1 PETERO 4

1Kristoni candi isule ruasirile, emi ede emi asisile 'dinileri be, ekile 'bani yi edele afa ombani berile, a'disikᴜ 'ba candi isupi ruasi 'bori eri kᴜ e'yo onzi 'bo; 2emi ma fe ewu acepi emini ovᴜria rua ma aliari ma joloko li 'bani 'yezᴜ kᴜ, te e'yo Munguni leleri 'yezᴜ. 3A'disikᴜ ewu ndra agapi 'bori fᴜ dri ama dri 'bo e'yo 'ba jururᴜ 'diyini leleri 'yezᴜ: acizᴜ e'yo saarᴜ 'yezᴜ, li ruani pie, ewa mvᴜzᴜri pie, ongo tᴜzᴜri pie, atizᴜ ewasiri pie, wura toko toko inzizᴜ azitani lele kᴜri pie. 4E'yo 'dirisi 'ba yi osu tᴜ emini nzᴜle yi be tualᴜ e'yo 'yele saarᴜ onzikanyarᴜ aga driari 'yezᴜ kᴜrisi, yi o'da ani emi onzi; 5te yi nga e'yo yini ola 'ba ovᴜpi edezarᴜ ngonde 'ba idrirᴜ 'diyi pi ma e'yo lizᴜ 'ba drazarᴜ 'diyi beri ma drilia. 6E'yo 'disi yi olᴜ ndra e'yo bari 'ba odrapi 'bo 'diyi vᴜ, e'yo yini ma ovᴜ lizarᴜ ekile 'ba ovᴜpi rᴜa ma alia 'diyile, te yi ma ovᴜ ani idrirᴜ ekiie Munguni ovᴜle idrirᴜrile, orindi ma alia. 7Te e'yo dria ma asiza eri ovᴜ ogogo; emi ma ovᴜ ani asi e'yere be azini emi ma te emi agei mile be Mungu zizᴜ. 8Te aga dria, leta emini emi lezᴜ emi eseliari ma ovᴜ avarᴜ 'dani, te leta eri azi onzi karakaraᴜ a'bᴜ ra. 9Emi ma a'i emi wa'dirᴜ emi eselia letasi, onoza kokorᴜ. 10Ekile 'ba dria alᴜ alᴜni afa feza a'ilerile, emi ma ko ani emi aza emi eselia, ekile 'ba 'yeta anzutiri Munguni ndᴜ ndᴜ 'diyi ma agei tepi onyirᴜ 'diyile : 11'ba azini ka e'yo olᴜ ra, eri ma olᴜ ekile Munguni e'yo 'yoza felerile; 'ba azini ka 'ba ma aza ko, eri ma 'ye ekile Munguni okponi felerile; 'dinile rᴜ Munguni ma ovᴜ dizarᴜ Yesu Kristosi e'yo dria ma alia. Diza ma ovᴜ eri vᴜ okpo opiniri be 'dani 'dani. Amena. 12'Ba mani lele 'diyi, emi ma osu o'bita ecapi acirᴜ emi eselia emi o'bizᴜrisi kᴜ, ekile e'yo azini ndᴜ 'ye i emi vᴜni. 13Te emi ma ovᴜ ayikosi emini ti ecile Kristo be candi erini ma aliarisi, ka'dinile indi diza erini ka nga i e'da ra emi ma ovᴜ ani ayiko amborᴜ agapi tᴜri be. 14Yi ka drinza fe emi dri ru Kristonisi, emi ovᴜ drilebarᴜ, a'disikᴜ Orindi dizani azini Mungunirini rile emi driarisi. 15Te emi eselia 'ba alᴜni ma isu candi erini 'ba 'dilerisi kᴜ, kani erini afa ogulerisi kᴜ, kani erini e'yo onzi 'yelerisi kᴜ, kani erini file e'yo 'ba azinini ma alia aka apadrirᴜsi kᴜ; 16te 'ba azini ka candi isu erini ovᴜle 'ba Kristonirisi, eri ma ovᴜ drinzasi kᴜ, te eri ma inzi Munguni ru 'diri ma e'yosi. 17Te ewu e'dozᴜ e'yo lizᴜ jo Munguni ma aliari eca 'bo; te e'yo liza ka e'do amasi oko, 'ba e'yo barᴜ Munguniri a'ipi kᴜ 'diyi ma e'yoni nga asi ngoni ya? 18Te 'Ba kililirᴜ ka i pa ewarᴜ, ka'dini 'ba Mungu inzipi kᴜ, e'yo onzi 'yepiri nga i e'da ngoa ya? 19Awa'dini, 'ba candi isupi ekile Munguni lelerile 'diyi ma fe orindi yini ta mbazᴜ 'Ba 'ba 'Bapi asi adarᴜ beri vᴜ, yi ma 'ye ani e'yo onyirᴜ 'dani.

will be added

X\