1 KORINTOA 6

1'Ba alᴜ emi eseliari ka ovᴜ e'yo be i agyi vᴜ, eri ovᴜ asi mbazasi e'yo nde jizᴜ tozᴜ 'ba onzi 'diyi ma milia, te 'ba alatararᴜ 'diyi ma milia kᴜ a'disi ya? 2Emi nini kᴜ kini 'ba alatararᴜ 'diyi nga wudrikuru ma e'yo lini ya? Te emi ka ovᴜ wudri-kuru ma e'yo lipirirᴜ emi'i, emi funi dri e'yo werea 'diyi lizarᴜ kᴜ ya? 3Emi nini ama nga malaika ma e'yo li ama'i kᴜ ya? Ka'dini e'yo idri 'dirini ama ngani li aga ra kᴜ ya? 4Ka'dini emi ka ovᴜ idri 'dori ma e'yo be lizarᴜ, emi 'ba toko kanisani inzile kᴜ 'diyi 'ba e'yo lizᴜ'i ya? 5Ma 'yo e'yo 'diri drinza fezᴜ emi dri. Eri ovᴜ 'dini, kini 'ba ondᴜarᴜ alᴜni emi eselia ecopi i adripi ma e'yo lizᴜni yo ya? 6Te adripini i adrini to kpere 'ba a'ipi kᴜ 'diyi ma milia. 7Te emini ovᴜzᴜ e'yo toza be emi eseliari ofᴜ emi ma ezatarᴜ di 'bo. Emi a'ini bani 'bani emi 'yezᴜ onziri kᴜ a'disi ya? Emi a'ini bani 'ba azinini emi afa opazᴜri kᴜ a'disi ya? 8Te emi ngᴜlᴜpi e'yo onzi 'ye, emi 'ba ma afa opa, ada emi 'ye 'dini kpere emi adripi vᴜ indi. 9Kani emi nini kᴜ kini, 'ba e'yo onzi 'yepi 'diyi ngani suru Munguni a'i yi ma afarᴜ kᴜ ya? 'Ba ma ici emi kᴜ; 'ba ali o'bapi 'diyi pi, 'ba wura inzile inziri inzipi 'diyi pie, 'ba acipi saarᴜ 'diyi pie, agupi i ojapi okᴜle 'diyi pie, 'ba lapi agupi agyisi 'diyi pie, 10oguoᴜ pie, 'ba li 'bapi 'ba azi ma afasi 'diyi pie, 'ba ewani 'bele 'diyi pie, 'ba 'ba o'dapi 'diyi pie, 'ba 'ba azini ma afa pamvᴜ ripi nyapi okposi 'diyi pie, 'ba 'diyi dria ngani suru Munguni a'i yi ma afarᴜ kᴜ. 11'Ba azini emi eselia 'diyi ndra 'dinile. Te oji emi 'bo, 'ba emi alatararᴜ ra, la emi 'ba kililirᴜ Opi Yesu Kristo ma rusi, Mungu amaniri ma Orindi ma alia indi. 12Azita a'i afa dria ma dri ra 'bo, te afa dria 'yezᴜ funi dri onyirᴜ kᴜ. Azita a'i afa dria ma dri ra 'bo, te ma leni afa alᴜni ma okpo ma nde ma kᴜ. 13Nyakari 'ba ma aleni, 'ba ma aleri nyakani—te Munguni nga yi oja iri tro toko. Te rua 'bani ovᴜni ali 'bazani kᴜ, te Opini, azini Opi eri ruani. 14Te Mungu enga Opini 'bo, azini eri nga ama enga indi okpo inisi. 15Emi nini kini rᴜa emin i ovᴜ rᴜa esele Kristoni kᴜ ya? Ma nga vini Kristo ma rua esele 'du ojazᴜ okᴜ saarᴜ ma rua eselerᴜ ya? 'Dini kᴜ! 16Kani emi nini kini 'ba i ecipi okᴜ saarᴜ beri ofᴜ rua alᴜrᴜ eri be kᴜ ya? A'disikᴜ eri kini, Yi iri tro nga ofᴜ rua alᴜrᴜ. 17Te 'ba i ecipi Opi beri ofᴜ orindi alᴜrᴜ. 18Emi apa ali 'bazasi apa apa. Ezata azini dria 'bani ezale 'diyi ovᴜni yi ma rᴜaa kᴜ, yi amvelerᴜ; te 'ba ali 'bapiri i ma ngᴜlᴜpi ma rua eza. 19Kani emi nini kini rua emini ovᴜ hekalu Orindi Alatararᴜ ovᴜpi emi alia, emini a'ile Mungu dririni kᴜ ya? Emi ovᴜni afa emi ngᴜlᴜpinirᴜ kᴜ; 20a'disikᴜ je emi ajesi. Emi ma 'ba di ani Mungu dizarᴜ rᴜa emini ma alia.

will be added

X\