1 KORINTOƑUƆ 8

1Na ɔƒɛni ni, mɔɔyɔ́ ka lɛsu-mii lɛla lɛdi na adila ani na béti bákpa na baƒiɔ abi lɛlɔ. Bɔɔsu bɔnii bula ƒui bubo lɛlati. Nsu bɔgyi lɛnɔ ka lɛlati lɛmɛni lɛɛyá na ukyuli uuƒu na ɔɔtina lɛlɔ. Nsu lɛla lɛni mɔɔkya-bu ogya ni, ani ndi si aayɔ́ bekyuli. 2Ukyuli biala ɔni mɔɔkali ɔnii ɔgyi lɛla lɛdi ni, geen geen ni, ɔɔɔgyi-ni kalɛ na ɔlɛka ɔti. 3Nsu ukyuli ɔni mɔɔyɔ́ Katɔti ni, Katɔti ɔgyi-nwu. 4Na ɔmɛni ndi lɛla lɛni mɔɔsu-mii na adila ani na béti bákpa na baƒiɔ abi lɛlɔ bɔdi lɛlɔ. Bɔgyi ka ala ani na bekyuli bábla bése baakpá ni, aaadi lɛla lɛdi na kayawi kamɛni kemo. Ɔsika bɔgyi ka Katɔti unwi pɛ kani nkya. 5Ina bekyuli baasu banii baƒiɔ bakya katɔ iye kalɔ mɛni na ina ka baƒiɔ bamɛni lidu limomo ku kalɔ benwoti muedi ni, 6abu bɔgyi ka Katɔti unwi pɛ na bubo. Anwu ndi Ati ɔni nédie ala ana ƒui. Na anwu na bulie ngba bute. Na Blɔti unwi pɛ kani nkya, na anwu ndi Yesu Kristo ɔni lɛlɔ na Katɔti ɔkɛ údie ala ƒui. Na ɔkɛ anwu ɔsu na buli ngba. 7Ɔɔɔdi ukyuli biala ngyi litemi geen lɛmɛni. Ala ani na bekyuli bábla bése baakpá ni, ése áƒɔ badi lɛlɔ kemo ɔni na úbedu ɔmwi kadi si bádi adila amɛni udu ni, baabu banii baƒiɔ adila na adi. Na bana kasusu kpɛtɛ kpɛtɛ kaadú-ma kɔtɔ ka adila ammɔ aayá beesé lɛlɔ. 8Ɔɔɔdi adila adi bɔdi ndubɔya na abu ku Katɔti ntɛ bɔdia bubu. Na bulayila lɛla lɛdi si bútadi. Na lɛni kani na bulákɛ lɛla lɛdi si bɔdi adila adi. 9Bɛnu kaduɛ na bina kuƒi kɔni na bibo lɛlɔ kalɛ na uleboku ukyuli ɔni na nwuna bɔƒɔtaadi buuubo ɔkplu kalɔ na wabla likpidi lɛdi. 10Kali nu si ukyuli ɔni na nwuna bɔƒɔtaadi buuubo ɔkplu ɔnu-ɔ aani ukyuli ɔni na ƒula lɛnunda lísie anumi ka aadi adila ani bákpa béte baƒiɔ na nwuna ɔtɔ. Anwu lɛnɔ ɔdubɔkɛ ɔyikun na ɔdi adila ani na béti bákpa béte baƒiɔ mmɔ. 11Ɔmmɔ ɔsu ni, ƒula ɔnwani ɔni ɔsu na Kristo úkpi na nwuna bɔƒɔtaadi buse kpɛtɛ kpɛtɛ ɔdubɔyii ku udu na ƒula lɛla lɛni na aanu anii lɛlati ɔsu. 12Si úbo lɛni ni, na aabla likpidi taaƒiɔ ƒula baƒɔtaadine bakpana. Na áya na bani bɔƒɔtaadi neeebo ɔkplu bɔdubo-ma buteekpoku na bana kɔyi kemo. Na si úbo lɛni ni, aabla likpidi taaƒiɔ Kristo. 13Anwuɔsu si adila ani na mɔɔdi adubɔya na mina ɔnwani ɔbla likpidi ni, nsɔ lɛɛɛdubo adila ani na béti bákpa béte baƒiɔ bɔdi kudii kalɛ na mina ɔnwani weduo likpidi kemo.

will be added

X\