2 PETRO 2

1Kalɛ na ɔkɔ kenye bediene bákya uwi ɔni návi ni, lɛni kani na ɔkɔ ala batinane bammɔ udu badubɔkya-mii akɔ. Badubo ɔkɔ bɔnyi bɔtina ala na ulu ɔni lɛlɔ na ɔdi ka bekyuli basia bada bana ngba lɛlɔ. Nsu ɔmmɔ ɔdubɔya na bekyuli bayii. Na badubuni ala ƒui lɛlɔ ɔdine Blɔti ɔni nédie-ma ɔ́lɛku bana ekpidi kemo. Na ɔmmɔ ndubɔyila-ma udu. 2Baƒɔtaadine pii lɛnɔ badubɔbla ala ekpidi ani na ɔkɔ ala batinane bamɛni baabla. Na si bani nátaƒɔ bátadi bánu lɛla lɛni baƒɔtaadine bamɛni baabla ni, ama lɛnɔ badubɔtɛmi enyekpi na Kristo bɔƒɔtaadi lɛlɔ. 3Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa. 4Katɔti útenye útanu batu bani náƒiɔ-nwu. Mmomu úbo-ma útákya abi kebokɔ. Na ɔ́ya na bébo-ma kɔgba bákya kasuudikɔ mmɔ wetédu limeyi lɛni na ɔdubɔtɛku-ma litemi. 5Lɛni kani na ɔ́bla bekyuli bani nákya kukuuku lɛnɔ. Nsu Noa ɔni násu bekyuli kalɛ na Katɔti ɔɔwia ka bekyuli belie ngba ku nwuna badi maatɛ kani na údie. Na ntu bɔ́ƒɔ kayawi ƒui na bɔ́nyina bekyuli bakladi na békpi. 6Na Sodom ku Gomora lɛnɔ ni, Katɔti ɔ́du-ma kɔtɔ na ɔ́kyula-ma ku ogya úti-ma ɔ́tina-bu na bɔnu bɔtɛya lɛla lɛni ndubo bekyuli bani naaabu Katɔti lɛlɔ. 7Katɔti údie Lot ɔni nse siin, ɔsika ngba bukpidi ku lɛyalɛ ala ani na bekyuli bammɔ baabla áda-nwu ɔƒɛ. 8Bana ala ekpidi ani na bataabla na ukyuli ɔbuni ɔmɛni útaanu uwi ɔni na ɔ́kya-ma akɔ ƒui ni, átaada-nwu ɔƒɛ geen. 9Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ. 10Na bani geen na ɔdubɔni kɔtu utulo ndi bani na ɔlɔna ala aada-ma ɔkwɛ na balábu Katɔti munu munu. Bekyuli bamɛni ni, beesé kayi kekpidi muedi teedumi kayaa bayikune. 11Nsu Katɔti batu muedi bani mbo ɔyikun ku ɔkplu betulo bekyuli bamɛni ni, balakana Katɔti anumi bunye na bedumi kayaa bayikune bamɛni. 12Nsu bekyuli bamɛni udu ni, baabla ala aani kalɛ na bebuo bani nnye nte ka beƒie-ma badu bese. Lɛlɔ kemo kani na beenú ala kɔku taati. Bekyuli bamɛni baata teenye taatɛmi enyekpi na lɛla biala lɛni na bétenu kalɔ lɛlɔ. Na Katɔti ɔdubɔyila-ma udu aani kalɛ baadú beƒiebuo teevaakun. 13Katɔti ɔdubɔya na bebo abi aani kalɛ na ama báya na bekyuli bébo abi kalɛ. Bana ebiti ndi ka badi lɛla biala ɔdivo ku ɔƒiiwi nwaa muedi. Ɔdi kɔƒa litemi ka basalaku-mii si bɛɛdi. Na bana ɔkɔ ala kani mɔɔda-ma kubiti. 14Lɛsɔnɔdi lɛ́ƒɔ-ma anu ƒui, na likpidi ala ɔkwɛ uláda-ma bɔda taaya kudii. Baatɔ́lɔ bekyuli bani bɔƒɔtaadi nátayu tɔ ɔkplu. Na baabla ekpidi. Na ama alati bébimi bana kaƒɔ bése ka beteemu ala taadi. Katɔti úwida bekyuli bamɛni geen. 15Bédeyi bɔƒɔtaadi ulu ɔmmɔ ƒui, na báyii ulu. Basiaku Boer ubidi Bileam ɔbladu kama ɔni mɔɔbla ala ekpidi teeti taakɛ egulabi. 16Ɔmmɔ ɔsu Katɔti ɔ́dɔnku Bileam na nwuna likpidi lɛmmɔ ɔsu. Nwuna ebuo ɔni muuti-nwu ala útemiku-nwu ukyuli butemi na ɔ́bala-nwu ɔnii ɔda adɔlɔla ammɔ ɔya. 17Bekyuli bamɛni bese aani abiɔ ani nákwi, iye uyɔlɔ ɔni na ɔƒɛƒɛɛ ɔda ɔɔvínku. Ama na Katɔti ɔ́da kesii kani nse suu mmɔ úse. 18Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya. 19Ɔkɔ ala batinane bamɛni beesé kenye ka badubɔbla bana kama basiakune na bakɛ bɔnwuna uwi ɔni na ama alati bénwini kabla bablane béte ekpidi ani ndubo-ma bɔkyula. Ɔsika ukyuli ɔdi kabla ɔblane ute lɛla lɛni nádi-nwu lɛlɔ. 20Si bekyuli bávumana kayi na Katɔti údie-ma ɔ́lɛku ala ani muukpóku-ma ƒui kudɔ ka báƒɔ Blɔti ku Ɔƒɔne Yesu Kristo asa na básɔ bénwini bésie belie bana ngba kuuku bɔmmɔ ni, bana ablala eebie teetulo kalɛ na úse kalɔ kesekɔ ƒui. 21Si nka bétenu ngba siin bulie lɛlɔ litemi kudii muedi ni, nka ɔdia-ma utulo. Nsu bénu-ni asa na básɔ bédeyi ulu ɔmmɔ, na baládi ɔda bubo kedee bɔni na béte-ma lɛlɔ. 22Sɔsɔ na ɔdi ka agba ani na bébo ébo éte lɛni na bana lɛlɔ ka akpɛwe ɔsɔ uuti nwuna kɔdala taadi, na ɔplakuo ɔni na bákpila-nwu ɔsɔ uunwíni taatákpi aba.

will be added

X\