarᴜ emi be tualᴜ 'diyi zi emi ci ci; ma mvi Marako zi emi ci ci indi. 14Emi zi emi emi eselia o'dezᴜ leta avasirisi. Asi anzurᴜ ma ovᴜ emi ovᴜpi Kristo ma alia 'diyi be dria.

will be added

X\