1 !Ɩɩ na, Yeesu Kiriisitu ñɩ ci Tafiiti n'Aperaham wa yikee na, ɩ caasɩna. 2 Aperaham ka lel na Iisake, n'Iisake lel Sakɔpe. Sakɔpe lel Suta, na ɩ ritafala. 3 Suta lel Farɛse, na Seerake. (A ka yaa wa rii sɛ Tamar.) Farɛse lel Ɛserom, n'Ɛserom lel Aram. 4 Aram lel Amiinatape. Amiinatape lel Nasɔŋ. Nasɔŋ lel Salmɔŋ. 5 Salmɔŋ lel Poase. (A ka yaa ɩ rii sɛ Rahape.) Poase lel Opɛte. (Lɛ rii ka ci Ruti.) Opɛte lel Iisaɩ. 6 Iisaɩ lel Tafiiti. Tafiiti lel Salomɔŋ. (Ɩ rii kiɖinkiɖin waal ka ci Urii.) 7 Salomɔŋ lel Ropoam. Ropoam lel Apɩa. Apɩa lel Asa. 8 Asa lel Sosafate. Sosafate lel Soram. Soram lel Osɩase. 9 Osɩase lel Soatam. Soatam lel Akase. Akase lel Eeseekɩase. 10 Eeseekɩase lel Manasee. Manasee lel Amɔŋ. Amɔŋ lel Sosɩase. 11 Sosɩase lel Seekonɩase, na ɩ ritafala, k'alʋate nte taa a kpa Iiseraɛl ñempa n'a wan-wa Papiilon kɔrʋ taa na. 12 A kpa Iiseraɛl ñempa ka wonte n'a wan-wa Papiilon kɔrʋ taa n'ʋ kper na, Seekonɩase lel Salatɩɛl. Salatɩɛl lel Soropapɛl. 13 Soropapɛl lel Apiiuti. Apiiuti lel Eelɩakiim. Eelɩakiim lel Asɔr. 14 Asɔr lel Satɔke. Satɔke lel Asiim. Asiim lel Eeliiuti. 15 Eeliiuti lel Eeleeasar. Eeleeasar lel Mataŋ. Mataŋ lel Sakɔpe. 16 Sakɔpe lel Sosɛfe. Yeesu ñɩ a yaa-ɩ sɛ Kiriisitu na, ɩ rii Marɩ waal kelɛ Sosɛfe ñɩ. 17 Sʋ Aperaham n'ʋ rɛ n'ʋ tal Tafiiti, caasɩna lii hiiu na nnaʋsa, wa-n'wa wiisi. Ʋ sʋ Tafiiti n'ʋ rɛ n'ʋ tal alʋate nte taa, a kpa Iiseraɛl ñempa n'a wan-wa Papiilon kɔrʋ taa na, caasɩna lii kʋɖemte rerɛ-ɔ hiiu na nnaʋsa. Ʋ sʋ renaa n'ʋ rɛ n'ʋ tal Kiriisitu lelte taa, caasɩna lii hiiu na nnaʋsa rerɛ. 18 !Ɩɩ na, a lel Yeesu Kiriisitu ka wonɔn'ɔna. Ɩ rii Marɩ ka ci Sosɛfe arantʋ yal kena. Ama, se fɛ nɩ wa sem ɖemaŋ na, Asɛ Fiisu kam ɩ rɛɛ n'ɩ laʋ ho. 19 Sosɛfe ka ci riyuyutɩ kena, n'ɩ ñɔŋ Asɛ tentɛnte. Semp'ɔna, ɩ ciiwa s'ɩ kisi Marɩ k'amɛsɔŋ taa, nɩ yer ra nɩʋ. 20 N nɔɔn ɩ wɩ ɩ t'ɔ semp'ɔ wonte na, Asɛ tirir nɛɛr kam ɩ cal-ɔ reeser taa, n'ɩ yaa-ɩ sɛ: "Wuroo Tafiiti yikee Sosɛfe, !ɖa kisi s'n kan Marɩ, wonte rɛɛ na, Asɛ Fiisu kan-na ɩ rɛɛ, nɩ kʋ yeʋ n'ɩ laʋ ho. 21 Yo nka ɩ kaa s'ɩ lel-ka na, !n kaa s'n yaa-ka sɛ Yeesu, wonte rɛɛ na, ka kaa sɛ ka lese ka yera ka w'awarkase taa." 22 Ʋ laʋ sempe se fɛ n'Asɛ ka siir wonte na ɩ tentɛnte rɛser na, te laʋ. Nt'ɔlɛ sɛ: 23 "Asar kaa sɛ re laʋ ho, nɩ re lel yo k'a kaa s'a yaa-ka s'Eemanuɛl." (Yeɖe nɖe kutihuɖi kelɛ s'Asɛ wɛ ra cal.) 24 Sosɛfe hom wonte na, ɩ laʋ s'Asɛ tirir siir-ɩ wonɔn'ɔna, n'ɩ sʋ Marɩ ka ɩ tɛ s'ɩ yal, 25 nɩ wa ta sem ɖemaŋ, nɩ Marɩ rɛ n'ɩ lel yo. Sosɛfe yaa yo nka sɛ Yeesu.
