1 PETERO 3

1Dinile emi okᴜ 'diyi, emi ma ovᴜ inzitasi agupi emi ngᴜlᴜpini 'diyi vᴜ, 'dini agupi ka e'yo a'i kᴜ ti, yi ma oja yi asi, e'yo olᴜza kokorᴜ, okᴜ yini ma adriza ma e'yosi, 2yini adriza emini alarᴜ inzita beri ndrelerisi. 3Edeza emini ma ovᴜ edeza rᴜa amvelerᴜrini, kani dribi cazᴜ, kani onyiafa melerᴜ 'dini 'diyi osuzᴜ, kani bongo suzᴜ afᴜsi, 'dini kᴜ; 4te eri ovᴜ agu emi asia e'dapi kᴜ, i edepi onyiafa ecopi mapi kᴜrisiri'i, onyiafa nderi eri orindi afᴜ kokorᴜ e'yere, ovᴜpi Mungu ma milia afa aje be amborᴜri'i. 5Te okᴜ alatararᴜ asi 'bapi Mungu dria asi tezasi 'diyi adri ndra yi ede 'dinile, agupi yi ma ngᴜlᴜpini ma e'yo inzizᴜ, 6ekile Sarani e'yo Iburahimuni inzile, eri omvezᴜ opi'irile. Te emi'i, emi ovᴜ anzi erini emi ka 'ye onyirᴜ, emi asi ka oti urisi kᴜ. 7'Dinile emi agupirᴜ 'diyi, emi ma ovᴜ okᴜ emini vᴜ nita be, emini nile yi ovᴜ okpo be wererisi, inzita fezᴜ yi dri, emini idri fele 'yeta anzutirisiri isule awᴜrᴜsorᴜ yi be tualᴜrisi; e'yo kazᴜ zita emini Mungu zizᴜri ogazᴜ kᴜ. 8E'yo vile asizᴜri 'di, emi dria ma ovᴜ asisile be alᴜ, emi ma ovᴜ yikisi, emi ma le emi emi eselia adripile, emi ma ovᴜ asi ndriza be, afᴜ kokorᴜ. 9Emi ma ofe e'yo onzi e'yo onzi ma ariotirᴜ kᴜ, kani o'data o'data ma ariotirᴜ kᴜ indi; te parinia emi ma fe asi ndrizai, a'disikᴜ omve ndra emi e'yo 'dirisi, emi ma a'i ani asi ndriza awitarᴜ beni. 10Awa'dini, Ba idri lepi avasi o'du onyirᴜ 'diyi ndrezᴜri, eri ma oga i andre, kazᴜ e'yo onzi 'yozᴜ kᴜ, ma oga vini i ti, kazᴜ e'yo lokirirᴜ 'yozᴜ kᴜ indi; 11eri ma ona i e'yo onzisi, ma 'ye e'yo onyirᴜ; eri ma ndru asi anzurᴜri, ma bi vᴜtini. 12Te mile Opini ovᴜ 'ba kililirᴜ 'diyi ma dria, azini bile erini ovᴜ zita yini erizᴜ. Te mile Opini ovᴜ ombarᴜ 'ba azi onzi 'yepi 'diyi vᴜ. 13Te emi ka ovᴜ avarᴜ e'yo onyirᴜ 'yezᴜ, a'dini nga emi inzani ya? 14Te 'ba ka emi ecandi e'yo kililirᴜrisi, emi drilebarᴜ. Emi ma 'ye yisi urisi kᴜ, emi asi ma oti kᴜ indi, 15te emi ma inzi Kristo, eri 'bazᴜ Opirᴜ emi asia. Emi ma ovᴜ edezarᴜ etuzu e'yo omviza omvizᴜ 'ba dria e'yo teza ovᴜpi emi asiari ma e'yo zipi 'diyi ma tia, te ma omvi e'yo asi e'yeresi azini rᴜta be. 16Emi ma ovᴜ asisile be onyirᴜ Mungu vᴜ, 'dini 'bani emi ru 'yoria onzi, drinza ma bi ani 'ba adriza emini onyirᴜ Kristo ma aliari o'dapiri. 17Emini candi isuzᴜ e'yo onyirᴜ emini 'yelerisiri, Mungu ka le ra, ovᴜ onyirᴜ aga emini candi isuzᴜ e'yo onzi emini 'yelerisiri ra. 18Te Kristo indi dra pale alᴜ 'ba ma e'yo onzisi, 'ba kililirᴜri 'ba onzi ma paria, ama jizᴜ Mungu vᴜ; fu ndra eri ruasi ra, te fe eri dri idri dika orindisi; 19e'yo 'diri ma alia indi eri mu ndra e'yo olᴜzᴜ orindi ovᴜpi arujoa 'diyi tia, 20yi ndra 'ba e'yo gapi si 'diyi, ewu Noa ngare Munguni tezᴜ asi tezasiri ma alia, yini de maburu ederia; maburu ndesi 'ba were, kiri 'ba aro a'dule, pa yi yi ma aliani. 21Te e'yo curu'do, e'yo ndraka 'darini eceleri, eri baputizi; eri pa emi ojita ondi ruani ojizᴜrisi kᴜ, te e'yo omvizᴜ asisile onyirᴜ be Mungu vᴜrisi, engata Yesu Kristonirisi; 22eri mu 'bua 'bo, ovᴜ curu’do Mungu ma dri ndiria, malaika piyini de ovᴜria eri ma palaa, opi pie, okpo pie dria.

will be added

X\