1 KORINTOA 5

1E'yo ku adarᴜ kini ali 'baza ovᴜ emi eselia indi, te ali 'baza 'dini 'dileri ovᴜni 'ba jmurᴜ ma eselia kᴜ; kini 'ba azini ovᴜ okᴜ i atini be. 2Te emi ovᴜ afᴜrᴜ! Emi ovᴜni candisi, 'ba e'yo 'diri 'yepiri nzezᴜ emi eselia ani ra 'dini kᴜ. 3Te ma'i, ada, mani ovᴜria emi eselia rua be yo ti, te ovᴜria emi be indi orindisi, ma li 'ba e'yo 'dini 'diri 'yepiri ma e'yo 'bo, ekile ma ovᴜ indirile. 4Opi amani Yesu ma rusi, emini emi okᴜria tualᴜ, de orindi mani indi, azini Opi amani Yesu Kristo ma okpo vini indi, 5emi ma fe 'ba 'dinileri Satani dri ruani dri jazᴜ, orindini ma nga i pa ani o'du Opi Yesuniri ma alia beni. 6Emini ovᴜzᴜ afᴜ beri ovᴜni onyirᴜ kᴜ. Emi nini kᴜ, akufi gakandiari fe mikate atiza alᴜni pizᴜ dria ya? 7Emi ma nze akufi okuri, eco emini ovᴜzarᴜ mikate atiza o'dirᴜ, ekile emini ovᴜle akᴜfi kokorᴜrile. A'disikᴜ ede edeta omu agaza 'ba drilesi amanirini 'bo, eri Kristo'i. 8E'yo 'dirisi ama ma 'ba omu nderi akufi okurisi kᴜ, kani akufi asi onzi pinisi e'yo onzi be 'dini kᴜ, te mikate akufi kokorᴜ e'yo lokiri kokorᴜ pinisi e'yo adarᴜ be. 9Ma si ndra e'yo emi vᴜ waraga mani ma alia kini emi ma eci emi ovᴜzᴜ 'ba ali o'bapi 'diyi be kᴜ; 10efini kini emi ma eci emi 'ba wudrikuru 'diria ali o'bapi 'diyi pi be alᴜani kᴜ 'dini kᴜ, kani 'ba li 'bapi 'ba azi ma afasi 'diyi pie, kani 'ba 'ba azi ma afa pamvᴜ ripi nyapi okposi 'diyi pie, kani 'ba wura inzile inziri inzipi 'diyi pie dria, kini emi ma eci emi yi be alᴜani kᴜ 'dini kᴜ ; ka adri 'dinile emi ma fᴜ angᴜ Wudrikuruarisi amve ka. 11Te ma si e'yo emi vᴜ kini 'ba omvele adripirᴜ ka adri 'ba ali o'bapirirᴜ, kani 'ba li 'bapi 'ba azi ma afasirirᴜ, kani 'ba wura inzile inziri inzipirirᴜ, kani 'ba 'ba o'dapirirᴜ, kani 'ba ewa mvᴜpirirᴜ, kani 'ba 'ba azi ma afa pamvᴜ ripirirᴜ—emi ma eci emi 'ba 'dinileri be kᴜ kpere nyaka nyaria indi. 12'Ba amvelerᴜ 'diyi ma e'yo lizᴜri ovᴜ e'yo mani ngoni ya? Emi lini 'ba kanisa ma alia 'diyi ma e'yo'i kᴜ ya? 13Te Munguni 'ba ovᴜpi amvelerᴜ 'diyi ma e'yo lini. Emi ma ofᴜ 'ba onzi 'yepiri emi eseliasi ra.

will be added

X\