1 KORINTOA 2

1Te ma'i, ma adripi, mani emuria emi vᴜ, ma ecani ndra e'yo eti nzeza Munguni olᴜzᴜ emi tia e'yo 'yoza ndrizarᴜ tᴜ kani ondᴜa agapi tᴜrisi, 'dini kᴜ. 2A'disikᴜ ma ede ndra e'yo ma asia kini ma ngani e'yo azini ni emi eselia kᴜ pe Kristo bani yini dile pati rᴜaari'i. 3Te ma ovᴜ ndra emi eselia okpo kokorᴜ, uri be, azmi rᴜa yaza be tᴜ. 4E'yo mani 'yoleri pi e'yo olᴜza mani be, ovᴜni e'yo 'yoza 'ba obezᴜ ondᴜasiri be kᴜ, te e'yo eceza Orindinisi azini okponisi, 5a'ita emini ma so pa ani ondᴜa 'bani ma alia kᴜ te okpo Munguni ma alia. 6Te ti, ama adri e'yo ondᴜarᴜ 'yo ba mbapi e'yosi 'bo 'diyi ma eselia, te ovᴜni ondᴜa ewu 'doriniri'i kᴜ, kani 'ba 'ba dri cepi ewu 'dosi yi ojapi tokorᴜ 'diyiniri'i kᴜ, 7te ama adri ondᴜa Munguniri 'yo e'yo zizasi, ondᴜa ovᴜpi ndra zizarᴜ Munguni pele okokele de nga ewu azini 'diyini ovᴜria yoria diza amani ma e'yosiri'i. 8'Ba 'ba dri cepi ewu 'dosi 'diyi ma azi alᴜni nini ondᴜa 'diri kᴜ; a'disikᴜ ka ndra ni ra te'do dini ndra Opi dizaniri pati rᴜaa kᴜ. 9Te erini ovᴜle sizarᴜrile, Afa mileni ndrele kᴜ, azini bileni erile kᴜ, azini fipi 'ba asia kᴜ, afa nde Munguni edele 'ba eri lepi avasi 'diyi dri 'diyi, 10Mungu ece yi ama dri Orindisi ra. Orindini e'yo dria ma eti ndru, ka adri e'yo Munguni alirᴜ 'diyi ti. 11Te 'ba eselia, e'yo 'bani nipi rari a'di'i ya; eri kiri orindi 'ba ndeni ovᴜpi eri ma aliari'i kᴜ ya? 'Dinile indi 'ba alᴜni vani e'yo Munguni kᴜ, pe kiri Orindi Munguniri'i. 12Te ama a'ini orindi nyakuniri kᴜ, te Orindi engapi Mungu vᴜri'i, ama ma ni ani afa Munguni fele ama dri avasi 'diyi beni. 13Ama e'yo nde 'diyi 'yo e'yo 'yoza ondᴜa 'banini imbaleni 'diyisi kᴜ, te Orindini imbaleni 'diyisi, e'yo orindini o'bizᴜ e'yo orindini be. 14Te 'ba ovᴜpi kiri orindi 'bani be'iri a'ini Orindi Munguniri ma e'yo kᴜ, yini ovᴜle e'yo azazarᴜ eri ma miliarisi; te econi erini yi nizarᴜ kᴜ, yini ovᴜle vazarᴜ orindisirisi. 15Te 'ba orindiniri adri e'yo dria va ra, te 'ba alᴜni vani agu nderi ma e'yo kᴜ. 16Te a'di ni asisile Opini, erini ani eri imbazᴜni ya? Te ama ovᴜ asisile Kristoni be.

will be added

X\