1 KORINTOA 1

1Paulo omvele 'ba ti pele Yesu Kristonirirᴜ e'yo Munguni lele-nirisiri, adripi Sositene be, 2Kanisa Munguni ovᴜpi Korinto-ari vᴜ, 'ba 'bale alatararᴜ Kristo Yesu ma alia, omvele ovᴜzᴜ 'ba alatararᴜ 'diyi, azini 'ba dria ru Opi amani Yesu Kristoni omvepi pari dri dria 'diyi vᴜ indi, eri Opi yini azini amani. 3'Yeta anzutiri pi ma ovᴜ emi vᴜ asi anzurᴜ be engazᴜ Mungu Ata amani pi vᴜ Opi Yesu Kristo be. 4Ma awa'difo fe Mungu mani dri emisi o'du dria, 'yeta anzutiri Munguni ovᴜpi fezarᴜ emi dri Yesu Kristo ma aliarisi, 5emini ovᴜle afa e'irᴜ eri ma aliarisi, e'yo 'yoza dria pisi nita dria be— 6ekile e'yo eti nzeza Kristonirini ecale okporᴜ emi aliarile— 7'dini emi eceni afa feza azinisi alᴜni kᴜ, emini e'data Opi amani Yesu Kristoni i e'dazᴜri teria ; 8eri'i, eri nga emi 'ba okporᴜ kpere asizaniria asᴜ sᴜza kokorᴜ o'du Opi amani Yesu Kristoniri ma alia. 9Mungu emi omvepi fizᴜ ti ecita Mvi ini Yesu Kristo Opi amaniri beri ma aliari ovᴜ adarᴜ. 10Te ma matᴜ 'ba emi vᴜ, ma adripi, ru Opi amani Yesu Kristoni-risi, emi dria ma 'yo e'yo alᴜ, azini emi ma ovᴜ esele coza be emi eselia kᴜ, te emi ma eci emi tualᴜ kilili asisile alᴜsi, egata alᴜsi indi. 11'Ba Kiloeni ece e'yo emini ma dri, ma adripi, kini agata gaza ovᴜ emi eselia. 12Ma 'yo 'dini, efini emi dria alᴜ alᴜ 'yo kini, Ma'i ma 'ba Pauloni, te Ma'i ma 'ba Apoloni, te Ma'i ma 'ba Kefani, te Ma'i ma 'ba Kristoni. 13Awa Kristo ma esele ndᴜ ndᴜ ya? Di Pauloni pati ruaa emisi ra ya? Emi bi baputizi Paulo ma rusi ra ya? 14Ma awa'difo fe Mungu dri mani baputizi fele 'ba alᴜni emi eseliari dri kᴜrisi, pe Kirisipo pi dri Gayo be; 15'ba alᴜni kazᴜ 'yozᴜ emi a'i baputizi ma rusi 'dini kᴜ beni. 16(Te ma fe baputizi 'ba Setefana vile joa 'diyi dri indi. Te ma nini kᴜ kani ma fe baputizi 'ba azini dri ra yani.) 17A'disikᴜ Kristo eri peni ma ti baputizi fezᴜ kᴜ te e'yo bari olᴜzᴜ'i, ondᴜa e'yo 'yozanisi kᴜ, pati alaza Kristoniri kazᴜ ecazᴜ tokorᴜ kᴜ. 18A'disikᴜ 'ba dri japi ra 'diyi dri e'yo olᴜza pati alazarᴜrini olᴜzᴜri ovᴜ ekile e'yo azazarᴜle, te ama 'ba yi opapi ra 'diyi dri eri ovᴜ okpo Munguniri'i. 19Te eri ovᴜ sizarᴜ, Ma nga ondᴜa 'ba ondᴜarᴜ 'diyini dri ja, ma nga e'yo vaza 'ba e'yo vapi 'diyini 'ba tokorᴜ. 20'Ba ondᴜarᴜri ngoa ya? 'Ba e'yo siza nipi rari ngoa ya? 'Ba agata gapi ewu 'dorisiri ngoa ya? Mungu ojani ondᴜa nyaku 'doriniri azazarᴜ kᴜ ya? 21Te ondᴜa Mungu vilerisi 'ba wudrikurua 'diyi nini Mungu ondᴜa yinirisi kᴜ, e'yo 'disi eri ovᴜ onyirᴜ Mungu ma milia 'ba e'yo a'ipi 'diyi opazᴜ geri azaza e'yo olᴜzanirisi. 22A'disikᴜ 'ba Yahudini yi eceta ndru, 'ba Girikini yi ondᴜa nda, 23te ama amani Kristo dile pati ruaari ma e'yo olᴜ, 'diri 'ba Yahudini dri ekile kᴜmᴜle 'ba pa sizᴜ, te 'ba jururᴜ 'diyi dri eri e'yo azazani, 24te 'ba ovᴜpi omvezarᴜ, 'ba Yahudini ma eselia 'ba Girikini be iri tro 'diyi dri, eri Kristo okpo Munguniri, azini ondᴜa Munguniri'i. 25A'disikᴜ e'yo azazarᴜ Munguniri aga ondᴜa 'baniri ra, azini okpoako Munguniri aga okpo 'baniri ra. 26Te emi ndre omveta emini, ma adripi; omveni 'ba ondᴜarᴜ ruasi 'diyi kakaᴜ kᴜ, kani 'ba okpo be kakaᴜ kᴜ, kani 'ba osile opianzirᴜ 'diyi kakaᴜ kᴜ; 27te Mungu ope afa azazarᴜ wudrikurᴜa 'diyi ra drinza fezᴜ ani 'ba ondᴜarᴜ 'diyi dri ; Mungu ope afa okpo kokorᴜ wudri-kurua 'diyi ra, drinza fezᴜ afa okporᴜ 'diyi dri, 28te Mungu ope afa toko toko wudrikurua 'diyi pi afa ngule onzi 'diyi be, ada ope afa ovᴜpi yo 'diyi, afa ovᴜpi indi 'diyi ojazᴜ ani tokorᴜ beni, 29'dini 'ba rua ari be 'diyi ma alᴜni ma enya i Mungu ma milia kᴜ. 30Te emi ovᴜ erisi Kristo Yesu ma alia, eri ovᴜ ndra 'bazarᴜ ama dri ondᴜa ibipi engapi Mungu vᴜrirᴜ, azini laza kililirᴜrirᴜ, 'baza alatararᴜrirᴜ, azini vini 'ba onzezᴜ-rirᴜ; 31'dinile ekile erini ovᴜle sizarᴜrile kini, 'Ba i enyapiri ma enya i Opi ma e'yosini.

will be added

X\