HEBRIƑUƆ 2

1Ɔmɛni ɔsu na ɔdi ka bɔbla bɔsiaku ala ani na búnu lɛlɔ kaduɛ na bɔda-nya kpakplaa kalɛ na bulayii ulu geen ɔmmɔ. 2Na ɔƒɛni ni, si kenye kani na Katɔti batu básu bula bati kuuku kábala-ma na Katɔti ɔ́ni ɔdi biala kɔtu kɔni námanku si báƒiɔ ni, 3dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa. 4Katɔti ɔlati lɛnɔ údie ɔ́tina-bu nwaa ka litemi lɛmɛni lɛdi litemi geen ɔkɛnku akɔla budie taatina lidu lidu ku Katɔti Kɔyu etela lidu lɛni na úle ɔ́kya bekyuli kemo na nwuna bɔyɔ kenye. 5Ɔɔɔdi Katɔti batu na Katɔti ɔ́su ka badubɔdi kayawi kani litemi na bɔɔsu ka kadububo mɛni lɛlɔ. 6Nsu likpo lɛdi lɛkya na Bunweni Kedee Ɔku kemo na básu Katɔti banii, “Bi na ukyuli ɔdi, ɔsu na aasia-nwu anu lɛni? Na bi na Ukyuli Ɔyawine Ubi ɔdi, ɔsu na aanu-nwu lɛlɔ lɛni? 7Na áya na úbo úbenye kenyekɔ kani náyu kalɔ blii kétulo Katɔti batu bammɔ kadi. Na áya na uukeye na bekyuli baabu-nwu. 8Na éti lɛla biala ákya-nwu kalɔ.” Ka Katɔti úti lɛla biala ɔ́kya-nwu kalɔ ɔsu ni, lɛla lɛdi lɛsɔ liiibo na lɛɛɛkya-nwu kalɔ. Nsu ɔƒɛni ni, bulánu taati si lɛla biala lɛkya-nwu kalɔ. 9Nsu bɔɔnu Yesu ɔni na úbenye kenyekɔ kani náyu kalɔ blii kétulo batu bammɔ kadi ka uukeye na bekyuli baabu-nwu ɔƒɛni, ɔsika úbo kukpi abi. Na Katɔti úte-nwu ɔyikun ka ukpi na bekyuli ƒui lili. 10Ɔdi lɛla lɛni na Katɔti ɔni nédie ala ƒui na ɔɔnu-nya lɛlɔ ɔ́nu ka lɛdia ka ukyuli ɔni mɔɔtɔnku bekyuli pii teeduoku bukeye kemo ni, ɔka abi bubo kalɛ na ɔwɔlɔ nwuna kabla na ɔƒɔ-ma. 11Anwu ɔni nábla bekyuli kedee ku bekyuli bani na ɔ́bla kedee ƒui ni, badi bekyuli benwi. Ɔmɛni ɔsu na kɔƒa kulekpo Yesu ka ɔlɔ-ma ɔnii banwa. 12Ɔɔsu Katɔti ɔnini, “Ndububo ƒula lɛnyi kudu bubo bute mina banwa. Na ndubumwi-ɔ lɛnyi kedee na baƒɔtaadine lɛkpa ƒui anumi.” 13Na ɔɔsu lɛnɔ ɔnini, “Ndubuti mina anu ƒui lɛsia Katɔti lɛlɔ.” Na ɔsɔ ɔɔsu ɔnini, “Aanu ami ku bebi bani ƒui na Katɔti úti úte-mi.” 14Ka bekyuli bamɛni badi ɔlɔna ku ubugya ɔsu ni, anwu lɛnɔ úti ukyuli udu kalɛ na ɔkɛnku nwuna kukpi lɛlɔ ni, na wadi ukyuli ɔni nda kukpi ɔyikun lɛlɔ. Na ukyuli ɔmɛni ndi ukisine ɔmmɔ. 15Na ɔkɛnku ɔmɛni lɛlɔ na udie bani ƒui na kukpi liƒu líbo-ma lɛkpu líse bana ngba ƒui kemo. 16Ɔsika geen ni, ɔɔɔdi Katɔti batu na uubunku, mmomu Abraham kaba kemo bebi. 17Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma. 18Na ka ala lidu lidu ékpoku anwu ɔlati na úbo abi ni, ɔɔkana na uubunku bekyuli bani ƒui na ala ammɔ eekpóku.

will be added

X\