YAKOBO 5

1Ɔƒɛni ni, amii balakɛne, biteewulo geen na lɛbibo lɛni ndubo-mii lɛlɔ ɔsu. 2Bina akɛla adubutili na ayii udu. Na bina adala lɛnɔ kubweyi kɔdububile-nya. 3Bina sika ugyiedi ku ɔƒualadi ɔni na bibo ni, ɔdubo bɔnyi bukpi. Na ɔmmɔ ndubudie-mii ute na Katɔti Litemi Bɔtɛ Limeyi lɛmmɔ lɛlɔ. Na ala ani nétili mmɔ adubɔkun buduo-mii ɔlɔna kemo aani kalɛ na ogya ɔɔkyula ukyuli. Na bɛ́ɛtɛ-nya bíse bíte lɛlɔ na bina uwi ukplodi ɔmɛni kemo. 4Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ. 5Ngba bɔni na bílie na kayawi mɛni ni, bɛ́kɛ kayawi kamɛni kemo ebiti ku lɛlɔyɔ biala. Na bílie lɛmwi kalɛ na badu-mii na Litemi Bɔtɛ Limeyi lɛmmɔ lɛlɔ. 6Bɛ́du bekyuli bani na bátaƒiɔ-mii kɔtɔ. Na bɛ́du-ma ina ka bátata bétenye-mii lɛlɔ. 7Banwa, kalɛ na umonsene ɔɔkɛ́ kayi teete kaƒendi ɔnantu ku ketudi ɔnantu ute nwuna edula ani na ɔ́va bɔdia ɔsu ni, lɛni kani na ɔlɛka bɛkɛ kayi utédu uwi ɔni na Blɔti wasɔ webo. 8Anwuɔsu amii lɛnɔ bɛkɛ kayi. Na enu ataƒɛ-mii, ɔsika Blɔti bɔsɔ bubo bɔmmɔ búude. 9Banwa, bitadɔnku lɛlɔ, kalɛ na Katɔti lɛnɔ ulatɛku-mii litemi. Ɔsika Litemi Ɔtɛne ɔmmɔ úude na ɔ́ɔklibi lɛlɔ ka ɔda ɔlɛ. 10Mina banwa, bɛnu Katɔti kenye bediene bani násu Katɔti litemi buni ku kalɛ bákɛ kayi na bénye bébo abi biala. Bɛnu-ma bɛtɛya. 11Bɔɔlɔ-ma bekyuli bani lɛlɔ lɛ́yɔ-ma ka bénye lɛbibo biala kenye ɔsu. Bínu kalɛ na Hiob ɔ́kɛ kayi ku kalɛ na Katɔti ɔ́ƒɔ-nwu kayu na kawɔlɔkɔ. Ɔsika Blɔti ubo kaƒɔ buni na ɔɔnu kɔnyana. 12Mina banwani, ɔmɛni ndi lɛla lɛni náƒɔ kuye lítulo. Bitakpali ala na bɛlɔ katɔ iye kalɔ iye lɛla lɛdi biala. Bɛya na bina ɛɛn ɔbla ɛɛn, na bina oowo ɔbla oowo. Na si bɛɛbla lɛni ni, Katɔti ɔɔɔdubo-mii kɔtɔ bɔdu. 13Si bina ɔdi ɔkya lɛbibo kemo ni, ɔlɛka ɔkpali Katɔti na ɔdububunku-nwu. Na si lɛlɔ mɔɔyɔ́ ɔdi lɛnɔ ni, utaatu lɛnu teemwi Katɔti. 14Na si bina kemo ɔdi uuƒi ni, ɔtala na balɔ baƒɔtaadine benengu na bebo babakpali katɔ bete-nwu na bawɛɛ-nwu inɔmii na Blɔti lɛnyi kemo. 15Na si baƒɔtaadine bammɔ bákpali Katɔti na bɔƒɔtaadi kemo ni, ɔlɛne ɔmmɔ ɔlɛ ɔdubɔba-nwu na ɔkɛ ɔlɔkplu. Na si ɔ́bla likpidi lɛdi ni, Katɔti ɔdubuti ɔkyiɛ-nwu. 16Anwuɔsu bidie bina alaekpidi ani na bɛ́bla kalɔ bite lɛlɔ. Na bitaakpali katɔ teete lɛlɔ kalɛ na Katɔti wabwi-mii lɛlɛ lɛni na biiƒi. Ukyuli ɔni nse sɛɛn ni, nwuna katɔ bɔkpali bubo ɔyikun geen. 17Elia úse kalɛ kani na abu lɛnɔ buse. Ɔ́kpali Katɔti kpakplaa na ɔ́su-nwu ɔnii utaya na ɔnantu ɔna. Na sɔsɔ ni, ɔnantu útana útewi kalɔ akwa átɛ ku abuli aku. 18Uwi ɔni na ɔ́sɔ ɔ́kpali Katɔ úye ɔnantu ni, ɔ́sɔ úse kalɔ ɔɔna na edula ásɔ ébo. 19- 20Mina banwa, si bina akɔ ɔdi údeyi bɔƒɔtaadi ulu geen ɔmmɔ lɛlɔ na ɔkpanadi ɔ́sɔku-nwu úboku ni, ɔ́ya na ukyuli ukpidi ɔmmɔ kɔyu kɔ́lɛ kukpi kemo. Na Katɔti ɔdubuti ekpidi pii ɔkyiɛ-nwu.

will be added

X\