ROMAƑUƆ 14

1Bigyingya enu na bɛƒɔ bina bakpana bani bɔƒɔtaadi nátayu tɔ ɔkplu. Bitakyaku-ma unyeƒi na ala ani lɛlɔ na amii ku-ma kasusu kátabla kenwi lɛlɔ. 2Ukyuli ɔdi nwuna bɔƒɔtaadi buute-nwu kuƒi ka ɔdi adila biala. Nsu ɔbambadi ɔni na nwuna bɔƒɔtaadi buuubo tɔ ɔkplu ni, adila ani kemo na bátakya lɛna kani na ɔɔdi. 3Na ukyuli ɔni mɔɔdi lɛla biala mɛni ni, utanu ɔnwani ɔni mɔɔdi ala aƒunadi ka ɔ́sɔ. Na ukyuli ɔni mɔɔdi ala aƒunadi lɛnɔ utadu ɔni mɔɔdi lɛla biala kɔtɔ. Ɔsika Katɔti ɔ́ƒɔ anwu lɛnɔ. 4Kenyekɔ kamani na ebo na aatɛku ukyuli ɔdi kabla ɔblane litemi? Nwuna unwoti ɔlati ndubɔnu bɔti si unye ute-nwu kpakplaa iye uuunye. Na kabla ɔblane ɔmmɔ lɛnɔ ɔdubunye kpakplaa, ɔsika Blɔti ɔdubɔkana na ɔya na unye ute-nwu kpakplaa. 5Ukyuli ɔdi ɔɔbu limeyi lɛdi ka lise kedee litulo lɛbambadi. Na ɔdi lɛnɔ ɔɔnu emeyi ƒui ka ese unwi. Lɛla lɛni kani námanku ndi ka ɔdi biala ɔƒɔ lɛla lɛni na ɔɔbla ɔdi kaduɛ. 6Ukyuli ɔni mɔɔbu limeyi lɛdi ni, Blɔti na uute ɔbu. Na ukyuli ɔni na adila adi lɛnɔ na ɔɔdi ni, Blɔti na uute ɔbu, ɔsika ɔ́gya Katɔti enu na ana lili. Na ukyuli ɔni néni na uládi adila adi lɛnɔ ni, ɔɔbla lɛni teeti taabu Blɔti. Na ɔɔgyá Katɔti enu. 7Bula akɔ ɔdi uuulie ngba uuute nwuna lɛlɔ. Na lɛni kani na bula akɔ ɔdi lɛnɔ ulekpi ulete lɛlɔ. 8Si buli ngba ni, bulie bute Blɔti. Na si búkpi lɛnɔ ni, búkpi búte Blɔti. Anwuɔsu si buli o-o iye búkpi o-o ni, Blɔti ɔdi kani na bɔdi. 9Ɔsika ɔmɛni ɔsu geen na Kristo úkpi na ɔ́sɔ ɔ́ta úbo uli ngba kalɛ na unwini Blɔti ute bekpine ku bayawine ƒui. 10Bi ɔsu na aadú ƒ^ɔnwani kɔtɔ? Iye ni, bi ɔsu na aanu ƒ^ɔnwani aani si ɔ́sɔ? Bula ƒui bɔdubunye Katɔti lɛgaboku lɛmmɔ anumi na ɔtɛku-bu litemi. 11Ɔsika bénweni banii, “Blɔti ɔnini, 'Ka lɛnya nli ngba mɛni ni, mɔɔsu-mii kpakplaa ka ɔdi biala ɔdubɔlɛ-mi akɔnkɔ kalɔ. Na ukyuli biala ɔdubɔkɔliku Katɔti lɛnyi katɔ.' ” 12Anwuɔsu ni, bula akɔ ɔdi biala ɔdubɔbu nwuna ngba nkunta bute Katɔti. 13Ɔmmɔ ɔsu bɛya na bɔda lɛlɔ kɔtɔ bɔdu bɔya. Mmomu bɛlɛ ugyii ka bɛɛɛdubo lɛla lɛdi bɔbla na lɛbala ɔdi bɔƒɔtaadi ulu na wetulo na weduo likpidi kemo. 14Ka nliku Blɔti Yesu ɔsu ni, ngyi geen na mina kayi kemo ka adila adi eeebo na eesé lɛlɔ na anya alati udu kemo. Nsu si ɔdi ɔ́nu lɛla lɛdi aani lɛla lɛni muusé lɛlɔ ni, lɛla lɛmmɔ lɛdubuse-nwu lɛlɔ. 15Si aadi lɛla lɛdi na agyi ka liikpóku ƒula ukyulikpana ni, ɔɔɔdi bɔyɔ na eedie taatina-nwu. Taya na lɛla lɛni na aadi libile ƒula ukyulikpana bɔƒɔtaadi, ɔsika Kristo úkpi na anwu lɛnɔ lili. 16Na lɛla lɛni na awɔ aanu ka lɛdia ni, taya na ala ammɔ eti unyeƒi ákya Katɔti badi akɔ. 17Ɔsika Katɔ Ɔga Ɔma ni, ɔɔɔdanku bɔdi ku bɔni. Mmomu ɔdanku lɛlɔ bɔbla siin ku keyi buɛɛ ku lɛlɔyɔ na Katɔti Kɔyu kemo. 18Ɔsika ukyuli ɔni mɔɔbla Kristo kabla na ulu ɔmɛni lɛlɔ ni, ɔɔyɔ́ Katɔti kaƒɔ na bekyuli lɛnɔ baabu-nwu. 19Anwuɔsu bɛya na bɔkya ɔkplu biala na bɔbla lɛla lɛni muuboku bekyuli keyi buɛɛ na lɛɛyá na bekyuli baalɛ́ lili na kɔyu kemo. 20Bitebile Katɔti kabla na adila ɔsu. Lɛdila biala lise sɛɛn, nsu ɔɔɔdia si lɛla lɛni na aadi lɛdubɔya na ukyuli ɔdi utulo na ubuli uduo ɔgbankpi kemo. 21Si alákun lɛna iye alani ntɛ iye alábla lɛla lɛni maya na ƒ^ɔnwani weduo ɔgbankpi kemo ni, ɔdia. 22Anwuɔsu si lɛla lɛni na áƒɔ ádi na ala amɛni lɛlɔ ni, ya na asɔ akya awɔ ku Katɔti ntɛ kani. Lɛlɔ lɛdubɔyɔ ukyuli ɔni na nwuna kayi kaladu-nwu kɔtɔ na lɛla lɛni na ɔɔnu ka lɛdia lɛlɔ. 23Nsu si ukyuli ɔdi ɔɔdi lɛla lɛdi na nwuna kayi kalátunaku-nwu ni, báadu-nwu kɔtɔ kukuuku, ɔsika uládi lɛla lɛmmɔ na bɔƒɔtaadi kemo. Na lɛla biala na ukyuli ɔɔbla na ɔɔɔkɛnku bɔƒɔtaadi lɛlɔ ni, ɔdi-nwu likpidi.

will be added

X\