2 TESALONIKAƑUƆ 1

1Ami Paulo ku Silvano ku Timoteo búnweni ɔku ɔmɛni buute amii bani ndi bula Unwoti Katɔti ku Blɔti Yesu Kristo badi na Tesalonika. 2Na buuvele bɔnii bɛkɛ Unwoti Katɔti ku Blɔti Yesu Kristo keyi buɛɛ ku lɛƒɔndia. 3Banwa, bɔda Katɔti enugya kayu uwi ƒui na amii ɔsu. Na ɔdia ka butaaƒɔ-ka, ɔsika bina bɔƒɔtaadi bɔɔkɔ́ katɔ, na bina lɛlɔ bɔyɔ lɛnɔ buusié anumi teebu ɔsu. Ɔmɛni ɔsu na bɔɔlɔ-mii lɛnyi buni na Katɔti baƒɔtaadine akɔ. 4Na bɔɔtalaku bina lɛnyi katɔ ɔsika binye bina bɔƒɔtaadi lɛlɔ kpakplaa na bɛɛkya ɔkplu ina ka beekpóku-mii na biibó abi. 5Ɔmɛni ɔɔtina-bu ka Katɔti ɔɔtɛ litemi siin. Na ɔdubute-mii keliekɔ na nwuna lɛga kadikɔ kani ɔsu na biibó abi. 6Katɔti ɔdubɔtɛ litemi na ulu lɛlɔ. Na ɔdubɔni bani muukpóku-mii ƒui kɔtu. 7Na ɔdubɔya na abu ku amii bani ƒui muubó abi bɔkɛ bɔnwuna. Katɔti ɔdubɔbla ala amɛni uwi ɔni na Blɔti Yesu ku Katɔti batu badubɔda bɔlɛ kayaa na ɔyikun kemo ku ogya. 8Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemo. 9Lɛni na Blɔti ɔdubɔgya-ma ɔlɛku nwuna anumi. Na balanu nwuna bukeye ku ɔyikun. Na ɔdubɔyila-ma ku udu. 10Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di. 11Ɔmɛni ɔsu na bɔɔkpali katɔ na bina lili uwi ndi uwi. Na buuvele bula Katɔti bɔnii bina ɔbladu ɔmanku bɔlɔ bɔni na ɔ́lɔ-mii. Na nwuna ɔyikun ubunku-mii na ɔkya bina kasusu buni biala ogya kalɛ na lɛla biala lɛni na bɛdubɔbla na anwu ɔsu lɛtɛ. 12Buuvele ala amɛni teete-mii kalɛ na bakɔliku Blɔti Yesu Kristo lɛnyi katɔ na amii ɔsu. Na anwu lɛnɔ wakɔliku-mii lɛnyi katɔ na anwu ku Katɔti lɛƒɔndia ɔsu.

will be added

X\