EƑESOƑUƆ 3

1Ɔmɛni ɔsu ni, ami Paulo ɔni ntɛ aban ɔtɔ ka mɔɔbla Kristo Yesu kabla na bina lili ɔsu ni, 2lɛ́ƒɔ lɛ́di ka bínu ka Katɔti úti kabla kamɛni ɔ́kya-mi lɛkɔkɔ ka lɛbla na bina akɔ na nwuna lɛƒɔndia lɛni na ubo ute-mii ɔsu. 3Línweni ɔku klukui ɔdi límene-mii ɔ́siku kalɛ na Katɔti údie nwuna ala ani nábɛ ukyuli ɔ́tina-mi. 4Na si bɛ́ka-nwu ni, bɛdubɔnu kalɛ na muunú Kristo abɛla amɛni kalɔ. 5Kuuku ni, ɔyawine ɔdi ɔɔɔgyi abɛla amɛni. Nsu ɔƒɛni kani ni, Katɔti ɔ́ya na nwuna Kɔyu kúdie ala amɛni keyi ɔ́tina nwuna batalane ku kenye bediene kedee. 6Na lɛbɛla lɛmmɔ ndi ka bani naaadi Yudaƒuɔ lɛnɔ benwini Katɔti ala badine aani bekyuli bani na ɔ́ƒuna kalɛ na babla ɔlɔna ɔmmɔ kakɛ kadi. Na ɔkɛnku Kristo Yesu lɛlɔ ni, badubɔkɛ ala ani na Katɔti ɔ́su nwuna bekyuli úse. 7Katɔti ɔ́bla-mi nwuna litemi buni lɛmɛni kabla ɔblane ɔkɛnku litela lɛni na úti úte-mi ɔ́siaku nwuna ɔyikun lɛlɔ. 8Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ. 9Na lɛya bekyuli bati kalɛ na Katɔti abɛla ammɔ ani na anwu ɔni nédie ala ƒui úti ɔ́bɛla bekyuli uwi ɔni návi kemo adubo kabla bɔbla na bekyuli akɔ. 10Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ. 11Na ala amɛni ƒui akɛnku kalɛ na Katɔti ɔlati ɔ́su úse ka ɔbla ɔsiaku Blɔti Yesu Kristo lɛlɔ ɔ́si kalɔ kesekɔ. 12Ɔmɛni ɔsu na bunye kpakplaa na búti bula kayi ƒui bɔ́sia-nwu lɛlɔ ka si bɔ́blaku-nwu unwi na bɔ́ƒɔ-nwu bɔ́di ni, na bɔkɛ ulu ƒaa na bɔda bɔlɛ Katɔti anumi ku kayi buse. 13Anwuɔsu ni, enu ataƒɛ-mii ka muubó abi lɛni na amii ɔsu. Amii ndubɔkɛ lɛbibo lɛmmɔ kɔsia. 14Ɔmɛni ɔsu mɔɔlɛ akɔnkɔ teevele Katɔti. 15Anwu mɔɔyá na lɛla biala lɛni nkya katɔ ku kalɔ ƒui libo lɛnyi na nina udu kenye. 16Muuvele Katɔti na nwuna lɛƒɔndia bukeye pii kemo nnii ɔkya-mii ɔkplu na nwuna Kɔyu kute-mii ɔyikun na bina kayi kemo. 17Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni, 18amii ku Katɔti baƒɔtaadine ƒui bɛdubɔti kalɛ na Kristo bɔyɔ bɔ́bɛbɛ na búne ku kalɛ na bɔ́kuku na bɔgyu lɛnɔ. 19Na bɛnu Kristo bɔyɔ bonwu bɔni kalɔ na ukyuli ulakana bunu bɔwɔlɔ mɛni bɛti na Katɔti ɔƒɔ bina ƒui lɛlɔ kemo aani kalɛ kani na anwu ɔlati use. 20Bimwi Katɔti ɔni nda nwuna ɔyikun ɔɔbla kabla teetulo kalɛ na buuvele iye bɔɔkali muedi. 21Bimwi-nwu na baƒɔtaadine akɔ ɔkɛnku Kristo Yesu lɛlɔ na kadi bekyuli ƒui akɔ ɔ́si ɔƒɛni úsela uwi ƒui. Ɔsia lɛni.

will be added

X\