1 KORINTOA 3

1Te ma'i, ma adripi, ma econi e'yo 'yozarᴜ emi tia ekile 'ba orindini 'diyi ma tiarile kᴜ, te ekile 'ba rᴜa ari be 'diyi ma tiarile, ekile odekᴜa Kristo ma alia 'diyi ma tiarile. 2Ma ezo emi lesusi, te nyaka okporᴜsi kᴜ, emini ecole nga kᴜrisi; kpere curu’do ti emi econi kᴜ, 3te emi ovᴜ nga 'ba ruani 'diyirᴜ 'dani. Emini nga ovᴜria ma'yala be agata gaza pie emi eseliaria, emi ovᴜni 'ba ruani 'diyirᴜ kᴜ ya, azini emi acini 'bani adrile acilerile kᴜ ya? 4De 'ba alᴜni 'yoria kini, Ma'i ma 'ba Pauloni, aziniri kini, Ma 'ba Apoloni, emi ovᴜni 'bani kᴜ ya? 5Ka'dini Apoloni a'di'i ya? Pauloni a'di'i ya? Yi 'ba 'ba aza kopi emini e'yo a'izᴜ geri yinisi 'diyi, te ekile Opini fele yi alᴜ alᴜ dririle. 6Ma ri ori ra, Apolo oya yi drinia, te Mungu fe zozanini. 7Ka'dini 'ba ori ripiri toko, 'ba yi oyapiri vini toko, te lᴜ Mungu zozani fepiri'i. 8Ka'dini 'ba ori ripiri pi 'ba yi oyapiri be yi tro tro, 'ba alᴜ alᴜ nga oya i vileri a'i azi ini vᴜsi. 9Te ama ovᴜ 'ba Munguni azi ngapi tualᴜ 'diyi ; emi ovᴜ amvu Munguni, azini jo Munguni sileri'i. 10Afa feza 'yeta anzutirirᴜ Munguni fele ma driri vᴜsi, ekile ondᴜoᴜ amborile ma 'ba jo etini ma'i, te 'ba azini eri jo si drinia. Te 'ba dria alᴜ alᴜ ma ovᴜ mile be, eri si ngoni ngoni yari ndrezᴜ. 11Te 'ba alᴜni econi jo eti andini 'bazarᴜ kᴜ, pe jo eti nde ovᴜpi 'bazarᴜ 'bori, 'di Yesu Kristo'i. 12Te 'ba azini ka mele si jo eti nde ma dria, kani dahabuni, kani oni silingi nyapi amborᴜ 'diyi, kani patini, kani aseni, kani 'dᴜ pani ti— 13'ba dria alᴜ alᴜ ma azini nga ovᴜ ecezarᴜ ra ; O'du nderi nga eri eceni, erini ngale i ecele acisirisi; te acini nga 'ba dria alᴜ alᴜ ma azi o'bi, e'yo-ni ngoni yari ecezᴜ. 14'Ba azini ma azi, erini sile driniari ka nga ace ci, eri nga ani oya a'i ra. 15'Ba azini ma azi ka nga ve ra, afa erini yi nga avi ra, te eri ma ngᴜlᴜpini nga i pa, te kiri geri aci ma aliarisi ra. 16Emi nini emi ovᴜ hekalu Munguni, azini Orindi Munguni ovᴜ emi alia kᴜ ya? 17'Ba azini ka hekalu Munguni dri ja ra, Munguni nga eri dri ja ra; hekalu Mungunirini ovᴜle alatararᴜrisi, hekalu 'diri bani emi'i. 18'Ba azini ma ici i kᴜ. 'Ba azini ka ega i ovᴜ 'ba ondᴜarᴜ emi eselia ewu 'dorisi, eri ma oja i azazarᴜ ka, eri ma nga ovᴜ ani ondᴜarᴜ beni. 19A'disikᴜ ondᴜa wudrikuru 'dirini ovᴜ azazani Mungu ma milia. Erini ovᴜle sizarᴜrisi kini, Eri 'ba 'ba ondᴜarᴜ 'diyi obipi lokiri yinisiri'i, 20azini dika kini, Opini asisile 'ba ondᴜarᴜ 'diyini ni ra kini yi ovᴜ toko. 21E'yo 'disi 'ba azini ma enya i e'yo 'banisi kᴜ. Te afa dria yi emini, 22kani Paulo'i, kani Apolo'i, kani Kefa'i, kani wudrikuruni, kani idrini, kani dratani, kani afa curu'do indi 'diyi, kani afa ngapi emupi ndo 'diyi, yi dria emini; 23te emi ovᴜ Kristoni ; azini Kristo eri Munguni.

will be added

X\